الماتى. 19 مامىر. اسا تانىمال امەريكالىق بەيسدجامپەر ءارى شىڭعا ورمەلەپ شىعۋشى دين پوتتەر مەن ونىڭ ارىپتەسى گرەم حانت اقش-تىڭ يوسميت ۇلتتىق ساياباعىندا شىڭنان سەكىرۋ كەزىندە مەرت بولدى. بۇل تۋرالى بي-بي-سي حابارلادى.
پوتتەر (43) مەن حانت (29) ساياباق اۋماعىنا جايلاسقان تافت پوينت مۇيىسىندەگى بيىكتىگى 2286 مەتر شىڭنان ۆينگسيۋتپەن (قاناتتى كيىم ۇلگىسى) تومەن قۇلديلاعان. قۇتقارۋشىلار ەكى سپورتشىنىڭ مايىتىنە قاتىستى «پاراشيۋت اشىلماعان» دەگەن بولجام جاسادى.
كەيبىر اقپارات قۇرالدارىنىڭ مالىمەتىنە سۇيەنسەك, قانات بايلاعان ەكى سپورتشى بيىك قۇزدىڭ اراسىنان ۇشىپ وتپەك بولعان كەزدە اپاتقا ۇشىراعان.
New York Times باسىلىمىنا 2008 جىلى بەرگەن سۇحباتىندا دين پوتتەر: «كوپشىلىك مەنى ادام دا ۇشادى ما ەكەن دەپ جازعىرادى. قول جەتپەسكە ۇمتىلۋ مەن ءۇشىن قىزىق» دەگەن ەدى.
شىڭعا ورمەلەۋدە الدىنا جان سالمايتىن ايگىلى سپورتشى داگ روبينسون بي-بي-سي اگەنتتىگىنە بەرگەن سۇحباتىندا ارىپتەسى تۋرالى: «پوتتەر بۇل سپورتتىڭ شەكتەۋلى شەكاراسىن بۇزۋعا تالپىندى. ءبىز ونىڭ ولىمىنە قايعىرامىز. بىراق, ەشقانداي دا تاڭدانىپ وتىرعانمىز جوق» دەدى.
تالعات ءسۇيىنباي.
دەرەك, سۋرەت: بي-بي-سي.
