شىعىس قازاقستاندا ۋنيۆەرسيتەت رەكتورى تاعايىندالدى

وسكەمەن. 19 مامىر. قازاقستان رەسپۋبليكاسى ءبىلىم جانە عىلىم ءمينيسترى اسلان ءسارىنجىپوۆتىڭ بۇيرىعىمەن جاسۇلان قۇدايبەرگەن ۇلى شايماردانوۆ داۋلەت سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىنىڭ رەكتورى بولىپ تاعايىندالدى. بۇل تۋرالى egemen.kz ءتىلشىسى حابارلادى. جاسۇلان قۇدايبەرگەن ۇلى بيولوگيا عىلىمىنىڭ دوكتورى, پروفەسسور, قازاقستان رەسپۋبليكاسى پەداگوگيكالىق عىلىمدار اكادەمياسىنىڭ اكادەميگى. جوعارعى وقۋ ورنىنىڭ ۇجىمىنا جاڭا رەكتوردى مينيسترلىكتىڭ ءبىلىم جانە عىلىم سالاسىنداعى باقىلاۋ كوميتەتىنىڭ توراعاسى سايات ءنۇسىپوۆ تانىستىردى. جاسۇلان شايمەردەنوۆ پاۆلودار پەداگوگيكالىق ينستيتۋتىنىڭ پرورەكتورى, پاۆلودار مەملەكەتتىك ۋنيۆەرسيتەتىنىڭ ءبىرىنشى پرورەكتورى, پاۆلودار مەملەكەتتىك پەداگوگيكالىق ينستيتۋتىنىڭ جانە ىبىراي التىنسارين اتىنداعى ارقالىق مەملەكەتتىك پەداگوگيكالىق ينستيتۋتىنىڭ رەكتورى قىزمەتتەرىن اتقارعان. سونداي-اق, اتالعان مينيسترلىكتىڭ ءبىلىم جانە عىلىم سالاسىنداعى باقىلاۋ كوميتەتىنىڭ پاۆلودار وبلىسى بويىنشا دەپارتامەنتىنىڭ ديرەكتورى جانە جوعارى ءبىلىم, جوعارى وقۋ ورنىنان كەيىنگى ءبىلىم بەرۋ جانە حالىقارالىق دەپارتامەنتىنىڭ ديرەكتورى بولىپ ەڭبەك ەتتى. ۋنيۆەرسيتەت ۇجىمىمەن تانىسۋ ساتىندە جاڭا رەكتور اتالعان وقۋ ورنىنا جۇكتەلگەن ستراتەگيالىق مىندەتتەردى ورىنداۋعا, ءبىلىم بەرۋ ساپاسىن كوتەرۋگە, يندۋستريالىق-يننوۆاتسيالىق دامۋ جوبالارىن ەنگىزۋگە جانە ەل ەكونوميكاسىنا قىزمەت ەتەتىن بىلىكتى ماماندار دايارلاۋعا ءازىر ەكەنىن جەتكىزدى. دۋمان اناش. دەرەك: egemen.kz. سۋرەت: داۋلەت سەرىكباەۆ اتىنداعى شقمتۋ ءباسپاسوز قىزمەتى.