بيزنەسمەندەر بايگەسى

قاراعاندىدا «قازاقستاننىڭ ۇزدىك تاۋارى» كورمە-بايقاۋى ءوتتى قاراعاندى قالاسىندا «قازاق­ستاننىڭ ۇزدىك تاۋارى» وڭىرلىك كور­مە-بايقاۋى ءوتتى. وتاندىق ءونىمنىڭ ءورىسىن كەڭەيتىپ, وركەنىن وسىرۋگە باعىتتالعان بۇل يگى شارانى وب­لىس­­­تىق اكىمدىك, ونەركاسىپ جانە يندۋستريالىق-يننوۆاتسيالىق دامۋ باسقارماسى, سونداي-اق كاسىپكەرلەر پالاتاسى بىرىگىپ ۇيىمداستىردى. «مۇنداي كورمەلەردى وتكىزۋ – ەڭ الدىمەن مەملەكەتتىك ين­دۋس­­تريالىق-يننوۆاتسيالىق دا­مۋ اياسىندا ءبىز قابىلداعان باع­دارلامالاردىڭ ىسكە اسۋ بارىسىمەن ناقتى مىسالدار نەگىزىندە تانىسۋعا, جيناقتاعان تاجىريبەنى زەرتتەپ جانە بايىتىپ, سونان سوڭ بارىپ ونى كۇن­دە­لىكتى جۇمىستا پايدالانۋعا مول مۇمكىندىك بە­رەدى», دەدى كورمە-باي­قاۋدىڭ اشىلۋ سالتاناتىندا سويلەگەن سوزىندە قاراعاندى وبلىسىنىڭ اكىمى نۇرمۇحامبەت ءاب­دىبەكوۆ. قازاقستان رەسپۋبليكاسى پرەزي­دەنتىنىڭ «پرەزيدەنتتىڭ «ال­تىن ساپا» سىيلىعىن الۋعا ارنالعان كونكۋرس  جانە «قازاقستاننىڭ ۇزدىك تاۋارى» رەسپۋبليكالىق كورمە-بايقاۋى تۋرالى» جارلىعىنا سايكەس, جىل سايىن ەلىمىزدە رەس­­پۋبليكالىق جانە وڭىرلىك «قا­زاقستاننىڭ ۇزدىك تاۋارى» كورمە-بايقاۋى وتكىزىلىپ كەلەدى. اتالعان شارانىڭ وتاندىق ءونىم شىعارۋمەن شۇعىلدانىپ جۇرگەن جەكە جانە زاڭدى تۇلعالاردىڭ شارۋاسىنا شابىت بەرىپ, باسەكەگە قابىلەتتىلىگىن ارتتىرۋعا كادىمگىدەي سەپتىگىن تيگىزىپ جۇرگەنىن ايتپاي كەتۋگە بولمايدى. قازىرگى تاڭدا كاسىپكەرلەر مۇنداي كورمە-بايقاۋ­دىڭ وتاندىق ءونىمنىڭ ساپاسىن جەتىلدىرۋ, نارىقتاعى ءوزىنىڭ ورنىن تابۋ جانە تۇرعىندار تاراپىنان ىقىلاسقا يە بولۋ سىندى قات-قابات شارۋادا كوپ كومەگىن تيگىزىپ جاتقانىن ءبىراۋىزدان ايتىپ ءجۇر. قاراعاندىداعى ەل اۋماعىندا ازىق-ت ۇلىك جانە وندىرىستىك-تەح­­نيكالىق ماقساتتاعى تاۋار شى­عارىپ جۇرگەن كاسىپكەرلەر ءوز­دە­رى­نىڭ ونىمدەرىن كورمەگە قو­ي­ى­پ, جۇرتقا جاريا ەتۋگە تاماشا ءمۇم­كىندىك الدى. ورتالىق سايا­باقتاعى كورمە-بايقاۋعا قارا­عاندىلىق كاسىپورىنداردىڭ 92 كورنەكى ستەندى قويىلدى. كورمە-بايقاۋدا «وندىرىستىك ماقساتتاعى ۇزدىك تاۋارلار», «تۇر­عىن­دارعا ارنالعان ۇزدىك