مەملەكەتتىك حاتشى مەن ۇلتتىق كومپانيا باسشىسى مەموراندۋمعا قول قايدى

استانا. 20 مامىر. مەملەكەتتىك حاتشى, قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى گۇلشارا ابدىقالىقوۆا مەن «استانا ەكسپو-2017» ۇلتتىق كومپانياسى» باسقارماسىنىڭ توراعاسى تالعات ەرمەگياەۆ ىنتىماقتاستىق تۋرالى مەموراندۋمعا قول قويدى. بۇل تۋرالى akorda.kz حابارلادى. ۇلتتىق كوميسسيا ءتورايىمى اتالعان مەموراندۋمعا قول قويۋ قازاقستان ءۇشىن ەلەۋلى وقيعا ەكەنىن, سەبەبى, ەل حالقىنىڭ 52 پايىزىن ايەلدەر قۇرايتىنىن اتاپ ءوتتى. وسىعان وراي, قازاقستاندىق ايەلدەردىڭ وراسان زور الەۋەتىن, سونداي-اق, وتاندىق جانە حالىقارالىق ۇكىمەتتىك ەمەس ۇيىمداردى, حالىقارالىق ايەلدەر ۇيىمدارىن جان-جاقتى ىسكە قوسۋ ۇلتتىق كوميسسيانىڭ باستى مىندەتتەرىنىڭ ءبىرى بولىپ تابىلادى. گۇلشارا ابدىقالىقوۆا مەملەكەت باسشىسى تاراپىنان «ەكسپو-2017» كورمەسىن دايىنداۋ جانە وتكىزۋ كەزىندە وتاندىق ەكونوميكانىڭ, اسىرەسە شاعىن جانە ورتا بيزنەستىڭ رەسۋرستارىن بارىنشا پايدالانۋ جونىندە تاپسىرما بەرىلگەنىنە نازار اۋداردى. اتاپ ايتقاندا, ۇلتتىق كوميسسيا جاسىل تەحنولوگيالاردى پايدالانۋ ارقىلى پيلوتتىق جوبالاردى ىسكە اسىرۋ, يننوۆاتسيالىق ەنەرگيا جيناقتاۋشى تەحنولوگيالارمەن اينالىساتىن ايەلدەر قوعامداستىعىن «ەكسپو-2017» كورمەسىنە قاتىسۋعا تارتۋ جۇمىستارىن جانداندىرىپ وتىر. سوڭىندا مەملەكەتتىك حاتشى مەموراندۋم جاسىل ەكونوميكانى, ايەلدەر كاسىپكەرلىگىن دامىتۋعا ينۆەستيتسيا تارتۋعا جانە جاڭا جۇمىس ورىندارىن اشۋعا مۇمكىندىك تۋعىزاتىنىن اتاپ ءوتتى. ەلامان قوڭىر. دەرەك: akorda.kz. سۋرەت: inform.kz.