بەلگىلى سپورتشى الەكساندر ەمەليانەنكو 4,5 جىلعا سوتتالدى

استانا. 19 مامىر. ەرەجەسىز جەكپە-جەك شەبەرى, بەلگىلى سپورتشى الەكساندر ەمەليانەنكو كۇشتەپ جىنىستىق ارەكەتكە بارعانى ءۇشىن ايىپتى دەپ تانىلىپ, 4,5 جىلعا سوتتالدى. سونداي-اق, سپورتشىعا 50 مىڭ رۋبل كولەمىندە ايىپپۇل سالىندى. بۇل تۋرالى ريا «نوۆوستي» حابارلادى. ەكى جاقتىڭ پىكىرتالاسى كەزىندە پروكۋرور سوتتان ەمەليانەكونى 5 جىلعا باس بوستاندىعىنان ايىرىپ, 60 مىڭ رۋبل كولەمىندە ايىپپۇل سالۋدى سۇراعان ەدى. بۇعان دەيىن سپورتشىعا زورلىق جاسادى, تولقۇجات ۇرلادى جانە پاتەرىن تازالاپ جۇرگەن ايەلدى ەسىرتكى قولدانۋعا ۇيرەتتى دەگەن ايىپتار تاعىلعان بولاتىن. سپورتشىنىڭ قورعاۋشىسى الەكساندر كارابانوۆ كەيىننەن پروكۋروردىڭ ەسىرتكىگە بەيىمدەۋ ايىبىنان باس تارتقانى تۋرالى حابارلادى. الايدا, قورعاۋشى باسقا ايىپتاردىڭ دالەلدەنگەنىن مويىندادى. قىلمىستىق ءىس قۇجاتتارىندا الەكساندر ەمەليانەنكونىڭ وتكەن جىلى 3 ناۋرىزدا ماسكەۋدەگى پاتەرىندە ءۇيىن تازالايتىن ايەلدى قورلاپ, سومكەسىندەگى تولقۇجاتىن ۇرلاپ العانى تۋرالى ايتىلادى. الايدا, سپورتشى بايلانىستىڭ ەكىجاقتى كەلىسىممەن بولعانىن ايتتى. الەكساندر ەمەليانەنكو – ەرەجەسىز جەكپە-جەك بويىنشا حالىقارالىق جارىستاردا توپ جارىپ جۇرگەن بەلگىلى سپورتشى. سونداي-اق, ونىڭ داڭقتى فەدور ەمەليانەنكونىڭ ءىنىسى ەكەنى بەلگىلى. ەلامان قوڭىر. دەرەك: ريا «نوۆوستي». سۋرەت: twitter.com.