قازاقستان رەسپۋبليكاسى ۇكىمەتىنىڭ قاۋلىسى №74 

2015 جىلعى 19 اقپان, استانا, ۇكىمەت ءۇيى جولداردا كولىك قۇرالدارىنىڭ ءجۇرىسىن توقتاتۋ نەمەسە ۋاقىتشا شەكتەۋ قاعيدالارىن بەكىتۋ تۋرالى «جول ءجۇرىسى تۋرالى» 2014 جىلعى 17 ساۋىردەگى قازاقستان رەسپۋبليكاسىنىڭ زاڭى 9-بابىنىڭ 8) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان جولداردا كولىك قۇرالدارىنىڭ ءجۇرىسىن توقتاتۋ نەمەسە ۋاقىتشا شەكتەۋ قاعيدالارى بەكىتىلسىن. 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2015 جىلعى 19 اقپانداعى № 74 قاۋلىسىمەن بەكىتىلگەن جولداردا كولىك قۇرالدارىنىڭ ءجۇرىسىن توقتاتۋ نەمەسە ۋاقىتشا شەكتەۋ قاعيدالارى 1. جالپى ەرەجەلەر 1. وسى جولداردا كولىك قۇرالدارىنىڭ ءجۇرىسىن توقتاتۋ نەمەسە ۋاقىتشا شەكتەۋ قاعيدالارى (بۇدان ءارى – قاعيدالار) «جول ءجۇرىسى تۋرالى» 2014 جىلعى 17 ساۋىردەگى قازاقستان رەسپۋبليكاسىنىڭ زاڭى 9-بابىنىڭ 8) تارماقشاسىنا سايكەس ازىرلەندى جانە جولداردا كولىك قۇرالدارىنىڭ ءجۇرىسىن توقتاتۋ نەمەسە ۋاقىتشا شەكتەۋ ءتارتىبىن ايقىندايدى. 2. وسى قاعيدالاردا مىناداي ۇعىمدار پايدالانىلادى: 1) ايرىقشا ماقساتتاعى اۆتوموبيل – كۇزەتىلەتىن ادامداردى تاسىمالداۋعا جانە (نەمەسە) ولارمەن بىرگە ىلەسىپ جۇرۋگە ارنالعان كولىك قۇرالى; 2) اسكەرلەر كولونناسى – كوك ءتۇستى نەمەسە كوك جانە قىزىل ءتۇستى جارقىلداۋىق شامدارى قوسىلىپ تۇرعان باس كولىك قۇرالىنىڭ باستاۋىمەن فاراسىن ۇنەمى قوسىپ, ءبىر قوزعالىس جولاعىمەن ءبىرىنىڭ ارتىنان ءبىرى تىكەلەي ءجۇرىپ كەلە جاتقان جانە اسكەري تاسىمالداردى جۇزەگە اسىراتىن قازاقستان رەسپۋبليكاسىنىڭ ۇلتتىق قاۋىپسىزدىك, ارناۋلى مەملەكەتتىك ورگاندارىنىڭ, قارۋلى كۇشتەرىنىڭ, باسقا دا اسكەرلەر جانە اسكەري قۇرىلىمدارىنىڭ ءۇش جانە ودان كوپ مەحانيكالىق كولىكتىك قۇرالدارىنىڭ توبى; 3) جول – جايلاستىرىلعان نەمەسە ىڭعايلاستىرىلعان جانە كولiك قۇرالدارىنىڭ ءجۇرۋى ءۇشىن پايدالانىلاتىن جەردىڭ بارلىق بولىنگەن جولاعى نە جاساندى قۇرىلىستىڭ ءۇستi (جول بiر نەمەسە بiرنەشە ءجۇرۋ بولiكتەرiن, سونداي-اق ترامۆاي جولدارىن, تروتۋارلاردى, جول جيەكتەرiن جانە ولار بولعان كەزدە ءبولۋ جولاقتارىن قامتيدى); 4) جول ءجۇرىسى – جولدار شەگىندە