قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگىنىڭ بۇيرىعى №215

«ولشەم بىرلىگىن قامتاماسىز ەتۋ تۋرالى» قازاقستان رەسپۋبليكاسى زاڭىنىڭ 5-بابى 2-تارماعىنىڭ 15) تارماقشاسىنا سايكەس, بۇيىرامىن: 1. قوسا بەرىلىپ وتىرعان سالىستىرىپ تەكسەرۋ تاڭبالارىن دايىنداۋ, ساقتاۋ جانە قولدانۋ قاعيدالارى بەكىتىلسىن. 2. قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگىنىڭ تەحنيكالىق رەتتەۋ جانە مەترولوگيا كوميتەتى (ب.ب. قانەشەۆ) قازاقستان رەسپۋبليكاسى زاڭناماسىمەن بەكىتىلگەن تارتىپتە: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدەن كەيىن كۇنتىزبەلىك ون كۇن ىشىندە بۇقارالىق اقپارات قۇرالدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگىنىڭ ينتەرنەت-رەسۋرسىندا جاريالاۋدى; 4) قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن كەيىن ون جۇمىس كۇن ىشىندە قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگىنىڭ زاڭ دەپارتامەنتىنە وسى تارماقتىڭ 1), 2) جانە 3) تارماقشالارىمەن كوزدەلگەن شارالاردىڭ ورىندالۋى تۋرالى مالىمەتتى ۇسىنۋدى قامتاماسىز ەتسىن. 3. قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگىنىڭ تەحنيكالىق رەتتەۋ جانە مەترولوگيا كوميتەتى توراعاسىنىڭ 2006 جىلعى 13 ساۋىردەگى № 141 بۇيرىعىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 4213 بولىپ تىركەلگەن, 2006 جىلعى 16 ماۋسىمداعى № 109-110 (1089-1090) «زاڭ گازەتىندە» جاريالانعان) كۇشى جويىلسىن. 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى يندۋستريا جانە جاڭا تەحنولوگيالار ءبىرىنشى ۆيتسە-ءمينيسترى ا.پ. راۋعا جۇكتەلسىن. 5. وسى بۇيرىق ءبىرىنشى رەسمي جاريالانعان كۇننەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى پرەمەر-ءمينيسترىنىڭ ورىنباسارى- قازاقستان رەسپۋبليكاسىنىڭ يندۋستريا جانە جاڭا تەحنولوگيالار ءمينيسترى ءا.يسەكەشەۆ. قازاقستان رەسپۋبليكاسى پرەمەر-ءمينيسترىنىڭ ورىنباسارى – قازاقستان رەسپۋبليكاسىنىڭ يندۋستريا جانە جاڭا تەحنولوگيالار ءمينيسترىنىڭ 2014 جىلعى 13 ماۋسىمداعى № 215 بۇيرىعىمەن بەكىتىلگەن سالىستىرىپ تەكسەرۋ تاڭبالارىن دايىنداۋ, ساقتاۋ جانە قولدانۋ قاعيدالارى 1. جالپى ەرەجەلەر 1. وسى سالىستىرىپ تەكسەرۋ تاڭبالارىن دايىنداۋ, ساقتاۋ جانە قولدانۋ قاعيدالارى(بۇدان ءارى – قاعيدالار) «ولشەم بىرلىگىن قامتاماسىز ەتۋ تۋرالى» 2000 جىلعى 7 ماۋسىمداعى قازاقستان رەسپۋبليكاسى زاڭىنىڭ 5-بابى 2-تارماعىنىڭ 15) تارماقشاسىنا سايكەس ازىرلەنگەن. 