نازارباەۆتىڭ بالىق اۋلاعان ءساتى تۇسىرىلگەن ۆيدەو جاريالاندى

استانا. 19 مامىر. اقوردا بۇگىن قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ بالىق اۋلاعان ءساتى بەينەلەنگەن ۆيدەونى جاريالادى. بۇل تۋرالى Tengrinews.kz حابارلادى. ۆيدەودا نۇرسۇلتان نازارباەۆتىڭ ويىقتان ورتاشا كولەمدى بالىقتى اۋلاپ, تىسقا شىعارى جاتقانى بەينەلەنگەن. مەملەكەت باسشىسىنىڭ ءباسپاسوز قىزمەتى ارحيۆتەن قازاقستان پرەزيدەنتىنىڭ قاتىسۋىمەن تۇسىرىلگەن سۋرەتتەر مەن ۆيدەولاردى وسىلايشا ارا-تۇرا Instagram الەۋمەتتىك جەلىسىنىڭ رەسمي پاراقشاسىنا جاريالاپ تۇرادى. بۇگىن @akordapress پاراقشاسىندا نۇرسۇلتان نازارباەۆتىڭ كامۋفۋلياج بەن جىلى مالاقاي كيىپ الىپ, بالىق اۋلاپ جۇرگەن ءساتى پايدا بولدى. ۆيدەو سيپاتتاماسىندا «پرەزيدەنتتىڭ بەينە مۇراعاتىنان: ويىقتان بالىق اۋلاۋ, 2010 ج.», - دەپ جازىلعان. اتاپ ءوتۋ كەرەك, جارتى ساعات ىشىندە ۆيدەوعا 1300 لايك جينادى. ال Instagram الەۋمەتتىك جەلىسىندەگى @akordapress پاراقشاسىنا شامامەن 57 مىڭ ادام جازىلعان. مەملەكەت باسشىسىنىڭ ءباسپاسوز قىزمەتى Instagram جەلىسىندەگى پاراقشاسىندا قازاقستان پرەزيدەنتى بەينەلەنگەن سۋرەتتەر مەن ۆيدەولاردى ءجيى جاريالاپ وتىرادى. ەسكە سالا كەتەيىك, پرەزيدەنتتىڭ ءباسپاسوز قىزمەتى وسىعان دەيىن نازارباەۆتىڭ كولىك جۇرگىزىپ كەلە جاتقان سۋرەتى مەن ۆيدەوسىن جاريالاعان ەدى. https://youtu.be/eQJbFTp8XIo