استانا. 25 تامىز. بۇگىن باس پروكۋرور اسحات داۋىلباەۆ تمد ەلدەرىنىڭ باس پروكۋرورلارى ۇيلەستىرۋ كەڭەسىنىڭ (تمد بپۇك) 25-جينالىسى شەڭبەرىندە وسى ۇيىمنىڭ اتقارۋشى حاتشىسى لەونيد ەرمولاەۆپەن كەزدەستى. بۇل تۋرالى باس پروكۋراتۋرانىڭ ءباسپاسوز قىزمەتى حابارلادى.
كەزدەسۋ بارىسىندا جوسپارلانىپ وتىرعان جينالىستىڭ كۇن ءتارتىبى تالقىلاندى. بۇل جيىن مەرەيتويلىق بولىپ تابىلادى جانە تمد ەلدەرىنىڭ باس پروكۋرورلارى ۇيلەستىرۋ كەڭەسىنىڭ قۇرىلعانىنا 20 جىل تولۋىنا ارنالادى.
تاراپتار فورۋم بارىسىندا تالقىلاۋعا ۇسىنىلاتىن ماسەلەلەردىڭ ماڭىزدىلىعىنا نازار اۋداردى. سونداي-اق, باس پروكۋرور تمد اۋماعىندا قىلمىسپەن, تەرروريزممەن جانە وزگە دە زورلىق ەكسترەميزمنىڭ كورىنىستەرىمەن, ەسىرتكى زاتتارىنىڭ, پسيحوتروپتىق زاتتار مەن ولاردىڭ پرەكۋرسورلارىنىڭ زاڭسىز اينالىمىمەن, ادام ساۋداسىمەن كۇرەس ماسەلەلەرىنىڭ وزەكتىلىگىن ەرەكشە اتاپ ءوتتى.
باسقوسۋدا تمد ەلدەرىنىڭ باس پروكۋرورلارى ۇيلەستىرۋ كەڭەسىنىڭ 2014-2018 جىلدارعا ارنالعان جۇمىس جوسپارىنىڭ ورىندالۋ ماسەلەلەرى ءسوز بولدى.
تمد بپۇك 1995 جىلعى 7 جەلتوقساندا قۇرىلعان. 2000 جىلعى 25 قاڭتارداعى تمد قاتىسۋشى-مەملەكەتتەرىنىڭ مەملەكەت باسشىلارى كەڭەسىنىڭ شەشىمىمەن وعان تمد مەملەكەتارالىق ورگانى مارتەبەسى بەرىلگەن. وسى قۇجاتقا ازەربايجان, ارمەنيا, بەلارۋس, گرۋزيا, قازاقستان, قىرعىزستان, مولدوۆا, رەسەي, تاجىكستان جانە ۋكراينا قول قويعان.
ەلامان قوڭىر.
دەرەك, سۋرەت: باس پروكۋراتۋرانىڭ ءباسپاسوز قىزمەتى.