كولiك قۇرالدارى ارقىلى نەمەسە ولارسىز ادامداردىڭ جانە جۇكتەردiڭ ورىن اۋىستىرۋ پروتسەسىندە تۋىندايتىن قوعامدىق قاتىناستاردىڭ جيىنتىعى; 5) جول ءجۇرىسى قاۋiپسiزدiگi – قاتىسۋشىلارىنىڭ جول-كولiك وقيعالارى مەن ولاردىڭ زارداپتارىنان, سونداي-اق جول ءجۇرىسىنىڭ ەكولوگيالىق جاعدايعا, حالىقتىڭ دەنساۋلىعىنا تەرىس اسەرىنەن قورعالۋ دارەجەسiن كورسەتەتiن جول ءجۇرiسiنiڭ جاي-كۇيi; 6) جول ءجۇرىسى قاۋىپسىزدىگىن قامتاماسىز ەتۋ – جول-كولىك وقيعالارىن, جول ءجۇرىسىنىڭ ەكولوگيالىق جاعدايعا, حالىقتىڭ دەنساۋلىعىنا تەرىس اسەرىن بولعىزباۋعا, ولاردىڭ زارداپتارىنىڭ اۋىرلىعىن ازايتۋعا, سونداي-اق وسىنداي زارداپتاردى جويۋعا باعىتتالعان قىزمەت; 7) جول ءجۇرiسiن ۇيىمداستىرۋ – جول ءجۇرiسىن باسقارۋ جونىندەگى ۇيىمدىق-قۇقىقتىق, نورماتيۆتىك-ادىستەمەلىك, جوبالاۋ-ىزدەستىرۋ, ۇيىمدىق-تەحنيكالىق, باقىلاۋ-قاداعالاۋ, وكىمدىك جانە باسقا دا ءىس-شارالار كەشەنi; 8) جول جۇرىسىنە قاتىسۋشى – جول ءجۇرىسى پروتسەسىنە جاياۋ جۇرگىنشى, جولاۋشى نەمەسە جۇرگىزۋشى رەتىندە تىكەلەي قاتىساتىن ادام; 9) جول يەلەرى – جولدىڭ مەنشىك يەلەرى بولىپ تابىلاتىن نەمەسە شارۋاشىلىق جۇرگىزۋ نەمەسە جەدەل باسقارۋ قۇقىعىندا جولداردى باسقارۋ جونىندەگى قىزمەتتى جۇزەگە اسىراتىن جەكە نەمەسە زاڭدى تۇلعالار; 10) جول-كولiك وقيعاسى (بۇدان ءارى – جكو) – كولiك قۇرالىنىڭ جولدا ءجۇرۋى پروتسەسiندە جانە ونىڭ قاتىسۋىمەن تۋىنداعان, ادامنىڭ دەنساۋلىعىنا زيان كەلتىرۋگە, ولىمىنە, كولىك قۇرالدارىنىڭ, قۇرىلىستاردىڭ, جۇكتەردىڭ ب ۇلىنۋىنە نە وزگە دە ماتەريالدىق زالالعا اكەپ سوققان وقيعا; 11) كولىك قۇرالى – ادامداردى, جۇكتەردى نەمەسە ۇستىنە ورناتىلعان جابدىقتى جولدارمەن تاسىمالداۋعا ارنالعان قۇرىلعى. 3. جولداردا نەمەسە جەكەلەگەن جول ۋچاسكەلەرىندە جول ءجۇرىسىن ۋاقىتشا شەكتەۋ نەمەسە وعان تىيىم سالۋ: 1) جول ءجۇرىسى قاۋىپسىزدىگىنە, ونىڭ ىشىندە جەكە ادامداردىڭ ومىرىنە جانە (نەمەسە) دەنساۋلىعىنا قاتەر تونگەن; 2) جولداردىڭ ساقتالۋىنا قاتەر تونگەن; 3) جكو; 4) اتموسفەرالىق اۋا حيميالىق جانە وزگە دە زاتتار كونتسەنتراتتارىنىڭ جول بەرىلەتىن شەكتى نورماتيۆتەرىنەن ارتىق لاستانعان; 5) دۇلەي ءزىلزالالار, قولايسىز جول-كليمات