استانا. 18 مامىر. قىزىلوردا قالاسىندا جاس كاسىپكەرلەردى بىرىكتىرەتىن كلۋب قۇرىلدى. وعان وڭىردەگى ءوندىرىس سالاسىن دامىتۋعا ات سالىسىپ جۇرگەن ەڭ جاس كاسىپكەرلەر مۇشە بولىپ, العاشقى باس قوسۋ جيىنىن وتكىزدى. شارعا قازاقستانعا تانىمال بيزنەس سالاسىنىڭ باسشىلارى قاتىسىپ, كاسىپكەرلىك جايىندا وزەكتى ماسەلەلەردى تالقىلادى. بۇل تۋرالى قىزىلوردا وبلىسى كاسىپكەرلەر پالاتاسىنىڭ ءباسپاسوز قىزمەتى حابارلادى.
شاراعا ارنايى رەسپۋبليكاعا بەلگىلى كاسىپكەر, «THS Gpoup» قۇرىلىس حولدينگىنىڭ قۇرىلتايشىسى قايرات قۇدايبەرگەن جانە قىزىلوردانىڭ بەلسەندى بيزنەس وكىلدەرى قاتىستى.
باس قوسۋدا اتالعان ايماقتىڭ ەكونوميكاسىن قارقىندى دامىتۋ ماسەلەسى الدا تۇرعانى, ول ءۇشىن كاسىپكەرلەر بىرىگىپ جۇمىس جۇرگىزۋ كەرەكتى ايتىلدى.
قىزىلوردا وبلىسىنىڭ كاسىپكەرلەر پالاتاسىنىڭ ديرەكتورى رۋسلان دوسماحانوۆ: «وبلىس حالقىنىڭ ۇشتەن ءبىر بولىگىن جاستار قۇرايدى. ايماقتا جاس كاسىپكەرلەردى قولداۋ, مەملەكەت تاراپىنان قارجىلاي كومەك كورسەتۋ, شاعىن جانە ورتا بيزنەستى دامىتۋ سەكىلدى جۇمىستار قارقىندى اتقارىلۋدا. ءبىز وسى كلۋب ارقىلى كاسىپ اشىپ, ءوڭىردىڭ ەكونوميكاسىن دامىتۋعا ۇلەس قوسامىن دەگەن ازاماتتارعا ارقاشاندا قول ۇشىن سوزامىز»–دەدى. ال «THS Gpoup» قۇرىلىس حولدينگىنىڭ قۇرىلتايشىسى قايرات قۇدايبەرگەن قىزىلوردالىق جاس كاسىپكەرلەرگە بيزنەس سالاسىنىڭ قىر-سىرىن ايتىپ, كلۋبتىڭ جۇمىسىنا ساتتىلىك تىلەدى.
ايتا كەتەيىك, قۇرىلعان جاس كاسىپكەرلەر كلۋبىنىڭ توراعاسى بولىپ رۋسلان دوسماحانوۆ تاعايىندالدى.
تالعات رايىمبەك.
دەرەك,سۋرەت: قىزىلوردا وبلىسى كاسىپكەرلەر پالاتاسىنىڭ ءباسپاسوز قىزمەتى.
