قازاقستان رەسپۋبليكاسى ۇكىمەتىنىڭ قاۋلىسى №70

2015 جىلعى 18 اقپان,  استانا, ۇكىمەت ءۇيى ينۆەستورلار ءۇشىن «ءبىر تەرەزە» قىزمەتىن ۇيىمداستىرۋ تۋرالى قاعيدالاردى بەكىتۋ تۋرالى «ينۆەستيتسيالار تۋرالى» 2003 جىلعى 8 قاڭتارداعى قازاقستان رەسپۋبليكاسىنىڭ زاڭى 12-2-بابىنىڭ 2-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان ينۆەستورلار ءۇشىن «ءبىر تەرەزە» قىزمەتىن ۇيىمداستىرۋ تۋرالى قاعيدالار بەكىتىلسىن. 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكiمەتiنiڭ 2015 جىلعى 18 اقپانداعى № 70 قاۋلىسىمەن بەكىتىلگەن ينۆەستورلار ءۇشىن «ءبىر تەرەزە» قىزمەتىن ۇيىمداستىرۋ تۋرالى قاعيدالار 1. جالپى ەرەجەلەر 1. وسى ينۆەستورلار ءۇشىن «ءبىر تەرەزە» قىزمەتىن ۇيىمداستىرۋ تۋرالى قاعيدالار (بۇدان ءارى – قاعيدالار) «ينۆەستيتسيالار تۋرالى» 2003 جىلعى 8 قاڭتارداعى قازاقستان رەسپۋبليكاسىنىڭ زاڭى 12-2-بابىنىڭ 2-تارماعىنا سايكەس ازىرلەندى جانە قازاقستان رەسپۋبليكاسىنىڭ زاڭناماسىنا سايكەس مەملەكەتتىك قىزمەتتەردى ۇسىناتىن كورسەتىلەتىن قىزمەتتى بەرۋشىلەر ارقىلى ينۆەستيتسيالىق باسىم جوبالاردى ىسكە اسىراتىن ينۆەستورلار ءۇشىن «ءبىر تەرەزە» قىزمەتىنىڭ ءتارتىبىن بەلگىلەيدى. 2. وسى قاعيدالاردى قولدانۋ ماقساتتارى ءۇشىن مىناداي شارتتارعا سايكەس كەلەتىن زاڭدى تۇلعا ينۆەستيتسيالىق باسىم جوبالاردى ىسكە اسىراتىن ينۆەستور نەمەسە ونىڭ زاڭدى وكىلى (بۇدان ءارى – ينۆەستور) بولىپ تابىلادى: 1) زاڭدى تۇلعانى مەملەكەتتىك تىركەۋ ينۆەستيتسيالىق پرەفەرەنتسيالار الۋعا ءوتىنىم بەرىلگەن كۇنگە دەيىن كۇنتىزبەلىك ون ەكى ايدان كەيىن جۇزەگە اسىرىلادى; 2) زاڭدى تۇلعا ينۆەستيتسيالىق باسىم جوبالاردى ىسكە اسىرۋ ءۇشىن ايقىندالعان قىزمەتتىڭ باسىم تۇرلەرىنىڭ تىزبەسىنە ەنگىزىلگەن قىزمەت تۇرلەرىن جۇزەگە اسىرادى; 3) ينۆەستيتسيالىق باسىم جوبانى ىسكە اسىرۋ ءبىر ينۆەستيتسيالىق كەلىسىمشارت شەڭبەرىندە عانا جۇزەگە اسىرىلادى. 