پاۆلودار. 19 مامىر. وبلىس ورتالىعىندا تۋعان ەكى سابيگە اكە-شەشەسى مەن اتاسى كەرەي, جانىبەك دەگەن ات قويدى. بۇل تۋرالى egemen.kz ءتىلشىسى حابارلادى.
26 اقپاندا دۇنيەگە كەلگەن ۇلعا كەرەي دەپ ات قويعان بالانىڭ اتا-اناسى – جەلەزين اۋدانىندا تۇرادى. اكەسى رۇستەم ىسقاقوۆ شارۋا قوجالىعىندا جۇمىس ىستەيدى. اناسى ايناگۇل بولسا, مەكتەپتە مۇعالىم. كەرەيگە اعا بولاتىن ۇيدە ۇلكەن ۇلدارى بار.
ال, وبلىس ورتالىعىنداعى پەرزەنتحانادا كەرەيمەن قاتارلاس تۋعان ۇلدارىنا جانىبەك دەپ ات قويعان ەكىنشى اتا-انا, اقنازار مەن نازەركە ابايدىلديندەر وبلىس ورتالىعىندا تۇرادى. نازەركە ستۋدەنت بولسا, جولداسى اقنازار جۇمىستا. ۇلدارىنا جانىبەك دەپ ەسىمدى اتالارى قويىپتى. ءتىپتى, اقنازاردىڭ اتاسى شەجىرە-تاريح سىرىن بىلەتىن ادام ەكەنى بايقالادى. قازاق بالاعا تەكتەن-تەك ات قويمايدى. وتكەننەن ءبىر ءىز, بەلگى قالدىرۋ ءۇشىن تۇبىنە جەتەدى. تاريحتا اتى بەلگىلى 1538-1580 جىلدارى بيلىك قۇرعان حاقنازار حان اتالعان قاسىم حاننىڭ بالاسى /اقنازار/ حان تۇسىندا قازاق حاندىعى قايتا بىرىككەنى, حاقنازار قازاق مەملەكەتىن 42 جىل بيلەگەنى بەلگىلى. ولاي بولسا, جاڭا تۋعان ءسابي جانىبەكتىڭ اكەسى اقنازاردىڭ دا اتى تەگىن قويىلماعانى انىق.
ال, كەرەي مەن جانىبەك 1465 جىلى العاشقى حاندىقتى قۇردى. قازاق مەملەكەتتىلىگىنىڭ تاريحى سول كەزدەن باستاۋ الدى.
بيىل قازاق حاندىعىنىڭ قۇرىلعانىنا 550 جىل تولۋ قۇرمەتى حالىقارالىق دەڭگەيدە اتالىپ وتەتىنەن دە حاباردارمىز. سودان, كەرەي مەن جانىبەك دەگەن ۇلدار دۇنيەگە كەلدى دەگەن جاقسىلىق حابار سۇيىنشىلەي اكىمدىكتەرگە,جۇرتشىلىققا جەتتى.ءسويتىپ, قالالىق ازاماتتىق حال اكتىلەرىن تىركەۋ ءبولىمىنىڭ باسشىسى جانار توقاەۆا رۇستەم, ايناگۇل ىسقاقوۆتار پەن نازەركە, اقزانار ابايدىلديندەرگە ەكى ءسابي بولاشاقتا كەرەي مەن جانبەك حاندار – ۇلى اتالارىنىڭ ءبىر تامشىسىنداي, بەيبىت كۇندە ەلىنە قىزمەت ەتەر قايراتكەرلەر بولسىن دەگەن تىلەكپەن «تۋ تۋرالى كۋالىكتەر» مەن 100 مىڭ تەڭگەنىڭ سەرتيفيكاتتارىن تابىس ەتتى. ۇرپاقتار جالعاسى, اتا - بابا جولى, تىلەك قابىل بولدى دەگەن دە وسى شىعار.
فاريدا بىقاي.
دەرەك, سۋرەت: egemen.kz
