الماتى. 20 مامىر. ازەربايجان استاناسىنىڭ ازاتلىگ داڭعى بويىندا ورنالسقان 16 قاباتتى ءۇيدى ءورت شالىپ, 16 ادام قازا تاپتى, 54 ادام اۋرۋحاناعا ءتۇستى. بۇل تۋرالى ايف حابارلادى.
بىرنەشە مينۋت ىشىندە بۇكىل عيماراتتى شارپىعان ءتىلسىز جاۋ تۇرعىنداردى ساستىرىپ, ابىگەرگە سالدى. تەز ارادا كومەكككە كەلىپ جەتكەن توتەنشە جاعدايلار قىزمەتى ادامداردى قۇتقارۋدىڭ بار امالىن جاسادى. الايدا, قويۋ ءتۇتىن ارالاسقان جالىن ءورت سوندىرۋشىلەردىڭ جۇمىسىن كىدىرتتى.
ايتا كەتەيىك, جالىننىڭ بوي بەرمەۋىنە تۇرعىن ءۇيدىڭ تەز تۇتانعىش بىراق ءساندى قۇرىلىس ماتەريالدارىنان سالىنۋى دا نەگىزى سەبەپ بولعان.
بۇگىندە ازەربايجان پرەزيدەنتى يلحام اليەۆتىڭ تىكەلەي باقىلاۋىنا الىنعان ءورتتىڭ نەگىزگى سەبەپتەرى انىقتالۋ ۇستىندە. قازا تاپقاندار ىشىندە 1-5 جاس ارالىعىنداعى بالالار جانە ءبىر وتباسىنان بىرنەشە ادام بار.
حالىقتىڭ قابىرعاسىن قايىستىرعان قايعىلى جاعدايعا وراي بيلىك تۇرعىنداردى سابىرعا شاقىرىپ, ءورتتىڭ سالدارىنان قازا تاپقان جانداردىڭ تۋىستارىنا كوڭىل ايتتى.
تالعات ءسۇيىنباي.
دەرەك سۋرەت: ايف.
