“جاسىل ەل” باعدارلاماسى شەڭبەرىندە جاستار اۋىلداردى كورىكتەندىرۋ جۇمىستارىنا بار ىنتامەن كىرىستى

ورمانداردى ورتتەردەن, زاڭسىز اعاش كەسۋدەن جانە ورمان زاڭناماسىنىڭ باس­قا دا بۇزۋشىلىقتارىنان كۇزەتۋ ءتيىم­دىلىگىن ارتتىرۋ, ولاردى زيانكەستەر مەن اۋرۋلاردان قورعاۋ, مولىقتىرۋ جانە ەلدى مەكەندەردى كوگالداندىرۋ مەن كوركەيتۋ جونىندەگى ءىس-شارالاردى جۇزەگە اسىرۋ – “جاسىل ەل” باعدارلاماسىنىڭ باستى ماقساتى.بيىلعى جىلى اتالمىش باعدارلاما شەڭبەرىندە اقجول اۋىلدىق ايماعىندا بارلىعى 6 ستۋدەنت جۇمىس ىستەيدى. ولار­دىڭ قۇرامىندا جازعى دەمالىسقا كەلگەن جاستار مەن ستۋدەنتتەر, اقجول مەكتەبىنىڭ وقۋشىسى بار. الداعى ۋاقىتتا جاسىل جەلەكتەردى سۋارىپ, ساياباقتىڭ ءىشى مەن اۋىلدىڭ ءىشىن كوڭ-قوقىستان تازارتىپ, اعاشتاردىڭ تۇپتەرىن اكتەۋ جوسپار­لا­نۋدا. ال, قالقامان جانە پوگرانيچنيك اۋىلدارىندا جازعى ەڭبەك ناۋقانىنا 9 ەڭبەك ساربازدارىنان 18 ستۋدەنت جۇ­مىلدىرىلعان. اباتتاندىرۋ جانە كوگال­داندىرۋ جۇمىستارىن قولعا العان ستۋ­دەنتتەر مەن جۇمىسسىز جاستار قاتارىنان جاساقتالعان وتريادتار دەنەشىنىقتىرۋ جانە ساۋىقتىرۋ كەشەنى مەن مادەنيەت ءۇيىنىڭ اينالاسىندا, “داڭق” ەسكەرتكىشى مەن كوشەلەردە تازالىق جۇمىستارىن جۇرگىزۋدى قولعا العان. ءوڭىرىمىزدىڭ گۇلدەنۋىنە ۇلەس قوسىپ, ەلباسى جولداۋىن جۇزەگە اسىرۋ جو­لىن­دا ادال ەڭبەك ەتۋدى ماقسات ەتكەن ستۋ­دەنتتەر مەن جاستار ءوز مىندەتتەرىنە بىلەك سىبانا كىرىستى. اقبوتا سەيسەنباەۆا. پاۆلودار وبلىسى,  اقسۋ قالاسى.