جاعدايلارى; 6) بۇقارالىق, سپورتتىق جانە وزگە دە ءىس-شارالار وتكىزگەندە كولىك قۇرالدارى مەن جاياۋ جۇرگىنشىلەردىڭ قاۋىپسىز ءجۇرۋى ءۇشىن قاجەتتى جاعدايلار جاساۋ ماقساتىندا نە كولىك قۇرالدارىن پايدالانۋ جول ءجۇرىسى قاۋىپسىزدىگىنە قاتەر توندىرگەن; 7) ەگەر تەمىرجول وتپەلەرى جول ءجۇرىسى قاۋىپسىزدىگىن قامتاماسىز ەتۋ تالاپتارىنا ساي كەلمەگەن; 8) جولداردا جوندەۋ-قۇرىلىس جانە باسقا دا جۇمىستار جۇرگىزىلگەن; 9) تەرروريزمگە قارسى وپەراتسيالار جانە (نەمەسە) كۇزەت ءىس-شارالارى جۇرگىزىلگەن; 10) الەۋمەتتىك, تابيعي جانە تەحنوگەندىك سيپاتتاعى توتەنشە جاعدايلار مەن ولاردىڭ زارداپتارىن بولدىرماۋ جانە (نەمەسە) جويۋ جونىندەگى ءىس-شارالار جۇرگىزىلگەن; 11) جولداردىڭ كونسترۋكتيۆتىك ەلەمەنتتەرى جاي-كۇيىنىڭ كورسەتكىشتەرى جول ءجۇرىسى قاۋىپسىزدىگىن قامتاماسىز ەتۋدىڭ تەحنيكالىق نورمالارىنا سايكەس كەلمەگەن; 12) مىنالار: جولداردىڭ نورماتيۆتىك وتكىزۋ قابىلەتىن قامتاماسىز ەتۋ ماقساتىندا اقىلى قولجەتىمدىلىكتى قامتاماسىز ەتۋ; بەلگىلەنگەن ۋاقىتتا كولىك قۇرالدارىنىڭ بەلگىلى ءبىر ساناتتارىنىڭ كىرۋىنە شەكتەۋ قويۋ نەمەسە تىيىم سالۋ; جۇك جانە ترانزيتتىك كولىك قۇرالدارىنىڭ ءجۇرۋىن شەكتەۋ ارقىلى نورماتيۆتەن ارتىق جۇكتەمە بولعان; 13) مىناداي: ايرىقشا ماقساتتاعى اۆتوموبيلدەرمەن ىلەسىپ جۇرگەن كەزدە; ۇيىمداستىرىلعان اۆتوبۋس كولوننالارىنىڭ; اسكەرلەر كولوننالارىنىڭ جول ءجۇرىسى قاۋىپسىزدىگىن قامتاماسىز ەتۋ جونىندەگى ءىس-شارالار جۇرگىزىلگەن جاعدايلاردا ەنگىزىلەدى. 2. جولداردا كولىك قۇرالدارىنىڭ ءجۇرىسىن توقتاتۋ نەمەسە ۋاقىتشا شەكتەۋ ءتارتىبى 4. وسى قاعيدالاردىڭ 3-تارماعىندا كوزدەلگەن جاعدايلار ورىن العان كەزدە جولداردا كولىك قۇرالدارىنىڭ ءجۇرىسىن ۋاقىتشا توقتاتۋ نەمەسە وعان ۋاقىتشا شەكتەۋ ەنگىزۋ تۋرالى شەشىمدى جول يەلەرى ۋاكىلەتتى ورگاندارمەن بىرلەسە وتىرىپ, ءوز قۇزىرەتى شەگىندە قابىلدايدى. 5. جول يەلەرى وسى قاعيدالاردىڭ 3-تارماعىندا كوزدەلگەن جاعدايلار ورىن العان كەزدە بۇل تۋرالى جول جۇرىسىنە قاتىسۋشىلارعا بۇقارالىق اقپارات قۇرالدارى ارقىلى حابارلاي وتىرىپ, جولداردا نەمەسە جەكەلەگەن جول ۋچاسكەلەرىندە جول ءجۇرىسىن ۋاقىتشا شەكتەۋ نەمەسە توقتاتۋ, ونى ۇيىمداستىرۋدى وزگەرتۋ جونىندە شۇعىل شارالار قولدانادى. 