3. وسى قاعيدالاردا پايدالانىلاتىن نەگىزگى ۇعىمدار: 1) ينۆەستيتسيالىق باسىم جوبا (بۇدان ءارى – ينۆەستيتسيالىق جوبا) – تىزبەسىن قازاقستان رەسپۋبليكاسىنىڭ ۇكىمەتى بەكىتكەن بەلگىلى ءبىر قىزمەتتىڭ باسىم تۇرلەرى بويىنشا جاڭادان قۇرىلعان زاڭدى تۇلعا ىسكە اسىراتىن جانە رەسپۋبليكالىق بيۋدجەت تۋرالى زاڭدا بەلگىلەنگەن جانە ينۆەستيتسيالىق پرەفەرەنتسيالار بەرۋگە ءوتىنىم بەرىلگەن كۇنى قولدانىستا بولاتىن ايلىق ەسەپتىك كورسەتكىشتىڭ كەمىندە ەكى ميلليون ەسەلەنگەن مولشەرىندەگى ينۆەستيتسيالاردى جۇزەگە اسىرۋدى كوزدەيتىن ينۆەستيتسيالىق جوبا; 2) ينۆەستيتسيالار جونىندەگى ۋاكىلەتتى ورگان (بۇدان ءارى – ۋاكىلەتتى ورگان) – قازاقستان رەسپۋبليكاسىنىڭ ۇكىمەتى ايقىندايتىن, ينۆەستيتسيالىق كەلىسىمشارتتار جاساسۋ جانە ولاردىڭ ورىندالۋىن باقىلاۋ جونىندەگى مەملەكەتتىك ورگان; 3) كورسەتىلەتىن قىزمەتتى بەرۋشى – قازاقستان رەسپۋبليكاسىنىڭ زاڭناماسىنا سايكەس مەملەكەتتىك قىزمەتتەر كورسەتەتىن ورتالىق مەملەكەتتىك ورگاندار, قازاقستان رەسپۋبليكاسىنىڭ شەتەلدەگى مەكەمەلەرى, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ, وبلىستىق ماڭىزى بار قالالاردىڭ جەرگىلىكتى اتقارۋشى ورگاندارى, قالاداعى اۋدانداردىڭ, اۋداندىق ماڭىزى بار قالالاردىڭ, كەنتتەردىڭ, اۋىلداردىڭ, اۋىلدىق وكرۋگتەردىڭ اكىمدەرى, سونداي-اق جەكە جانە زاڭدى تۇلعالار; 4) ينۆەستورلار ءۇشىن «ءبىر تەرەزە» قاعيداتى بويىنشا ينۆەستيتسيالىق جوبانى قولداۋ (بۇدان ءارى – ينۆەستيتسيالىق جوبانى قولداۋ) – ينۆەستيتسيالىق جوبانى ىسكە اسىرۋعا باعىتتالعان ينۆەستورعا اقپاراتتىق, كونسۋلتاتسيالىق, ۇيىمداستىرۋشىلىق جاردەمدەسۋ جونىندەگى ءىس-شارالار كەشەنى; 5) كورسەتىلەتىن قىزمەتتى بەرۋشىنىڭ قىزمەتكەرى – قازاقستان رەسپۋبليكاسىنىڭ زاڭناماسىنا سايكەس مەملەكەتتىك قىزمەتتى كورسەتەتىن كورسەتىلەتىن قىزمەتتى بەرۋشىنىڭ قىزمەتكەرى; 6) ينتەرنەت-رەسۋرس – ۋاكىلەتتى ورگان ايقىندايتىن, ينۆەستيتسيالىق جوبانى ىسكە اسىراتىن ينۆەستورعا مەملەكەتتىك قىزمەت كورسەتۋ كەزەڭدەرىنىڭ مونيتورينگىنە ارنالعان ينتەرنەت-رەسۋرس; 7) ينۆەستوردىڭ ءوتىنىشى – ۋاكىلەتتى ورگاننىڭ بۇيرىعىمەن بەكىتىلگەن, ينۆەستور ۋاكىلەتتى ورگانعا بەرەتىن ءوتىنىش نىسانى; 8) ءوتىنىم – ينۆەستوردىڭ وتىنىشىنە قوسا بەرىلەتىن, مەملەكەتتىك قىزمەت كورسەتۋ ستاندارتىندا بەلگىلەنگەن ءوتىنىش نىسانى. 