قازاقستاندىق اسكەري تەڭىزشىلەر «قازاقستان», «ورال», جانە «سارىارقا» زىمىراندى-ارتيللەريالىق كەمەلەرىنىڭ جاۋىنگەرلىك مۇمكىندىكتەرىن سىنادى. سونىڭ اياسىندا كاسپي تەڭىزىندە قر قك اسكەري-تەڭىز كۇشتەرىنىڭ اۋقىمدى جاتتىعۋى ءوتتى.
ارتيللەريالىق كەمەلەر سۋ ءۇستىنەن اۋەگە باعىتتالعان ءجانە سۋ استى مينالارىن زالالسىزداندىرۋ جاتتىعۋلارىن سىنادى. جيناقىلىققا ەرەكشە كوڭىل بولگەن ەكيپاج مۇشەلەرى جاتتىعۋلاردى جوعارعى دالدىكپەن ورىندادى. ءدال وسىنداي تاپسىرمالاردى اسكەري تەڭىزشىلەر بيىل جازدا وتەتىن «كاسپي تەڭىزى-2015» بايقاۋىندا قايتالايتىن بولادى.
اتالعان جارىستا ءبىزدىڭ ءاسكەري قىزمەتشىلەرىمىزدىڭ ناعىز قارسىلاسى تۇركىمەنستان, رەسەي جانە ازەربايجان تەڭىز جاياۋ اسكەرلەرىنىڭ ۇزدىك تەڭىزشىلەرى مەن بولىمشەلەرى بولماق. وسىنى ەسكەرە وتىرىپ, قازاقستاندىق اسكەري كەمەلەردىڭ ەكيپاجدارى مەن تەڭىز جاياۋ اسكەرلەرىنىڭ بولىمشەلەرى تەڭىز بياتلونىنىڭ بارلىق باعىتتارىندا بەلسەندى دايارلىق وتكىزۋدە.
بۇگىنگى كۇنى ولار تەڭىز جاعاسىندا جانە سۋ جولىنداعى قاۋىپتەر ارقىلى ءجۇزۋدى, كەمەدەگى ياكوردى 30-40 مەتر تەرەڭدىكتە ورناتۋ, مسس-65 حالىقارالىق جيىن دابىلىنا سايكەس جارىق جانە جالاۋ ارقىلى بەلگى بەرۋ جانە قابىلداۋ, سونداي-اق, بورتتا قالىپ قويعان ادامدى قۇتقارۋ بويىنشا شارالاردى پىسىقتادى.
«ەگەمەن-اقپارات».
