ۇكىمەت باسشىسى ليتۆا پرەمەر-مينيسترىمەن كەزدەستى

استانا. 19 مامىر. بۇگىن استانادا پرەمەر-مينيستر كارىم ءماسىموۆ پەن ليتۆا ۇكىمەتىنىڭ باسشىسى الگيرداس بۋتكەۆيچيۋستىڭ قاتىسۋىمەن كەلىسسوزدەر ءوتىپ, بىرقاتار قۇجاتتارعا قول قويىلدى. بۇل تۋرالى «قازاقپارات» حابارلادى. كەزدەسۋ بارىسىندا ەكى ەلدىڭ ۇكىمەتتەرى اراسىندا قۇپيا اقپاراتتاردى ءوزارا قورعاۋ تۋرالى كەلىسىمگە قول قويىلدى. سونداي-اق, قازاقستاننىڭ قارجى مينيسترلىگى مەن ليتۆانىڭ ىشكى ىستەر مينيسترلىگى جانىنداعى قارجىلىق قىلمىستاردى تەرگەۋ جونىندەگى قىزمەتتىڭ اراسىندا قىلمىستىق جولمەن الىنعان كىرىستەردى زاڭداستىرۋعا (زاڭسىز جولمەن تابىلعان اقشانىڭ ءىزىن جاسىرۋعا) جانە لاڭكەستىكتى قارجىلاندىرۋعا قارسى ارەكەتتەر سالاسىندا ءوزارا ءىس-قيمىل تۋرالى كەلىسىم بەكىتىلدى. سونىمەن قاتار, قازاقستاننىڭ اۋىل شارۋاشىلىق مينيسترلىگى ۆەتەرينارلىق باقىلاۋ جانە قاداعالاۋ كوميتەتى مەن ليتۆانىڭ مەملەكەتتىك ازىق-ت ۇلىك جانە ۆەتەريناريا قىزمەتى ىنتىماقتاستىق تۋرالى مەموراندۋمعا قول قويدى. بۇدان بولەك, قازاقستاننىڭ اقتاۋ قالاسى مەن ليتۆانىڭ كلايپەدا قالاسى اراسىندا دوستىق پەن ىنتىماقتاستىق جونىندەگى نيەتتەستىك حاتتاماسى بەكىتىلدى. ەلامان قوڭىر. دەرەك: «قازاقپارات». سۋرەت: egemen.kz.