يتاليادا العاش رەت ەبولا ۆيرۋسىن جۇقتىرعان ازامات انىقتالدى

استانا. 18 مامىر. دۇنيەجۇزىلىك دەنساۋلىق ساقتاۋ ۇيىمىنا يتاليادا ەبولا ۆيرۋسىن جۇقتىرعان ادام تۋرالى دەرەك كەلىپ ءتۇستى. مۇنداي جايت اتالعان ەلدە العاش رەت تىركەلىپ وتىر. بۇل تۋرالى 24today.net حابارلادى. بىرىككەن ۇلتتار ۇيىمى اقپارات ورتالىعىنىڭ حابارلاۋىنشا, قاتەرلى دەرتتىڭ بەلگىلەرى جاقىندا عانا سەررا-لەونەدەن ورالعان دارىگەر ماماننان انىقتالعان. ول افريكادا وسى ىندەتكە شالدىققانداردى ەمدەگەن. يتاليا ازاماتى سەررا-لەونە استاناسى – فريتاۋننان كاسابلانكا ارقىلى كەلگەن. ول ريمگە 7 مامىردا ورالدى. ال ۆيرۋستىڭ العاشقى بەلگىلەرى 72 ساعاتتان كەيىن, ياعني, 10 مامىردا انىقتالعان. باستاپقىدا دارىگەردى ساردينياداعى اۋرۋحانالاردىڭ بىرىنە جاتقىزادى. ەكى كۇن وتكەن سوڭ ونى ريمدەگى جۇقپالى اۋرۋلار ۇلتتىق ينستيتۋتىنا جىبەردى. اۋرۋدىڭ بەلگىلەرى 72 ساعاتتان كەيىن انىقتالعاندىقتان, ماماندار يتاليا ازاماتىمەن بىرگە ۇشاقتا ۇشقان جولاۋشىلارعا ەشقانداي قاۋىپ ءتونىپ تۇرماعانىن ايتۋدا. دۇنيەجۇزىلىك دەنساۋلىق ساقتاۋ ۇيىمىنىڭ دەرەكتەرى بويىنشا, بۇگىنگە دەيىن ەبولا ۆيرۋسىنان گۆينەيا, ليبەريا جانە سەررا-لەونە ەلدەرىندە 11 005 ادام قازا تاپقان. ودان بولەك, 26 593 ادام اتالعان دەرتتى جۇقتىردى. اۋرۋدىڭ العاشقى بەلگىلەرى: دەنە ىستىعىنىڭ كوتەرىلۋى, ساندىراقتاۋ جانە اس قورىتۋ جۇيەسىنىڭ بۇزىلۋى. دەرتتىڭ قاۋىپتىلىگى سونشالىق, العاشىندا جۇقتىرعانداردىڭ 90 پايىزى قازا تاپتى. قازىرگى كەزدە بۇل كورسەتكىش 55 پايىزدى قۇرايدى. ەلامان قوڭىر. دەرەك, سۋرەت: 24today.net.