2. سالىستىرىپ تەكسەرۋ تاڭبالارىن دايىنداۋ 2.سالىستىرىپ تەكسەرۋ تاڭبالارى مەتالل تاڭبا, جەز تاڭبا, وزدىگىنەن جەلىمدەلەتىن لەيبل جانە پلاستيكتى پلومبا تۇرىندە دايىندالادى. 3.سالىستىرىپ تەكسەرۋ تاڭبالارى ولشەم قۇرالدارى ءۇشىن سالىستىرىپ تەكسەرۋ ارالىعى ءبىر جىل جانە ودان كوپ بولىپ بەلگىلەنگەن جاعدايدا پايدالانىلاتىن جىلدىق جانە ولشەم قۇرالدارى ءۇشىن سالىستىرىپ تەكسەرۋ ارالىعى ءىر جىلدان كەم بولىپ بەلگىلەنگەن جاعدايدا پايدالانىلاتىن توقساندىق بولىپ بولىنەدى. 4.سالىستىرىپ تەكسەرۋ تاڭبالارىنىڭ بەدەرلەرى وسى قاعيدالارعا قوسىمشاعا سايكەس نىسان بويىنشا دايىندالادى جانە مىناداي اقپاراتتاردى قامتيدى: 1) قر ست 2.21-2007«قر ءموج. ولشەم قۇرالدارىن سىناۋ جانە ءتيپىن بەكىتۋ ءتارتىبى» ۇلتتىق ستاندارت تالاپتارىنا سايكەس ولشەم قۇرالدارىنىڭ ءتيپىن بەكىتۋ بەلگىسى; 2) مەملەكەتتىك مەترولوگيالىق قىزمەتتىڭ نەمەسە ولشەۋ قۇرالدارىنا تەكسەرۋ جۇرگىزەتىن اككرەديتتەلگەن زاڭدى تۇلعالاردىڭ مەترولوگيالىق قىزمەتىنىڭ (بۇدان ءارى – مەترولوگيالىق قىزمەت) شيفرى; 3) قولدانىلاتىن جىلدىڭ (توقساننىڭ) سوڭعى ەكى تسيفرى; 4) بار بولعان جاعدايدا مەترولوگيالىق قىزمەتتە ولشەۋ قۇرالدارىن تەكسەرۋدىڭ جەكە بەلگىسى (مەتالل جانە جەز تاڭبالار ءۇشىن); 5) نومىرلىك كود (وزدىگىنەن جەلىمدەلەتىنلەيبل جانە پلاستيكتى پلومبا ءۇشىن). 5. ولشەۋ قۇرالدارىنىڭ ءتيپىن بەكىتۋ بەلگىسىنىڭ قارپى, سالىستىرىپ تەكسەرۋ تاڭبالارىنىڭ بەدەرى مەن سۋرەتىنىڭ ارىپتەرى مەن ساندارى مەمست 26.008-85 «ويۋ ادىسىمەن سالىناتىن جازۋلاردىڭ قارىپتەرى. ورىنداۋ مولشەرلەرى» مەملەكەتارالىق ستاندارتىنا سايكەس قولدانىلادى. 6.مەترولوگيالىق قىزمەت شيفرىن مەملەكەتتىك عىلىمي مەترولوگيالىق ورتالىق (بۇدان ءارى – معمو) بەرەدى جانە ولقازاق نەمەسە لاتىن ءالىپبيىنىڭ ارىپتەرىمەن بەلگىلەنەتىن ەكى بەلگىدەن تۇرادى. 7. نومىرلىك كودتى معمو بەرەدى جانە ول جەتى نىساننان (سانداردىڭ كومبيناتسياسى) تۇرادى. 8. سالىستىرىپ تەكسەرۋ تاڭبالارىن قولدانۋ جىلىن (توقسانىن) بەلگىلەۋ ءۇشىن اراب ساندارى پايدالانىلادى. 