2. ينۆەستورلاردى قابىلداۋ جانە ولارعا كونسۋلتاتسيا بەرۋدى جۇزەگە اسىرۋ 4. ۋاكىلەتتى ورگان ينۆەستورلارعا مەملەكەتتىك قىزمەت كورسەتۋگە وتىنىشتەردى قابىلداۋعا جانە ونىڭ ناتيجەلەرىن بەرۋگە ارنالعان, سونداي-اق حالىققا قىزمەت كورسەتۋ ورتالىعىنىڭ (بۇدان ءارى – حقو) وكىلدىگىن ورنالاستىرۋ ءۇشىن ارنايى بەلگىلەنگەن ورىندى (بۇدان ءارى – ارنايى بەلگىلەنگەن ورىن) ۇيىمداستىرادى. 5. ينۆەستورلار ينۆەستيتسيالىق جوبالاردى ىسكە اسىرۋ ماسەلەلەرى بويىنشا قابىلداۋ جانە كونسۋلتاتسيا بەرۋ ءۇشىن ۋاكىلەتتى ورگانعا جۇگىنەدى. 6. ۋاكىلەتتى ورگان مەملەكەتتىك كورسەتىلەتىن قىزمەتتەر بويىنشا, سونداي-اق ينۆەستيتسيالىق جوبالاردى ىسكە اسىرۋ ماسەلەلەرى بويىنشا ينۆەستورلارعا كونسۋلتاتسيا بەرۋدى جۇزەگە اسىرادى. 7. ۋاكىلەتتى ورگان ءوز قۇزىرەتى شەڭبەرىندە جانە وزىنە جۇكتەلگەن مىندەتتەردى ورىنداۋ ماقساتىندا قازاقستان رەسپۋبليكاسىنىڭ ۇكىمەتى بەلگىلەگەن تارتىپپەن قازاقستان رەسپۋبليكاسىنىڭ ءتيىستى مەملەكەتتىك ورگاندارىنىڭ ماماندارىن, جەكە جانە زاڭدى تۇلعالارىنىڭ قاتارىنان كونسۋلتانتتار مەن ساراپشىلاردى تارتۋعا قۇقىلى. 8. كورسەتىلەتىن قىزمەتتى بەرۋشىلەر ينۆەستورلاردىڭ مەملەكەتتىك كورسەتىلەتىن قىزمەتتى الۋعا ءوتىنىمىن دايىنداۋ جانە رەسىمدەۋ ءۇشىن قاجەتتى ماتەريالداردى, قۇجاتتاردى جانە وزگە دە اقپاراتتى ۋاكىلەتتى ورگانعا ۇسىنۋدى قامتاماسىز ەتەدى. 9. كورسەتىلەتىن قىزمەتتى بەرۋشى ۋاكىلەتتى ورگاننىڭ ءوتىنىشى بويىنشا مەملەكەتتىك قىزمەتتى كورسەتۋ ءتارتىبى تۋرالى ەلەكتروندى نەمەسە جازباشا نىساندا دەرەۋ تۇسىندىرمە بەرۋدى قامتاماسىز ەتەدى. 10. ماسەلە كۇردەلى جانە ونى قوسىمشا پىسىقتاۋ قاجەت بولعان جاعدايدا, كورسەتىلەتىن قىزمەتتى بەرۋشىلەر ءبىر كۇن مەرزىمدە قاعاز جانە (نەمەسە) ەلەكتروندى نىساندا وسى قاعيدالاردىڭ 21-تارماعىنا سايكەس بىرلەسكەن بۇيرىقتا كورسەتىلگەن ەلەكتروندىق مەكەنجاي بويىنشا جاۋاپ بەرەدى. 11. ۋاكىلەتتى ورگاننىڭ سۇراۋ سالۋى (جازباشا نەمەسە ەلەكتروندى نىساندا) بويىنشا كورسەتىلەتىن قىزمەتتى بەرۋشىلەر ءبىر كۇن مەرزىمدە ۋاكىلەتتى ورگان ايقىنداعان ارنايى بەلگىلەنگەن ورىندا مەملەكەتتىك كورسەتىلەتىن قىزمەتتى الۋ ماسەلەلەرى بويىنشا ينۆەستورعا كونسۋلتاتسيا بەرۋ ءۇشىن مامانداردىڭ قاتىسۋىن قامتاماسىز ەتەدى. 