قازاقستاننىڭ باس پروكۋرورى اقش-تىڭ ەلشىسىمەن كەزدەستى

استانا. 19 مامىر. بۇگىن قازاقستان رەسپۋبليكاسىنىڭ باس پروكۋرورى اسحات داۋىلباەۆ اقش-تىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى دجوردج كرولمەن كەزدەستى. بۇل تۋرالى باس پروكۋراتۋرا ءباسپاسوز قىزمەتىنىڭ دەرەگىنە سۇيەنگەن egemen.kz ءتىلشىسى حابارلادى. سۇحبات بارىسىندا كەڭ اۋقىمدى ەكىجاقتى قۇقىقتىق ىنتىماقتاستىق ماسەلەلەرى, سونىڭ ىشىندە ۇيىمداسقان ترانسۇلتتىق قىلمىستىلىققا, كيبەرقىلمىستىلىققا, تەرروريزم جانە ەكسترەميزمگە, ەسىرتكى ساتۋ, قىلمىستىق جولمەن كەلگەن قاراجاتتىڭ ءىزىن جاسىرۋ ماسەلەلەرى تالقىلاندى. تاراپتار قول جەتكىزگەن ءوزارا ارەكەتتەسۋ دەڭگەيىنە قاناعاتتانۋشىلىق تانىتاتىندارىن ءبىلدىردى. ا.داۋىلباەۆ قازاقستاننىڭ باس پروكۋراتۋراسى قىلمىستىلىققا قارسى تۇرۋ, قىلمىستىق ىستەر بويىنشا حالىقارالىق قۇقىقتىق كومەك كورسەتۋ جانە قىلمىسكەرلەردى ۇستاپ بەرۋ ماسەلەلەرىن شەشۋدە وزارالىق قاعيداسىن ۇستانىپ, امەريكالىق ۋاكىلەتتى ورگاندارمەن بەلسەندى ىنتىماقتاستىق جۇرگىزىلىپ وتىرعانىن اتاپ ءوتتى. وسى ورايدا اسحات داۋىلباەۆ قىلمىستىق ىستەر بويىنشا ءوزارا قۇقىقتىق كومەك كورسەتۋ تۋرالى مەملەكەتارالىق شارتتى راتيفيكاتسيالاۋ جۇمىسىنىڭ بارىسى جونىندە حابارلادى. سونىمەن قاتار باس پروكۋرور ەلشىنى قازاقستاندا باس پروكۋراتۋرانىڭ جانىنان قۇقىق قورعاۋ ورگاندارى اكادەمياسىنىڭ قۇرىلعانى تۋرالى حاباردار ەتىپ, اقش-تىڭ قۇقىق قورعاۋ ورگاندارى اكادەمياسىمەن ىنتىماقتاستىق ورناتۋ جونىندە ۇسىنىس ءبىلدىردى. ۇستىمىزدەگى جىلعى ماۋسىم ايىندا استانا قالاسىندا وتەتىن زورلىق ەكسترەميزمگە قارسى ارەكەت ەتۋ بويىنشا ءسامميتتى وتكىزۋ ماسەلەلەرى اڭگىمەلەسۋدىڭ جەكە تاقىرىبى رەتىندە بولدى, بۇل ءىس-شارا اقپاندا وتكەن ۆاشينگتون ءسامميتىنىڭ جالعاسى بولىپ تابىلادى. سۇحباتتاسۋشىلار ترانسۇلتتىق قىلمىستىلىقپەن كۇرەس بويىنشا ەكىجاقتى قاتىناستاردى جانداندىرۋدىڭ قاجەتتىلىگىن اتاپ كورسەتىپ, ءوزارا ءتيىمدى ىنتىماقتاستىقتى ودان ءارى دامىتۋعا دايىن ەكەندىكتەرىن ءبىلدىردى. قۇرىش نۇرىمبەت. دەرەك, سۋرەت: باس پروكۋراتۋرانىڭ ءباسپاسوز قىزمەتى.