9. ولشەۋ قۇرالدارىن تەكسەرۋدىڭ جەكە بەلگىسى قازاق نەمەسە لاتىن الىپبيىندەگى ارىپتەرمەن بەلگىلەنەتىن ءبىر نىساننان تۇرادى. سالىستىرىپ تەكسەرۋشىدە جەكە بەلگى بولماعان جاعدايدا ول معمو-مەن بەرىلەدى. 10. ديامەترى كەمىندە 3,5 ميلليمەتر مەتالل تاڭبانى دايىنداۋ جانە وندا تولىق اقپاراتتى ورنالاستىرۋ مۇمكىن بولماعان كەزدە پايدالانۋ قۇجاتتارىنا تولىق اقپارات قامتىلعان وزدىگىنەن جەلىمدەلەتىن لەيبلدەر جابىستىرىلادى. 11. مەتالل تاڭبا مەمست 1050-88 «سۇرىپتى, كاليبرلەنگەن, ساپالى كومىرتەكتى قۇراستىرمالى بولاتتان جاسالعان ارنايى جازىقتىق وڭدىرمەسى بار يلەم. جالپى تەحنيكالىق تالاپتار», مەمست 5950-2000 «اسپاپتىق لەگىرلەنگەن بولاتتان جاسالعان شىبىقتار, جولاقتار جانە دودالار» مەملەكەتارالىق ستاندارتتارىنا سايكەس بولاتتان جاسالعان وزەكشەلەر تۇرىندە دايىندالادى. 12. جەزدى تاڭبا تۇتقادان جانە تىكەلەي تاڭبانىڭ وزىنەن تۇرادى. تۇتقا مەمست 2208-07 «جەز فولگا, تاسپالار, جولاقتار, جايمالار جانە پليتالار. تەحنيكالىق شارتتار» مەملەكەتارالىق ستاندارتىنا سايكەس جەز پلاستينادان, ال تاڭبا جەزدەن جاسالادى جانە ديسك سياقتى بولادى. تاڭبا مەمست 21930-76 «مەتالل قۇيماداعى قالايى-قورعاسىن دانەكەرلەۋلەر. تەحنيكالىق شارتتار» مەملەكەتارالىق ستاندارتىنا سايكەس تۇتقامەن دانەكەرلەنىپ جالعانادى. 13. وزدىگىنەن جەلىمدەلەتىن لەيبلدەردىڭ جانە پلاستيكالىق پلومبالاردىڭ كەمىندە التى قورعاۋ دارەجەسى بولادى. 14. وزدىگىنەن جەلىمدەلەتىن لەيبلدەر پوليەستەردەن (پوليەفير ۇلدىردەن) جاسالادى, ءۇلدىردىڭ قوسىمشا قورعانىس قاباتى رەتىندە جاسىرىن (لاتەندى) مەتاللداندىرىلعان شاعىلىستىرعىش قاباتى بار پوليارلىق كەسكىندەر بولادى جانە ىستىقتاي ورنەك سالىنعان فولگا تۇرىندە سالىنادى, سالىناتىن قاباتتاردىڭ قالىڭدىعى 5 ميكرومەتردەن اسپاۋى كەرەك. جاسىرىن كەسكىندەردى سايكەستەندىرۋ تابيعي جارىق ءتۇسىرۋ كەزىندە تسيركۋليارلى پوليارويد ارقىلى جۇزەگە اسىرىلادى, ياعني جارىق ءتۇسىرۋدىڭ ارنايى شارتتارىنسىز ورىندالادى. 