12. كورسەتىلەتىن قىزمەتتى بەرۋشىلەر ۋاكىلەتتى ورگانمەن كەلىسىم بويىنشا ۋاكىلەتتى ورگاننىڭ قىزمەتكەرلەرى ءۇشىن مەملەكەتتىك قىزمەت كورسەتۋ ماسەلەلەرى بويىنشا وقىتۋ جانە (نەمەسە) سەمينارلار ۇيىمداستىرادى جانە وتكىزەدى. 3. مەملەكەتتىك قىزمەت كورسەتۋگە وتىنىشتەردى قابىلداۋ جانە ولاردىڭ ناتيجەلەرىن ينۆەستورلارعا بەرۋ 13. ۋاكىلەتتى ورگانعا جۇگىنگەن ينۆەستورلار مەملەكەتتىك كورسەتىلەتىن قىزمەت ستاندارتىندا بەلگىلەنگەن تىزبە بويىنشا قۇجاتتاردى قوسا بەرە وتىرىپ, مەملەكەتتىك قىزمەت كورسەتۋگە ينۆەستوردىڭ ءوتىنىشىن, وتىنىمدەردى (بۇدان ءارى – ينۆەستورلاردىڭ قۇجاتتارى) ۇسىنادى. 14. مەملەكەتتىك كورسەتىلەتىن قىزمەتتىڭ ءار ءتۇرى بويىنشا وتىنىمگە قوسا بەرىلەتىن قۇجاتتار تىزبەسى مەملەكەتتىك كورسەتىلەتىن قىزمەت ستاندارتىندا بەلگىلەنگەن. 15. ۋاكىلەتتى ورگان ءتيىستى تۇردە تولتىرىلعان جانە ۋاكىلەتتى ورگانعا ۇسىنىلعان ينۆەستورلاردىڭ قۇجاتتارىن مەملەكەتتىك كورسەتىلەتىن قىزمەتتى ۇسىنۋ ءۇشىن كورسەتىلەتىن قىزمەتتى بەرۋشىگە جىبەرەدى. 16. ۋاكىلەتتى ورگان مەملەكەتتىك كورسەتىلەتىن قىزمەت ستاندارتىندا بەلگىلەنگەن مەرزىمدە ينۆەستورلارعا مەملەكەتتىك كورسەتىلگەن قىزمەتتەردىڭ ناتيجەسىن بەرەدى. 17. كورسەتىلەتىن قىزمەتتى بەرۋشىلەردىڭ ينۆەستوردىڭ قۇجاتتارىن العان ۋاقىتى مەن ۋاكىلەتتى ورگاننىڭ ينۆەستوردىڭ قارالعان قۇجاتتارىنىڭ ناتيجەلەرىن العان ۋاقىتى مەملەكەتتىك كورسەتىلەتىن قىزمەت ستاندارتىندا بەلگىلەنگەن مەملەكەتتىك قىزمەت كورسەتۋ مەرزىمىنە كىرمەيدى. 18. كورسەتىلەتىن قىزمەتتى بەرۋشىلەر مەملەكەتتىك قىزمەت كورسەتۋ بولىگىندە زاڭناماداعى وزگەرىستەر تۋرالى ۋاكىلەتتى ورگانعا ءۇش جۇمىس كۇنى ىشىندە حابارلايدى. 19. ۋاكىلەتتى ورگانعا كەلىپ تۇسكەن اقپارات قۇپيا بولىپ تابىلادى. 20. وتىنىشتەردى قابىلداۋ جانە قۇجاتتاردى بەرۋ ءوتىنىش بەرۋشىنىڭ قالاۋى بويىنشا مەملەكەتتىك نەمەسە ورىس تىلدەرىندە جۇزەگە اسىرىلادى. 4. مەملەكەتتىك قىزمەت كورسەتۋ ماسەلەلەرى بويىنشا ۋاكىلەتتى ورگان مەن مەملەكەتتىك ورگانداردىڭ اراسىنداعى ءوزارا ءىس-قيمىل 21. ۋاكىلەتتى ورگان مەملەكەتتىك قىزمەت كورسەتۋگە جاۋاپتى مەملەكەتتىك ورگاندارمەن بىرلەسكەن بۇيرىقپەن مەملەكەتتىك قىزمەت كورسەتۋ شەڭبەرىندە ءوزارا ءىس-قيمىل جاساۋ جانە ۋاكىلەتتى ورگاننىڭ ينۆەستيتسيالىق باسىم جوبانى مەملەكەتتىك ورگانداردا قولداۋى ءۇشىن جاۋاپتى ادامداردى ايقىندايدى. 