تاۋارلار» جانە «ۇزدىك ازىق-ت ۇلىك تاۋارى» سىندى نەگىزگى ءۇش اتالىم بويىنشا مىقتىلار انىقتالدى. «وندىرىستىك ماقساتتاعى ۇزدىك تاۋارلار» اتالىمى بويىنشا ءبىرىنشى جۇلدەنى بۇقار جىراۋ اۋدانىنىڭ «بەمەر ارماتۋرا» جشس جەڭىپ الدى. بۇل كومپانيا جىلۋمەن قامتۋ, مۇناي, گاز جانە ءوندىرىستىڭ باسقا دا سالالارىنا قاجەتتى شۇمەكتەر شىعارادى. قاراعاندىنىڭ «قاراعاندى مەتالل ونىمدەرى زاۋىتى» «تۇر­عىندارعا ارنالعان ۇزدىك تاۋارلار» اتالىمى بويىنشا وزىپ شىقتى. قۇرىلعانىنا 60 جىل بولعان بۇل كاسىپورىن قازاقستاندا بالالارعا ارنالعان ۆەلوسيپەد شىعاراتىن بىردەن-ءبىر زاۋىت. ال «ۇزدىك ازىق-ت ۇلىك تاۋارلارى» اتالىمىندا قاراعان­دىنىڭ «Eurasian foods» اكتسي­نەرلىك قوعامىنىڭ الدىنا تۇسەر كومپانيا بولمادى. بۇل كاسىپورىن 45 جىلدان بەرى ءوزىنىڭ ساپالى ونىمدەرىمەن جۇرتتىڭ ىقى­لاسىنا يە بولىپ كەلەدى. قازىرگى تاڭدا ولار شىعاراتىن وتاندىق اقۋىز ءونىمى نارىقتا وتە جوعارى سۇرانىسقا يە. الەۋمەتتىك ماقساتتاعى نىساندار سالۋمەن اينالىساتىن «اسپاپ» وندىرىستىك كووپەراتيۆى تۇراقتى جۇمىس ىستەيتىن كاسىپورىن ساناتىندا ارنايى سىيلىققا يە بولدى. «بالقاش-نان» جشس «جىل جاڭالىعى» اتالىمىنىڭ ارنايى سىيلىعىنا يە بولسا, «قاراگاندانەرۋد» كومپانياسى «الەۋمەتتىك جاۋاپكەرشىلىكتى بيزنەس» اتالىمى بويىنشا ماراپاتتالدى. وبلىستىڭ بيزنەس قاۋىمداستىعى «جىلدىڭ اقپاراتتىق جوباسى» اتالىمىنا ىسكەر جاڭالىقتاردى جەدەل ءارى وبەكتيۆتى تۇردە جەتكىزەتىن EKaraganda.kz سايتى لايىقتى دەپ تانىدى. «شاعىن جانە ورتا بيزنەستى دامىتۋعا قوسقان ۇلەسى ءۇشىن» سىيلىعى سايران سىزدىقوۆا مەن ساۋدا-وندىرىستىك پالاتا القاسىنىڭ ءتورايىمى نەسىپ سەيىتوۆاعا تابىس ەتىلدى. ال «ۇلگىلى سالىق تولەۋشى» اتالامىنىڭ جۇلدەسىنە «ايزا» جشس يە بولدى. كومپانيا 1997 جىلدان باستاپ مەملەكەت قازىناسىنا سالىق تولەۋ سالاسىندا ابىروي-بەدەلىنە كىر كەلتىرمەگەن ەكەن. ەندى وڭىرلىك كورمە-بايقاۋدا بايگەنىڭ الدىن بەرمەگەن قارا­عاندىلىق كاسىپورىندار استانا قالاسىندا جىل سوڭىنا قاراي وتەتىن «قازاقستاننىڭ ۇزدىك تاۋارى» رەسپۋبليكالىق كورمە-بايقاۋىندا باق سىنايتىن بولادى. قايرات ءابىلدينوۆ, «ەگەمەن قازاقستان».