قىزىلوردادا مەكتەپ تۇلەكتەرىنە اۆتوشەرۋ جاساۋعا تىيىم سالىندى

قىزىلوردا. 19 مامىر. وبلىس اكىمى قىرىمبەك كوشەرباەۆ اپپارات ماجىلىسىندە بيىل مەكتەپ ءبىتىرۋشى تۇلەكتەردىڭ اۆتوشەرۋ ۇيىمداستىرۋىنا قاتاڭ تىيىم سالۋ كەرەكتىگى جايىندا ءبىلىم جانە ىشكى ىستەر سالالارىنىڭ باسشىلارىنا تاپسىرما بەردى. بۇل تۋرالى egemen.kz ءتىلشىسى حابارلادى. وسى جىلى وبلىس كولەمىندە 291 ءبىلىم ۇياسىنان 6 مىڭنان اسا وقۋشى مەكتەپ بىتىرەدى. ولار سوڭعى قوڭىراۋ كەشىندە مەيرامحانالاردا وتىرىستار وتكىزىپ, اۆتوشەرۋ ۇيىمداستىرۋدى داستۇرگە اينالدىرعان. مەكتەپ بىتىرۋشىلەر ءۇشىن ۇلكەن مانگە يە سوڭعى قوڭىراۋ, ۇلتتىق بىرىڭعاي تەست سياقتى ناۋقاندار سوڭعى جىلدارى اتا-انالاردىڭ قالتاسىنا سالماق تۇسىرەتىنى جاسىرىن ەمەس. دەگەنمەن, قالتاسى كوتەرمەيتىن اتا-انالار دا بار. وسىعان بايلانىستى وبلىس اكىمى قىرىمبەك كوشەرباەۆ كەلەڭسىز جاعدايلاردى بولدىرماۋ, الەۋمەتتىك تەپە-تەڭدىكتى ساقتاۋ باستى مىندەت ەكەنىن اتاپ ءوتتى. سونداي-اق, قىرىمبەك ەلەۋ ۇلى: «مەكتەپ – وقۋشى ەسىندە اقشا جيناۋ ورنى ەمەس, بولاشاققا جولداما بەرەتىن ءبىلىم ورداسى رەتىندە ساقتالۋى قاجەت. سوڭعى قوڭىراۋ باسەكەگە تولى ءسان جارمەڭكەسى مەن قاۋىپ قاتەرگە تولى اۆتوكولىك جارىستارىنا, بەيمەزگىل ۋاقىتتاعى قۇقىق بۇزۋشىلىق وشاعىنا اينالماۋى كەرەك. ءاربىر وقۋشى اتا-اناسىنىڭ بايلىعىمەن, لاۋازىمىمەن ەمەس, ءوزىنىڭ بىلىمىمەن, تالابىمەن, بولاشاققا تالپىنىسىمەن ماقتاناتىن بولسىن»,– دەدى. الەۋمەتتىك تەڭدىكتى ساقتاپ, قاۋىپسىزدىك شارالارىن قولعا الۋ ماقساتىندا بيىل اۆتوشەرۋلەرگە, رەتسىز قاراجات جيناۋعا تىيىم سالىنباق. ول ءۇشىن بارلىق جاۋاپتى ورگاندارگا ءتيىستى تاپسىرمالار بەرىلدى. ەرجان بايتىلەس. دەرەك: egemen.kz. سۋرەت: youtube.com.