الماتى. 19 مامىر. ءانشىنىڭ تۋعان كۇنىنە وراي رەسپۋبليكا الاڭىنا ونىڭ دوستارى مەن ارىپتەستەرى, شىعارماشىلىق ينتەلليگەنتسيا وكىلدەرى جينالىپ ەسكە الۋ كەشىن وتكىزدى. بۇل تۋرالى egemen.kz حابارلادى.
ماسكەۋ قالاسىنان ارنايى كەلگەن مۋز-تۆ تەلەارناسىنىڭ ديرەكتورى ارمان داۋلەتياروۆ: «مەن باتىردىڭ تۋعان كۇنىندە ونى ەسكە الىپ وتىرعان ءوز وتانداستارىممەن بىرگە وسىندا, الماتىدا بولعاندى بورىشىم دەپ سانادىم. ونىڭ اسەرلى اندەرى ءبىزدىڭ جۇرەگىمىزدە ماڭگى ساقتالادى. باتىرحان – قازاقستان مەن رەسەيدىڭ مۋزىكالىق مادەنيەتىنىڭ دامۋىنا ۇلكەن ۇلەس قوسقان ەرەكشە تۇلعا» دەدى.
قازاقستاندىق «Chick Flick» انشىلەر توبى باتىردىڭ رەپەرتۋارىنان تانىمال حيتتەر ورىندادى. جاستار سۇيىكتى ءانشىسىنىڭ ساعىمداي بولىپ قالعان اندەرىن كوزدەرىنە جاس الىپ تىڭدادى.
باتىرحان شوكەنوۆتىڭ تۋعان كۇنىنە وراي ەسكە الۋ كەشى رەسەي مەن قىتايدا دا ءوتتى.
ايتا كەتەيىك, ءانشى كوزى ءتىرى بولسا بيىل 53 جاسقا تولار ەدى.
تالعات ءسۇيىنباي.
دەرەك, سۋرەت: egemen.kz.