6. وسى قاعيدالاردىڭ 3-تارماعىندا كوزدەلگەن جاعدايلار ورىن العان كەزدە جول يەلەرى حابارلامالاردى قابىلداۋدى جۇزەگە اسىرادى, جولداردا بەكەتتەردى ۇيىمداستىرۋ مەن بەلگىلەردى ورناتۋدى جۇرگىزەتىن جول ءجۇرىسى قاتىسۋشىلارىنا جانە جول ءجۇرىسى قاۋىپسىزدىگىن قامتاماسىز ەتۋ جونىندەگى ۋاكىلەتتى ورگاننىڭ اۋماقتىق بولىمشەلەرىنە كولىك قۇرالدارىنىڭ ءجۇرىسىن ۋاقىتشا توقتاتۋ نەمەسە ونى شەكتەۋ تۋرالى حابارلاۋدى قامتاماسىز ەتەدى. 7. وسى قاعيدالاردىڭ 3-تارماعىنىڭ 1), 2), 4), 5) جانە 11) تارماقشالارىندا كوزدەلگەن جاعدايلار ورىن العان كەزدە مىناداي ءىس-شارالار جۇرگىزىلەدى: 1) جول يەلەرى جول ءجۇرىسى قاۋىپسىزدىگىن قامتاماسىز ەتۋ جونىندەگى ۋاكىلەتتى ورگاننىڭ اۋماقتىق بولىمشەلەرىمەن بىرلەسىپ, جولدار نەمەسە جولداردىڭ جەكەلەگەن ۋچاسكەلەرى بويىنشا كولىك قۇرالدارىنىڭ ءجۇرىسىن توقتاتۋ نەمەسە ۋاقىتشا شەكتەۋ تۋرالى شەشىم قابىلدايدى; 2) جول يەلەرى جول ءجۇرىسى قاۋىپسىزدىگىن قامتاماسىز ەتۋ جونىندەگى جانە قورشاعان ورتانى قورعاۋ سالاسىنداعى ۋاكىلەتتى ورگاندارمەن بىرلەسىپ, اۆتوۆوكزالداردىڭ, كولىكتىك ۇيىمداردىڭ كەزەكشى-ديسپەتچەرلىك قىزمەتتەرىنە, سونداي-اق جول ءجۇرىسى قاۋىپسىزدىگىن قامتاماسىز ەتۋ جونىندەگى ۋاكىلەتتى ورگاننىڭ كورشى وبلىستارداعى اۋماقتىق بولىمشەلەرىنە جانە شەكارالاس مەملەكەتتەردىڭ توتەنشە جاعدايلار بويىنشا مەملەكەتتىك ورگاندارعا ونىڭ سالدارىنىڭ الدىن الۋ جانە ولاردى جويۋ بويىنشا جەدەل شارالاردى قولدانۋ جانە كومەك كورسەتۋ ءۇشىن حابارلايدى; 3) جول ءجۇرىسى قاۋىپسىزدىگىن قامتاماسىز ەتۋ جونىندەگى جانە قورشاعان ورتانى قورعاۋ سالاسىنداعى ۋاكىلەتتى ورگاندار جول يەلەرىمەن بىرلەسىپ, كولىك قۇرالدارىنىڭ قاۋىپسىز جانە كەدەرگىسىز ءجۇرىپ ءوتۋ ءۇشىن جاعدايدى قامتاماسىز ەتەدى. 8. وسى قاعيدالاردىڭ 3-تارماعىنىڭ 3), 7) تارماقشالارىندا جانە 13) تارماقشاسىنىڭ ءۇشىنشى جانە ءتورتىنشى ابزاتستارىندا كوزدەلگەن جاعدايلار ورىن العان كەزدە مىناداي ءىس-شارالار جۇرگىزىلەدى: 1) جول يەلەرى جول ءجۇرىسى قاۋىپسىزدىگىن قامتاماسىز ەتۋ جونىندەگى ۋاكىلەتتى ورگاننىڭ اۋماقتىق بولىمشەلەرىمەن بىرلەسىپ, جولدار