سوڭعى جىلدارى تارباعاتايلىقتار ءتورت ت ۇلىكپەن عانا ەمەس, باۋ-باقشا, ەگىستىك شارۋاشىلىعىمەن دە دەندەپ اينالىسا باستادى. اۋدان اكىمى دىلدابەك ورازباەۆ ءتيىمدى ءتۇسىندىرۋ جۇمىستارىنىڭ ناتيجەسىندە, تاۋ بوكتەرىندە بۇعان دەيىن مال شارۋاشىلىعىن كاسىپ قىلعان ەلدىڭ ەندى ەگىن ەگۋگە, باقشا وسىرۋگە, جىلىجايمەن شۇعىلدانۋعا دا قۇلشىنىسى ويانا باستاعانىن ايتادى. تاياۋدا اۋدانداعى شاعىن ەلدى مەكەندەردىڭ بىرىنەن سانالاتىن شىبىندى اۋىلىندا بولدىق. شىبىندىدا – شىبىنسىز جاز. بۇرىن قاراپايىم قىستاق بولعان ەلدى مەكەندە كىشىگىرىم جىلىجاي بوي كوتەرىپتى. اۋداندىق كاسىپكەرلىك جانە اۋىل شارۋاشىلىعى ءبولىمىنىڭ باستىعى اسەت اقانجانوۆتىڭ ايتۋىنشا, بۇگىندە اۋىلعا ورالىپ جاتقان تۇرعىندار قاتارى كوبەيىپ كەلەدى. ولاردىڭ باسىم بولىگى كاسىپتىڭ كوزى اۋىلدا ەكەنىن تۇسىنە باستادى. سولاردىڭ ءبىرى – مارات قۇسايىنوۆ ەسىمدى ازامات.
مارات وتكەن جىلى «جۇمىسپەن قامتۋدىڭ جول كارتاسى-2020» باعدارلاماسى بويىنشا 3 ملن. تەڭگە جەڭىلدەتىلگەن نەسيە الدى. الماتى قالاسىندا 10 جىل بويى گۇل وسىرۋمەن شۇعىلدانعان ول ءوزى قىر-سىرىن جەتىك بىلەتىن شارۋانى اۋىلدا دا وركەندەتۋگە بولاتىنىن ءتۇسىندى. بىلتىر كوشىپ كەلە سالىسىمەن جىلىجاي قۇرىلىسىن سالىپ, بيىل سول جىلىجايدا گۇل وسىرۋدە. ماراتتىڭ جىلىجايىندا 5 ادام جۇمىس ىستەيدى. 600 شارشى مەترلىك جابىق نىساننىڭ ىشىنە كىرسەك, قايناپ تۇر. اقپاننىڭ اقتۇتەك بورانىندا دا مۇندا 40 گرادۋستىق ىستىق بولادى ەكەن. جاعارماي وتىنىمەن وڭاي جىلىتىلاتىن جىلىجايدا كاسىپكەر 100 مىڭ ءتۇپ گۇل ءوسىرىپ وتىر. كاتالوگتەن جىلىجايدا شىبىنسالى, بارقىتگۇل, نارعىزگۇل, قاشقارگۇل سياقتى 12 ءتۇرلى گۇل وسىرىلەتىنىن كوردىك.
– بىزگە اۋدانداعى ءتۇرلى مەملەكەتتىك جانە جەكە كاسىپورىندار مەن مەكەمەلەر تاپسىرىس بەردى. ءساتىن سالسا, بارلىعىن قامتيمىز دەگەن ويىمىز بار. سونداي-اق, كوپجىلدىق راۋشان گۇلدەرىن ءوسىرۋدى جوسپارلاپ وتىرمىز, – دەيدى مارات.
ءبىر قىزىعى, مارات بىرنەشە ءتىل بىلەتىن پوليگلوت ەكەن. الايدا, ول وزىنە گۇل ءوسىرۋ ۇنايتىنىن ايتادى. قالادان اۋىلعا ورالعان كاسىپكەردىڭ قازىر شاعىن شارۋا قوجالىعى, اۋدان ورتالىعى – اقسۋات اۋىلىندا سۇلۋلىق سالونى بار. سونىمەن بىرگە, ساۋدا ورتالىعىن سالۋدا.
دۋمان اناش,
«ەگەمەن قازاقستان».
شىعىس قازاقستان وبلىسى, تارباعاتاي اۋدانى.
