حوككەي. قازاقستان 2016 جىلعى الەمدىك دودادا «ۆ» توبىندا وينايدى

استانا. 19 مامىر. قازاقستاننىڭ حوككەيدەن 2016 جىلعى الەم چەمپيوناتىنداعى قارسىلاستارى بەلگىلى بولدى. بۇل تۋرالى حالىقارالىق حوككەي فەدەراتسياسىنا (IIHF) سىلتەمە جاساپ, egemen.kz حابارلادى. ءساۋىر ايىندا پولشادا ءبىرىنشى ديۆيزيوننىڭ «ا» توبىنداعى ەلدەر كۇش سىناستى. ناتيجەسىندە بارلىق ويىندا جەڭىسكە جەتكەن قازاقستان قۇراماسى جەڭىمپاز اتانىپ, ەليتالىق ديۆيزيوننىڭ جولداماسىنا يە بولدى. ال وسىنداي ەكىنشى جولدامانى ۆەنگريا يەمدەندى. سونىمەن قاتار, وتكەن جەكسەنبىدە توپ-ديۆيزيون ەلدەرى اراسىنداعى الەم چەمپيوناتىنىڭ دا اياقتالعانى بەلگىلى. فينالدا رەسەيدى 6:1 ەسەبىمەن تاس-تالقان ەتكەن كانادا كەزەكتى رەت چەمپيوندىق اتاققا قول جەتكىزدى. چەحيادا وتكەن اتالعان سايىستان كەيىن IIHF جاڭا الەمدىك رەيتينگتى جاريالادى. بۇل تىزىمدە قازاقستان 17-ورىندا تۇر. سوعان سايكەس كەلەسى جىلى وتەتىن دودادا حوككەيشىلەرىمىزدىڭ قارسىلاستارى انىقتالدى. «ۆ» توبىنا تۇسكەن قازاقستان شۆەتسيا, شۆەيتساريا, رەسەي, چەحيا, لاتۆيا, نورۆەگيا جانە دانيا قۇرامالارىمەن كۇش سىناسادى. ال «ا» توبىندا اقش, فينليانديا, فرانتسيا, گەرمانيا, كانادا, سلوۆاكيا, بەلارۋس جانە ۆەنگريا قۇرامالارى سىنعا تۇسەدى. اتالعان الەم چەمپيوناتى 2016 جىلى 6-22 مامىر ارالىعىندا رەسەيدىڭ ماسكەۋ جانە سانكت-پەتەربۋرگ قالالارىندا وتەدى. ەلامان قوڭىر. دەرەك: egemen.kz. سۋرەت: facebook.com.