نەمەسە جولداردىڭ جەكەلەگەن ۋچاسكەلەرى بويىنشا كولىك قۇرالدارىنىڭ ءجۇرىسىن توقتاتۋ نەمەسە ۋاقىتشا شەكتەۋ تۋرالى شەشىم قابىلدايدى; 2) جول يەلەرى وقيعا بولعان جەرگە جول, اۆاريالىق-قۇتقارۋ, ءورت ءسوندىرۋ جانە مەديتسينالىق قىزمەتتەردىڭ, قۇقىق قورعاۋ مەن ارنايى مەملەكەتتىك ورگانداردىڭ كولىك قۇرالدارىنىڭ كەدەرگىسىز ءجۇرىپ ءوتۋىن قامتاماسىز ەتەدى. 9. وسى قاعيدالاردىڭ 3-تارماعىنىڭ 6) تارماقشاسىندا كوزدەلگەن ءىس-شارالار وتكىزىلگەن جاعدايدا مىناداي ءىس-شارالار جۇرگىزىلەدى: 1) ءىس-شارالاردى وتكىزۋگە جاۋاپتى مەملەكەتتىك ورگان ءىس-شارا وتكىزىلەتىن كۇنگە دەيىن ءۇش جۇمىس كۇنى ىشىندە جول يەلەرى مەن جول ءجۇرىسى قاۋىپسىزدىگىن قامتاماسىز ەتۋ جونىندەگى ۋاكىلەتتى ورگاننىڭ اۋماقتىق بولىمشەلەرىنە حابارلايدى; 2) جول يەلەرى مەن جول ءجۇرىسى قاۋىپسىزدىگىن قامتاماسىز ەتۋ جونىندەگى ۋاكىلەتتى ورگاننىڭ اۋماقتىق بولىمشەلەرى ءىس-شارالاردى وتكىزۋگە جاۋاپتى مەملەكەتتىك ورگان ءىس-شارالاردى وتكىزۋ مەرزىمى مەن ءتيىستى سىزبالاردى ۇسىنعان كەزدە وسى ءىس-شارالاردى جازباشا تۇردە كەلىسەدى. 10. جول يەلەرى جول ءجۇرىسى قاۋىپسىزدىگىن قامتاماسىز ەتۋ جونىندەگى ۋاكىلەتتى ورگانمەن بىرلەسىپ, جوندەۋ-قۇرىلىس جۇمىستارىن جۇرگىزگەن كەزدە ءتيىستى جول بەلگىلەرىن ورناتىپ جانە بۇقارالىق اقپارات قۇرالدارى ارقىلى ول تۋرالى جەرگىلىكتى اتقارۋشى ورگانداردى جانە اۆتوموبيل جولدارىن پايدالانۋشىلاردى حاباردار ەتۋ ارقىلى كولىك قۇرالدارىنىڭ ءجۇرىسىن توقتاتۋ نەمەسە جابۋ قۇقىعىنا يە. وسى قاعيدالاردىڭ 3-تارماعىنىڭ 8) تارماقشاسىندا كوزدەلگەن جاعدايلار ورىن العان كەزدە جول يەلەرى ۋاقىتشا اينالما جول سالۋ بويىنشا جۇمىستار جۇرگىزەدى. 11. وسى قاعيدالاردىڭ 3-تارماعىنىڭ 9) تارماقشاسىندا كوزدەلگەن جاعداي ورىن العان كەزدە كولىك قۇرالدارىنىڭ ءجۇرىسىن توقتاتۋدى نەمەسە ۋاقىتشا شەكتەۋدى تەرروريزمگە قارسى وپەراتسيالاردى جانە (نەمەسە) قورعاۋ ءىس-شارالارىن وتكىزۋ ايماعىندا تەرروريزمگە قارسى وپەراتسيالارعا قاتىسۋشى لاۋازىمدى ادامدار جۇزەگە اسىرادى. ايرىقشا ماقساتتاعى اۆتوموبيلدەردىڭ قاۋىپسىز ءجۇرىسىن قامتاماسىز ەتۋ ماقساتىندا كولىك قۇرالدارىنىڭ ءجۇرىسىن توقتاتۋدى نەمەسە ۋاقىتشا شەكتەۋدى