سوڭعى جىلدارى تارباعاتايلىقتار ءتورت ت ۇلىكپەن عانا ەمەس, باۋ-باقشا, ەگىستىك شارۋاشىلىعىمەن دە دەندەپ اينالىسا باستادى. اۋدان اكىمى دىلدابەك ورازباەۆ ءتيىمدى ءتۇسىندىرۋ جۇمىستارىنىڭ ناتيجەسىندە, تاۋ بوكتەرىندە بۇعان دەيىن مال شارۋاشىلىعىن كاسىپ قىلعان ەلدىڭ ەندى ەگىن ەگۋگە, باقشا وسىرۋگە, جىلىجايمەن شۇعىلدانۋعا دا قۇلشىنىسى ويانا باستاعانىن ايتادى. تاياۋدا اۋدانداعى شاعىن ەلدى مەكەندەردىڭ بىرىنەن سانالاتىن شىبىندى اۋىلىندا بولدىق. شىبىندىدا – شىبىنسىز جاز. بۇرىن قاراپايىم قىستاق بولعان ەلدى مەكەندە كىشىگىرىم جىلىجاي بوي كوتەرىپتى. اۋداندىق كاسىپكەرلىك جانە اۋىل شارۋاشىلىعى ءبولىمىنىڭ باستىعى اسەت اقانجانوۆتىڭ ايتۋىنشا, بۇگىندە اۋىلعا ورالىپ جاتقان تۇرعىندار قاتارى كوبەيىپ كەلەدى. ولاردىڭ باسىم بولىگى كاسىپتىڭ كوزى اۋىلدا ەكەنىن تۇسىنە باستادى. سولاردىڭ ءبىرى – مارات قۇسايىنوۆ ەسىمدى ازامات.
مارات وتكەن جىلى «جۇمىسپەن قامتۋدىڭ جول كارتاسى-2020» باعدارلاماسى بويىنشا 3 ملن. تەڭگە جەڭىلدەتىلگەن نەسيە الدى. الماتى قالاسىندا 10 جىل بويى گۇل وسىرۋمەن شۇعىلدانعان ول ءوزى قىر-سىرىن جەتىك بىلەتىن شارۋانى اۋىلدا دا وركەندەتۋگە بولاتىنىن ءتۇسىندى. بىلتىر كوشىپ كەلە سالىسىمەن جىلىجاي قۇرىلىسىن سالىپ, بيىل سول جىلىجايدا گۇل وسىرۋدە. ماراتتىڭ جىلىجايىندا 5 ادام جۇمىس ىستەيدى. 600 شارشى مەترلىك جابىق نىساننىڭ ىشىنە كىرسەك, قايناپ تۇر. اقپاننىڭ اقتۇتەك بورانىندا دا مۇندا 40 گرادۋستىق ىستىق بولادى ەكەن. جاعارماي وتىنىمەن وڭاي جىلىتىلاتىن جىلىجايدا كاسىپكەر 100 مىڭ ءتۇپ گۇل ءوسىرىپ وتىر. كاتالوگتەن جىلىجايدا شىبىنسالى, بارقىتگۇل, نارعىزگۇل, قاشقارگۇل سياقتى 12 ءتۇرلى گۇل وسىرىلەتىنىن كوردىك.
– بىزگە اۋدانداعى ءتۇرلى مەملەكەتتىك جانە جەكە كاسىپورىندار مەن مەكەمەلەر تاپسىرىس بەردى. ءساتىن سالسا, بارلىعىن قامتيمىز دەگەن ويىمىز بار. سونداي-اق, كوپجىلدىق راۋشان گۇلدەرىن ءوسىرۋدى جوسپارلاپ وتىرمىز, – دەيدى مارات.
ءبىر قىزىعى, مارات بىرنەشە ءتىل بىلەتىن پوليگلوت ەكەن. الايدا, ول وزىنە گۇل ءوسىرۋ ۇنايتىنىن ايتادى. قالادان اۋىلعا ورالعان كاسىپكەردىڭ قازىر شاعىن شارۋا قوجالىعى, اۋدان ورتالىعى – اقسۋات اۋىلىندا سۇلۋلىق سالونى بار. سونىمەن بىرگە, ساۋدا ورتالىعىن سالۋدا.
دۋمان اناش,
«ەگەمەن قازاقستان».
شىعىس قازاقستان وبلىسى, تارباعاتاي اۋدانى.