22. كورسەتىلەتىن قىزمەتتى بەرۋشىلەر ۋاكىلەتتى ورگانعا مەملەكەتتىك قىزمەتتى كورسەتۋ ءۇشىن قاجەتتى ماتەريالداردى, قۇجاتتاردى جانە وزگە دە اقپاراتتى بەرۋدى, ونىڭ ىشىندە قازاقستان رەسپۋبليكاسىنىڭ زاڭناماسىنا سايكەس اقپاراتتىق جۇيەلەردى ىقپالداستىرۋ ارقىلى بەرۋدى قامتاماسىز ەتەدى. 23. كورسەتىلەتىن قىزمەتتى بەرۋشىلەر مەملەكەتتىك كورسەتىلەتىن قىزمەتتەر ستاندارتتارىندا بەلگىلەنگەن مەرزىمدە ۋاكىلەتتى ورگانعا مەملەكەتتىك كورسەتىلەتىن قىزمەتتىڭ ناتيجەلەرىن جىبەرەدى. 24. ۋاكىلەتتى ورگان كورسەتىلەتىن قىزمەتتى بەرۋشىلەر الدىندا ينۆەستيتسيالىق جوبانى ىسكە اسىراتىن ينۆەستورلاردىڭ قۇجاتتارىن قاراۋ تۋرالى ءوتىنىشحات بەرۋگە جانە ينۆەستورلاردىڭ قۇجاتتارىن كورسەتىلەتىن قىزمەتتى بەرۋشىلەرگە ەنگىزۋگە قۇقىلى. 25. كورسەتىلەتىن قىزمەتتى بەرۋشىنىڭ قىزمەتكەرى ينتەرنەت-رەسۋرستا كەستەگە سايكەس ءوتىنىمنىڭ قارالۋ ساتىلارىنىڭ اقپاراتىن كورسەتەدى. ر/س № مەملەكەتتىك قىزمەتتى كورسەتۋ مەرزىمى ءبىرىنشى حابارلاما (مەملەكەتتىك كورسەتىلەتىن قىزمەتتىڭ ناتيجەسىن بەرۋ مەرزىمىنە دەيىن) ەكىنشى حابارلاما (مەملەكەتتىك كورسەتىلەتىن قىزمەتتىڭ ناتيجەسىن بەرۋ مەرزىمىنە دەيىن) ءۇشىنشى حابارلاما (مەملەكەتتىك كورسەتىلەتىن قىزمەتتىڭ ناتيجەسىن بەرۋ مەرزىمىنە دەيىن) 1. 10 كۇنگە دەيىن 5 كۇن ىشىندە ---- ---- 2. 20 كۇنگە دەيىن 10 كۇن ىشىندە 5 كۇن ىشىندە ---- 3. 30 كۇنگە دەيىن 15 كۇن ىشىندە 10 كۇن ىشىندە 5 كۇن ىشىندە 4. 30 كۇننەن جوعارى 20 كۇن ىشىندە 15 كۇن ىشىندە كۇن ىشىندە 26. كورسەتىلەتىن قىزمەتتى بەرۋشىلەردىڭ قىزمەتكەرى بەلگىلەنگەن كۇننەن باستاپ ەكى جۇمىس كۇنى ىشىندە كورسەتىلەتىن قىزمەتتى بەرۋشى بۇل تۋرالى ۋاكىلەتتى ورگانعا حابارلايدى. 27. كورسەتىلەتىن قىزمەتتى بەرۋشىنىڭ جاۋاپتى ادامىمەن جانە (نەمەسە) قىزمەتكەرىمەن ەڭبەك قاتىناستارى توقتاتىلعان جاعدايدا, كورسەتىلەتىن قىزمەتتى بەرۋشى ءبىر كۇن مەرزىمدە كورسەتىلەتىن قىزمەتتى بەرۋشىنىڭ جاۋاپتى ادامىن جانە (نەمەسە) قىزمەتكەرىن بەلگىلەيدى جانە بۇل تۋرالى ۋاكىلەتتى ورگانعا حابارلايدى. 