15. پلاستيك پلومبالار مەمست 16337-77 «جوعارى قىسىمدى پوليەتيلەن. تەحنيكالىق شارتتار», مەمست 16338-85 «تومەن قىسىمدى پوليەتيلەن. تەحنيكالىق شارتتار», مەمست 20282-86 «جالپى تاعايىندالعان پوليستيرول. تەحنيكالىق شارتتار» مەملەكەتارالىق ستاندارتتارىنا سايكەس ءمولدىر اكريلدەن نەمەسە پوليپروپيلەننەن جاسالادى. پلاستيك پلومبالار ۋلتراكۇلگىن ءتۇستى جارىق بەرۋاسەرى بار ءمولدىر, جاسىل تۇستە دايىندالادى, نومىرلەۋ ماركاسى جانە لوگوتيپ ءتۇرى – لازەرلى. پلومبانىڭ ق ۇلىپتاۋ مەحانيزمىنىڭ تۇتاستىعىن كوزبەن كورىپ باقىلاۋدىڭ ءابسوليۋتتى مۇمكىندىگىن قامتاماسىز ەتەتىن كورپۋسى بار. پلومبانىڭ ارنايى ماتەريالى شىمىر جانە سىنعىش قاسيەتكە يە جانە ول پلومبانى قوندىرعاننان كەيىن كورپۋستى بۇلدىرمەي پلومبانى اشۋعا مۇمكىندىك بەرمەيدى. ق ۇلىپتاۋ تۇيىنىندە ەكى ساڭىلاۋدىڭ بولۋى پلومبالايتىن تەمىر ارقاننىڭ تۇتاستىعى تۋرالى ناقتى اقپاراتتى بەرەدى. پلومبا ماتەريالى مينۋس 80 0س باستاپ 120 0س دەيىنگى تەمپەراتۋرا اۋقىمىندا ءوز قاسيەتتەرىن وزگەرتپەيدى جانە باعىتتالعان تەمپەراتۋرالىق ىقپال ەتۋ كەزىندە پلومبانى اشۋ مۇمكىندىگىن جويادى. پلومبانىڭ ۋلتراكۇلگىن ءتۇستى جارىق بەرۋ اسەرى بار, ول قيىن جانە قاراڭعى جەرلەردە ورنالاسقان پلومبالاۋ نىسانىنا قول سۇقپاۋدى باقىلاۋعا مۇمكىندىك بەرەدى. پلاستيكالىق پلومبانىڭ پلومبالايتىن تەمىر ارقان مەمست 3067-88 «6 ح 19 (1 + 6 + 12) + 1 ح 19 (1 + 6 + 12) قۇراستىرىلىمىنىڭ تك ءتيپتى ەكەۋلەپ ەسىلگەن بولات سىمارقاندارى. سورتامەنت», مەمست 9389-75 «كومىرتەكتى سەرىپپەلى بولات سىمدار. تەحنيكالىق شارتتار» مەملەكەتارالىق ستاندارتتارىنا سايكەس جاسالادى. 16. سالىستىرىپ تەكسەرۋ تاڭبالارىن دايىنداۋدى معمو مەترولوگيالىق قىزمەتتەر بەرگەن وتىنىمدەردىڭ نەگىزىندە ۇيىمداستىرادى. ولشەۋ قۇرالدارىن سالىستىرىپ تەكسەرۋگە قۇقىعى بار اككرەديتتەلگەن زاڭدى تۇلعالار ەركىن نىساندا سالىستىرىپ تەكسەرۋ تاڭبالارىن قولدانۋ جىلى باستالعانعا دەيىن التى اي ىشىندە معمو-عا سالىستىرىپ تەكسەرۋ تاڭبالارىن دايىنداۋ ءۇشىن ءوتىنىم بەرەدى. مەترولوگيالىق قىزمەتتەر ءبىر جىل ىشىندە معمو-عا سالىستىرىپ تەكسەرۋ تاڭبالارىن دايىنداۋ ءۇشىن قوسىمشا ءوتىنىم بەرە الادى. ولشەۋ قۇرالدارىن سالىستىرىپ تەكسەرۋ قۇقىعىنا قايتا اككرەديتتەلگەن مەترولوگيالىق قىزمەتتەر, اككرەديتتەۋ اتتەستاتىن العاننان كەيىن معمو-عا سالىستىرىپ تەكسەرۋ تاڭبالارىن دايىنداۋ ءۇشىن ءوتىنىم بەرەدى. 