قازاقستان رەسپۋبليكاسىنىڭ زاڭناماسىنا سايكەس قازاقستان رەسپۋبليكاسى مەملەكەتتىك قورعاۋ قىزمەتىنىڭ جانە ۇلتتىق قاۋىپسىزدىك ورگاندارىنىڭ شەشىمى بويىنشا لاۋازىمدى ادامدار جۇزەگە اسىرادى. قورعاۋ ءىس-شارالارىن جۇرگىزۋ كەزىندە ارنايى تراسسالاردا جانە ولارعا ىرگەلەس اۋماقتار مەن اكۆاتوريالاردا جوندەۋ, قۇرىلىس, مونتاج جانە وزگە جۇمىستاردىڭ بارلىق ءتۇرىنىڭ ءوندىرىسى قازاقستان رەسپۋبليكاسى مەملەكەتتىك قورعاۋ قىزمەتىنىڭ كەلىسىمى بويىنشا جۇزەگە اسىرىلادى. قورعاۋ ءىس-شارالارىن جۇرگىزۋ كەزەڭىندە ارنايى تراسسالاردا جوندەۋ, قۇرىلىس, مونتاج جانە وزگە جۇمىستاردىڭ بارلىق ءتۇرى توقتاتىلۋى مۇمكىن. تەرروريزمگە قارسى وپەراتسيا جۇرگىزىلەتىن ايماقتا تەرروريزمگە قارسى وپەراتسياعا قاتىسۋشى ادامدار جەكە ادامداردى جەرگىلىكتى جەردىڭ جەكەلەگەن ۋچاسكەلەرىنەن جانە وبەكتىلەردەن شىعارۋ, كولىك قۇرالدارىنىڭ, ونىڭ ىشىندە ديپلوماتيالىق جانە كونسۋلدىق وكىلدىكتەردىڭ كولىك قۇرالدارىنىڭ جول ءجۇرىسىن, ولاردى سۇيرەپ اكەتۋدى قوسا العاندا, ۋاقىتشا شەكتەۋ نەمەسە تىيىم سالۋ بويىنشا ءىس-شارالار وتكىزەدى. 12. وسى قاعيدالاردىڭ 3-تارماعىنىڭ 10) تارماقشاسىندا كوزدەلگەن جاعداي ورىن العان كەزدە مىناداي ءىس-شارالار جۇرگىزىلەدى: 1) جول يەلەرى جول ءجۇرىسى قاۋىپسىزدىگىن قامتاماسىز ەتۋ جونىندەگى ۋاكىلەتتى ورگاننىڭ اۋماقتىق بولىمشەلەرىمەن بىرلەسىپ, جولدار نەمەسە جولداردىڭ جەكەلەگەن ۋچاسكەلەرى بويىنشا كولىك قۇرالدارىنىڭ ءجۇرىسىن توقتاتۋ نەمەسە ۋاقىتشا شەكتەۋ تۋرالى شەشىم قابىلدايدى; 2) جول يەلەرى جانە جول ءجۇرىسى قاۋىپسىزدىگىن قامتاماسىز ەتۋ جونىندەگى ۋاكىلەتتى ورگاننىڭ اۋماقتىق بولىمشەلەرى اۆتوۆوكزالداردىڭ, كولىكتىك ۇيىمداردىڭ كەزەكشى-ديسپەتچەرلىك قىزمەتتەرىنە, سونداي-اق جول ءجۇرىسى قاۋىپسىزدىگىن قامتاماسىز ەتۋ جونىندەگى ۋاكىلەتتى ورگاننىڭ كورشى وبلىستارداعى اۋماقتىق بولىمشەلەرىنە جانە شەكارالاس مەملەكەتتەردىڭ توتەنشە جاعدايلار بويىنشا مەملەكەتتىك ورگاندارعا, ونىڭ سالدارىنىڭ الدىن الۋ جانە ولاردى جويۋ بويىنشا جەدەل شارالاردى قولدانۋ جانە كومەك كورسەتۋ ءۇشىن حابارلايدى; 3) قۇتقارۋ جانە باسقا دا كەزەك كۇتتىرمەيتىن جۇمىستاردى جۇرگىزۋ ءۇشىن جول يەلەرى وقيعا