نەمقۇرايدىلىق – قوعام دەرتى

ايتايىن دەگەنىم... كوشەدە كەلە جاتىپ, وتكەن-كەت­كەن ءار ءتۇرلى جاعدايلارعا وي جۇگىر­تە­سىڭ. ويتكەنى, بۇل جايتتەردىڭ بار­لى­عى دا مەنىڭ قوعامىمدا بولىپ جاتىر. وسى ورتادا ءومىر سۇرگەندىك­تەن, كوشەدەگى كەلەڭسىزدىكتەر مەنى دە اينالىپ كەتە الماق ەمەس. قو­لى­ما قالام الۋىما دا وسىنداي ءجايت­تەر سەبەپ بولدى. سونىڭ باس­تى­سى – ادامداردىڭ نەمقۇرايدىلىعى. ەلورداداعى باراەۆ كوشەسى بويى­مەن كەلە جاتقان مارشرۋتتىق اۆتوبۋس ءجۇر­گى­زۋ­شىسى بىردەن تەجە­گىش­تى باسىپ, جو­لاۋ­شىلاردى ءبىر شاي­قاپ الدى. جۇرت­تىڭ بارلىعى ابىر-سابىر بولدى. سويتسەك, اۆتوبۋس الدىنداعى جەڭىل اۆتوكولىك يەسى جاياۋ جۇرگىنشى قيىپ وتكەندىكتەن,  ءبىر­دەن تەجە­گىش­كە اياق سالعان. ار­تى­نان اسىعىس كەلە جاتقان اۆتوبۋس جا­ڭاعى جەڭىل كولىككە جاناي بارىپ توقتاعان. وسىلايشا, ەكى جۇرگىزۋشى ءبىر-ءبىرى­مەن كەرىسىپ, نە كەلىسىپ جاتقاندا, الگى جول ەرەجەسىن بۇزعان جاياۋ ءجۇر­گى­نشى جونىنە كەتە باردى. قاراپ تۇر­ساڭىز, جاياۋ جۇرگىن­شى­لەر­گە ارنال­عان باعدارشام 10 مەتر جەر­دە عانا تۇر. سونداي ارنايى ورىن­دار­دان وتپەي, جولدى توتە­سى­نەن قيا­مىن دەپ قانشاما ادامنىڭ ءومىرى قيىلعانىنا تالاي كۋا بولدىم. تاعى ءبىر مىسال كەلتىرەيىن. ۇنە­مى قوعامدىق كولىكتە جۇرەتىندىكتەن, كوزىمە شاعىن عانا جارناما ىلىكتى. وندا ورىسشاسىندا “ۆسە دليا بۋدۋششەە دەتيام, سكاجي ناركوتيكام نەت!” دەلىنسە, قازاقشاسىندا “بار­لىعى بالالار ءۇشىن, ناشا­قور­لىقپەن كۇرەس جوق!” دەپ جازى­لىپ­تى. بۇل جەردە ناشاقورلىقپەن كۇرەس جوقتىعى ەمەس,  تالايلاردىڭ سورى بولعان سوراعا ورىن جوقتىعى ايتىلىپ تۇرعان جوق پا. وسىدان-اق مەملەكەتتىك تىلگە دەگەن نەمقۇراي­دىلىقتى كورۋگە بولادى. سەلقوستىق پەن نەمقۇرايدىلىق جەكە وتباسىنان باستاپ, بۇكىل مەملەكەتتىڭ تاعدىرىنا تەرىس اسەر بەرەرىن ەسكەرسەك, ءبىز ءۇشىن وسىنداي دەرتپەن مىقتاپ كۇرەسۋ ۋاقىت تالابى بولۋى ءتيىس. “ويان, قازاق!” دەپ ۇرانداتقان كەشەگى اتالارىمىز ءبىزدى وسىنداي نەمقۇرايدىلىقتان ارىلۋعا شاقىرسا كەرەك. ولاي بولسا, بىزگە جەلپىنەتىن, سەرپىلەتىن كەز كەلگەنى انىق. اسقار تۇراپباي ۇلى.