پەتروپاۆل. 19 مامىر. «دامۋ» كاسىپكەرلىكتى دامىتۋ قورى» اق-نىڭ وڭىرلىك فيليالى مەن كاسىپكەرلەرگە قىزمەت كورسەتۋ ورتالىعى اسەم دە ەڭسەلى عيماراتقا قونىس اۋداردى. سالتاناتتى شاراعا وبلىس اكىمى ەرىك سۇلتانوۆ, «دامۋ» كاسىپكەرلىكتى دامىتۋ قورى» اق باسقارماسىنىڭ ءتورايىمى ءلاززات يبراگيموۆا, جەرگىلىكتى كاسىپكەرلەر پالاتاسىنىڭ, ۇلتتىق كومپانيالاردىڭ, بيزنەس قۇرىلىمدارىنىڭ وكىلدەرى قاتىستى. بۇل تۋرالى كاسىپكەرلىك باسقارماسىنىڭ ماماندارى حابارلادى.
بۇعان دەيىن «دامۋ» قورىنىڭ وڭىرلىك فيليالى مەن كاسىپكەرلەرگە قىزمەت كورسەتۋ ورتالىعى عيماراتتى جالعا الىپ كەلسە, قازىرگى نىساننىڭ اۋماعى – 1483,5 شارشى مەتر. وسى قوردىڭ قارجىلىق وپەراتورلىعىمەن «بيزنەستىڭ جول كارتاسى – 2020» مەملەكەتتىك باعدارلاماسى شەڭبەرىندە 386 اۋماقتىق جوباعا 28,7 ميلليارد تەڭگە دەمەۋقارجى بەرىلدى. ورتالىقتان 4 مىڭنان استام شاعىن جانە ورتا بيزنەس وكىلدەرى كومەك العان. ايماق باسشىسى ءوز سوزىندە كاسىپكەرلىك بەلسەندىلىكتىڭ ارتا تۇسكەنىن اتاپ كورسەتتى. بىلتىر 25 مىڭنان استام بيزنەس سۋبەكتىلەرى بولسا, بيىل 10 مىڭعا كوبەيگەن.
جاڭا عيماراتتا اقىل-كەڭەستەن باستاپ سەمينار,ترەنينگتەرگە دەيىن تەگىن وتكىزىلەدى. ل. يبراگيموۆا «بايتەرەك» ۇلتتىق باسقارۋشى حولدينگى» اق ينۆەستيتسيالار تارتۋ, كلاستەرلەردى دامىتۋ جانە ەنشىلەس ۇيىمداردا بىرلەسە باسقارۋ جۇيەسىن جەتىلدىرۋ ماقساتىمەن قۇرىلعانىن, وبلىستاعى وڭىرلىك فيليال مەن كاسىپكەرلەرگە قىزمەت كورسەتۋ ورتالىعى رەسپۋبليكادا ۇزدىك ۇشتىككە ەنەتىنىن, پايدالانۋعا بەرىلگەن اۋقىمدى نىسان قىزمەت كورسەتۋ اياسىن كەڭەيتە تۇسەتىندىگىن جەتكىزدى.
عيماراتتىڭ ءبىرىنشى قاباتىنا كاسىپكەرلەرگە قىزمەت ەتۋ ورتالىعى ورنالاسقان. وندا 6 كەڭەسشى مەن حالىققا قىزمەت كورسەتۋ ورتالىعى, «تۇرعىن ءۇي-قۇرىلىس جيناق بانكى» فيليالدارىنىڭ, سەرۆيستىك كومپانيالاردىڭ بولىمدەرى «ءبىر تەرەزە» قاعيداتىمەن جۇمىس ىستەيدى.
ەكىنشى قاباتتا «دامۋ» كاسىپكەرلىكتى دامىتۋ قورى» اق-نىڭ بولىمشەسى ورىن العان. اقپاراتتىق كەزدەسۋلەر مەن وقىتۋ شارالارىن وتكىزۋگە ارنالعان كابينەت 50 ورىنعا لايىقتالعان.
ءومىر ەسقالي.
دەرەك, سۋرەت: سولتۇستىك قازاقستان وبلىستىق كاسىپكەرلىك باسقارماسى.