بولعان جەرگە جول, اۆاريالىق-قۇتقارۋ, ءورت ءسوندىرۋ جانە مەديتسينالىق قىزمەتتەردىڭ كولىكتىك قۇرالدارىنىڭ كەدەرگىسىز ءجۇرىپ ءوتۋىن قامتاماسىز ەتەدى; 4) جاي-كۇيى اۆتوموبيل جولدارى سالاسىنداعى ۋاكىلەتتى وراگان بەكىتكەن «اۆتوموبيل جولدارىن پايدالانۋ كەزىندەگى قاۋىپسىزدىك تالاپتارى» تەحنيكالىق رەگلامەنتىندە بەلگىلەنگەن تالاپتارعا سايكەس كەلەتىن جولداردى كۇتىپ ۇستاۋ جۇمىستارىن جول يەلەرى جۇرگىزەدى. 13. وسى قاعيدالاردىڭ 3-تارماعىنىڭ 12) تارماقشاسىندا كوزدەلگەن جاعداي ورىن العان كەزدە جول يەلەرى جولدار نەمەسە جولداردىڭ جەكەلەگەن ۋچاسكەلەرى بويىنشا كولىك قۇرالدارىنىڭ ءجۇرىسىن ۋاقىتشا شەكتەۋ تۋرالى شەشىم قابىلدايدى جانە جول ءجۇرىسى قاتىسۋشىلارىنا جول بەلگىلەرىن ورناتۋ ارقىلى شەكتەۋ مەرزىمىن كورسەتە وتىرىپ, حابارلاۋدى قامتاماسىز ەتەدى. 14. شەكارالىق كەڭىستىك شەگىندە شەكارالىق ىزدەۋلەردى جانە وپەراتسيالاردى, وزگە دە ىزدەۋ ءىس-قيمىلدارىن جۇرگىزۋ كەزىندە ۇلتتىق قاۋىپسىزدىك كوميتەتىنىڭ شەكارا قىزمەتى جالپى پايدالانۋداعى اۆتوموبيل جولدارىندا ءىس-شارالاردى وتكىزۋ ۋاقىتىندا باقىلاۋ بەكەتتەرىن ورناتادى. 15. كولىك قۇرالدارىنىڭ قوزعالىسىن توقتاتۋ نەمەسە ۋاقىتشا شەكتەۋ تۋرالى اقپاراتتى جول جۇرىسىنە قاتىسۋشىلارعا حابارلاۋ تەلەراديو حابارلارىن تاراتۋدى تەحنيكالىق سۇيەمەلدەۋ سالاسىنداعى ۋاكىلەتتى ورگان بەكىتكەن ادامداردىڭ ومىرىنە, دەنساۋلىعىنا تونگەن قاۋىپ-قاتەر جانە تابيعي جانە تەحنوگەندىك سيپاتتاعى توتەنشە جاعدايلار كەزىندە قالىپتاسقان جاعدايداعى ءىس-قيمىلدار ءتارتىبى تۋرالى حالىقتى حاباردار ەتۋ, سونداي-اق قورعانىس, ۇلتتىق قاۋىپسىزدىك جانە قۇقىقتىق ءتارتىپتى قورعاۋ مۇددەلەرىندە تەلەراديو حابارلارىن تاراتۋ جەلىلەرىن پايدالانۋ قاعيدالارىنا سايكەس جۇرگىزەدى. 16. وسى قاعيدالاردىڭ 3-تارماعىندا كوزدەلگەن جاعدايلاردى جويۋ جانە بولدىرماۋ بويىنشا وتكىزىلگەن ءىس-شارالاردان كەيىن جانە جول ءجۇرىسى قاۋىپسىزدىگىن قامتاماسىز ەتۋ جونىندەگى ۋاكىلەتتى ورگاننىڭ اۋماقتىق بولىمشەلەرىنەن الىنعان دەرەكتەردى تالداۋ مەن باعالاۋ نەگىزىندە جول يەلەرى كولىك قۇرالدارىنىڭ ءجۇرىسىن ۋاقىتشا شەكتەۋدى جاڭارتۋ نەمەسە الىپ تاستاۋ تۋرالى شەشىم قابىلدايدى.