5. ۋاكىلەتتى ورگاننىڭ ينۆەستيتسيالىق جوبانى مەملەكەتتىك ورگانداردا قولداۋى جانە ينۆەستورلار ءۇشىن مەملەكەتتىك قىزمەت كورسەتۋ پروتسەسىنىڭ مونيتورينگى 28. ۋاكىلەتتى ورگان ينۆەستورلاردىڭ مەملەكەتتىك كورسەتىلەتىن قىزمەتتى الۋ ءۇشىن ينۆەستورلاردىڭ قۇجاتتارىن تاپسىرعان كەزىنەن باستاپ جانە مەملەكەتتىك كورسەتىلەتىن قىزمەتتەر دەرەكتەرىنىڭ بەرىلۋىنە دەيىن ينۆەستورلارعا مەملەكەتتىك قىزمەتتەردىڭ ۋاقتىلى جانە تولىق كورسەتىلۋى ماسەلەلەرى بويىنشا قولداۋدى جۇزەگە اسىرادى. 29. ۋاكىلەتتى ورگان ينۆەستوردىڭ قۇجاتتارىن ارنايى بەلگىلەنگەن ورىندا قابىلدايدى. 30. ۋاكىلەتتى ورگان ينۆەستورلاردىڭ مەملەكەتتىك قىزمەتتى الۋعا ارنالعان قۇجاتتارىن مەملەكەتتىك قىزمەتتى كورسەتەتىن حقو-عا, كورسەتىلەتىن قىزمەتتى بەرۋشىگە جىبەرەدى. 31. ۋاكىلەتتى ورگان وسى قاعيدالاردىڭ 25-تارماعىنا سايكەس كورسەتىلەتىن قىزمەتتى بەرۋشى بەرگەن اقپاراتقا تالداۋدى جۇزەگە اسىرادى. 32. كورسەتىلەتىن قىزمەتتى بەرۋشىلەر مەملەكەتتىك قىزمەت كورسەتۋ مەرزىمدەرىن بۇزعان جاعدايدا, ۋاكىلەتتى ورگان دەرەۋ ەلەكتروندى جانە (نەمەسە) جازباشا نىساندا كورسەتىلەتىن قىزمەتتى بەرۋشىگە وسى بۇزۋشىلىقتاردى جويۋ قاجەتتىلىگى تۋرالى حابارلاما جىبەرەدى. 33. مەملەكەتتىك كورسەتىلەتىن قىزمەتتەردىڭ قارالۋ ساتىلارى تۋرالى اقپارات ينۆەستيتسيالىق جوبانى ىسكە اسىراتىن ينۆەستور ءۇشىن ينتەرنەت-رەسۋرستا ونلاين رەجيمدە قولجەتىمدى بولادى. 34. ۋاكىلەتتى ورگان مەملەكەتتىك قىزمەتتىڭ كورسەتىلۋىنە مونيتورينگتى جۇزەگە اسىرۋ ءۇشىن ينتەرنەت-رەسۋرستىڭ جۇمىس ىستەۋىن قامتاماسىز ەتەدى. 35. ۋاكىلەتتى ورگان ينۆەستورلارعا ينۆەستيتسيالىق جوبالاردىڭ ينتەرنەت-رەسۋرسىنا رۇقسات بەرەدى. 36. ۋاكىلەتتى ورگان كورسەتىلەتىن قىزمەتتى بەرۋشىنىڭ قىزمەتكەرىنە ينۆەستيتسيالىق جوبالاردىڭ ينتەرنەت-رەسۋرسىنا رۇقسات بەرەدى. 37. ينۆەستورلاردىڭ وتىنىمدەرى ينتەرنەت-رەسۋرستا تىركەلەدى. 38. ينۆەستورلاردىڭ مەملەكەتتىك كورسەتىلەتىن قىزمەتتى الۋ ءۇشىن مەملەكەتتىك قىزمەتتى بەرۋشىلەرگە جىبەرىلگەن قۇجاتتارى بويىنشا مالىمەتتەر ينتەرنەت-رەسۋرسقا ەنگىزىلەدى.