3. سالىستىرىپ تەكسەرۋ تاڭبالارىن ساقتاۋ 17. سالىستىرىپ تەكسەرۋ تاڭبالارىن ساقتاۋ مەترولوگيالىق قىزمەت باسشىسىنىڭ بۇيرىعىمەن تاعايىندالاتىن جاۋاپتى تۇلعاعا جۇكتەلەدى. جاۋاپتى تۇلعا سالىستىرىپ تەكسەرۋ تاڭبالارىن بەرۋ جانە قابىلداۋ جۋرنالىن جۇرگىزەدى. 18. سالىستىرىپ تەكسەرۋ تاڭبالارى مەن جۋرنالدار جانبايتىن شكافتا ساقتالۋعا ءتيىس, وعان جاۋاپتى تۇلعانىڭ رۇقساتى بولادى. 19. سالىستىرىپ تەكسەرۋ تاڭبالارىن ەسەپكە الۋ جانە ولاردىڭ جاي-كۇيىن مەترولوگيالىق قىزمەت باسشىسى نەمەسە مامانى, مەترولوگيالىق قىزمەتتىڭ ۋاكىلەتتى باسشىسى توقسان سايىن تەكسەرىپ وتىرادى. تەكسەرۋ ناتيجەلەرى سالىستىرىپ تەكسەرۋ تاڭبالارىن بەرۋ جانە قابىلداۋ جۋرنالىنا ەنگىزىلەدى. 4. سالىستىرىپ تەكسەرۋ تاڭبالارىن قولدانۋ 20. ولشەم قۇرالدارىن سالىستىرىپ تەكسەرۋشىگە سالىستىرىپ تەكسەرۋ جۇمىستارى جۇرگىزىلەتىن ۋاقىتتا مەتالل جانە جەز تاڭبالاردىڭ, وزدىگىنەن جەلىمدەلەتىن لەيبلدەردىڭ جانە پلاستيكالىق پلومبالاردىڭ قاجەتتى سانى بەرىلەدى. 21. قولدانىلماي قالعان مەتالل جانە جەز تاڭبالارى, وزدىگىنەن جەلىمدەلەتىن لەيبلدەر جانە پلاستيكالىق پلومبالاردى جاۋاپتى تۇلعا سالىستىرىپ تەكسەرۋ جۇمىستارىن اياقتاعاننان كەيىن سالىستىرىپ تەكسەرۋ تاڭبالارىن بەرۋ جانە قابىلداۋ جۋرنالىنا بەلگىلەپ قابىلدايدى. 22. سالىستىرىپ تەكسەرۋ تاڭبالارى ب ۇلىنگەن جاعدايدا نەمەسە ولاردىڭ ساقتالۋ مەرزىمى اياقتالعاندا, مەترولوگيالىق قىزمەت ولاردى ەسەپتەن شىعارۋدى جانە جويۋدى جۇزەگە اسىرادى. 23. سالىستىرىپ تەكسەرۋ تاڭبالارىن سالۋ ادىستەرى: 1) سوققىلاۋ (مەتالل جانەجەز تاڭبالار); 2) جەلىمدەۋ (وزدىگىنەن جەلىمدەلەتىنلەيبل); 3) پلومبالاۋ (پلاستيكتى پلومبا). 24. سالىستىرىپ تەكسەرۋ تاڭبالارىن سالۋ ءتاسىلىن تەكسەرىلەتىن ولشەم قۇرالىنىڭ مولشەرىنە جانە قۇراستىرىلىمىنا قاراي تاڭدايدى. 25. جەز تاڭبا تەرمومەترلەرمەن ولشەۋ ىدىستارىن تەكسەرۋدىڭ وڭ ناتيجەلەرىنە كوز جەتكىزۋ ءۇشىن پايدالانىلادى. سالىستىرىپ تەكسەرۋ تاڭبالارىن دايىنداۋ, ساقتاۋ جانە قولدانۋ قاعيدالارىنا قوسىمشا سالىستىرىپ تەكسەرۋ تاڭبالارى بەدەرلەرىنىڭ نىسانى 1. مەتالل تاڭبالاردىڭ بەدەرلەرى بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 14 شىلدەدەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №9582 بولىپ ەنگىزىلدى.