پەتروپاۆلدا جاس روبوت قۇراستىرۋشىلاردىڭ سايىسى ءوتتى

پەتروپاۆل. 19 مامىر.  وبلىس ورتالىعىندا «بولاشاق قۋاتى – قازاقستاننىڭ قولىندا» اتتى ايماقتىق فورۋمى اياسىندا «روبو-ەكسپو» روبوتتى تەحنيكا سايىسى ءوتىپ, وعان استانا, قوستاناي, تاراز, قاراعاندى, كوكشەتاۋ, پەتروپاۆل قالالارىنان 11 كوماندا قاتىستى. بۇل تۋرالى وبلىستىق ءبىلىم باسقارماسىنىڭ ماماندارى حابارلادى. فورۋم «ەكسپو-2017» حالىقارالىق كورمەسىنە ارنالىپ, ەكى ءبولىم, توعىز دەڭگەي بويىنشا وتكىزىلدى.  جاس ونەرتاپقىشتار ءار اتالىم بويىنشا وزدەرىنىڭ بىلىكتىلىكتەرى مەن تاپقىرلىقتارىن ورتاعا سالدى. ءبىرىنشى بولىمدە ءوز تۋىندىلارىن بۇزىپ, قايتا قۇراستىرۋدان سايىسسا, ەكىنشى بولىمدە ولاردىڭ جىلدام باسىپ, سورە سىزىعىنا جەتۋلەرىنەن باق سىنادى. «روبوتتى تەحنيكا قازاقستاندىق ءىت تەحنولوگيا سالاسىنداعى تەحنولوگيالىق دامۋدىڭ باسىم باعىتتارىنىڭ ءبىرى جانە كەلەشەگى وتە زور.بار. بۇل سالا قازىر ۇلكەن سۇرانىسقا يە. روبوتتى تەحنيكاعا دەگەن وقۋشىلاردىڭ بەلسەندىلىگى ماعان كەرەمەت اسەر ەتتى. ولاردى جاستايىنان وسىلاي داعدىلاندىرىپ, شىنىقتىرسا, ەرتەڭ وندىرىسكە تالاي جاڭالىقتاردى ەنگىزەرىنە داۋ جوق», دەيدى حالىقارالىق دەڭگەيدەگى روبوتتى تەحنيكا باپكەرى پەت نايدۋ. ول قوستاناي قالاسىنداعى نازارباەۆ زياتكەرلىك مەكتەبىندە جۇمىس ىستەيدى. بۇعان دەيىن بىرىككەن اراب امىرلىكتەرىندە روبوت تەحنيكاسىمەن اينالىسقان. ەندى بۇل سالانى قازاقستاندا دامىتۋعا ءوز ۇلەسىن قوسىپ كەلەدى. «Robo Expo» فەستيۆالىنىڭ جەڭىمپازدارى قىركۇيەكتە وتەتىن رەسپۋبليكالىق كونكۋرسقا جولداما الدى. ءومىر ەسقالي. دەرەك: سولتۇستىك قازاقستان وبلىستىق ءبىلىم باسقارماسى. سۋرەت: egemen.kz