تاراز. 20 مامىر. جامبىل وبلىسى ىشكى ىستەر دەپارتامەنتى جانە ىشكى ىستەر ورگاندارى ارداگەرلەرلەر كەڭەسىنىڭ ۇيىمداستىرۋىمەن پوليتسيا گەنەرال-مايورى ف.قىپشاقباەۆتى ەسكە الۋعا ارنالعان وبلىستىڭ قۇقىق قورعاۋ جانە ىشكى ىستەر ورگاندارى اراسىندا ۆولەيبولدان تۋرنير وتكىزىلدى. بۇل تۋرالى egemen.kz ءتىلشىسى حابارلادى.
تۋرنيرگە جامبىل وبلىسى قۇقىق قورعاۋ جانە ىشكى ىستەر ورگاندارى قىزمەتكەرلەرىنەن قۇرالعان 17 كوماندا قاتىستى.
جارىس قورىتىندىسى بويىنشا جۇلدەلى ءبىرىنشى ورىندى – جامبىل وبلىسى ۇقك دەپارتامەنتى كومانداسى, ەكىنشى ورىندى – ءىىد جقاج كومانداسى, ال جامبىل ستانتسياسىنىڭ جەلىلىك ىشكى ىستەر ءبولىمىنىڭ كومانداسى ءۇشىنشى ورىنعا تابان تىرەدى.
اتاپ وتەتىن بولساق, ەڭ تارتىستى ويىن بولىپ فينالداعى ۇلتتىق قاۋىپسىزدىك دەپارتامەنتى قۇراماسى مەن ىشكى ىستەر دەپارتامەنتىنىڭ جىلدام قيمىلدايتىن ارنايى جاساق قۇرامالارىنىڭ ويىنى بولدى. ناتيجەسى بويىنشا ۇلتتىق قاۋىپسىزدىك دەپارتامەنتىنىڭ قۇراماسى 2:1 ەسەبىمەن باسىم ءتۇستى.
جۇلدەلى ورىندى يەلەنگەن كوماندالار ىشكى ىستەر دەپارتامەنتى مەن ارداگەرلەر كەڭەسىنىڭ ديپلومدارىمەن, مەدالدارىمەن, كۋبوكتارمەن جانە ميليتسيا گەنەرال-مايورى ف.قىپشاقباەۆتىڭ تۋىستارىنىڭ اتىنان باعالى سىيلىقتارمەن ماراپاتتالدى.
ورالحان ءداۋىت.
دەرەك, سۋرەت: egemen.kz.
