سولتۇستىك قازاقستاندا تەرىسكەيگە جەرسىنگەن مال ءوسىرىلدى

پەتروپاۆل. 2 ناۋرىز. سولتۇستىك قازاقستان وبلىسىنىڭ عالىمدارى تەرىسكەيدىڭ قىتىمىر اۋا رايىنا بەيىمدەلگەن ءارى ازىق-ت ۇلىك تالعامايتىن قازاقتىڭ اق باس سيىرىنىڭ  ءۇش ءتۇرىن ءوسىرىپ شىعاردى. بۇل تۋرالى egemen.kz ءتىلشىسى حابارلادى. اسىر سالىپ, قۇلدىراڭداپ جۇرگەن تولدەرگە گراف, شامان, پيون دەگەن اتتار تەلىنگەن.  عالىمداردىڭ ايتۋىنشا, بۇل اسىل تۇقىمدى مالداردىڭ شەتەلدەن اكەلىنەتىن سيىرلارعا قاراعاندا ارتىقشىلىق جاقتارى كوپ. ءبىر جارىم جىلدا 300 كەلىگە دەيىن تازا ءونىم بەرەتىن كورىنەدى. سولتۇستىكتىڭ سۋىق كليماتىنا ءتوزىمدى سيىر مالىن الۋ ءۇشىن عالىمدار 20 جىلعا جۋىق ەڭبەكتەنگەن. قازىر ءۇش اسىل تۇقىمدى مالدان ءۇش مىڭداي ءتول وربىگەن. جاڭا تۇقىمدى ءوسىرۋ شارالارىن جۇزەگە اسىرۋ ماقساتىمەن اق باس سيىردىڭ ەمبريونىن شىعىس قازاقستان وبلىسىنان اكەلىپ, ءوزى تۇقىمداس مالمەن بۋدانداستىرعان. «ازىق-ت ۇلىكتى تالعاماي جەيدى. باسقا مالدارعا قاراعاندا تەز جەتىلەدى. ەتى دە حالىقارالىق تالاپتارعا ساي. كوپ ۆاكتسينانىڭ كەرەگى جوق», دەيدى وسى جولدا مول ەڭبەك سىڭىرگەن عالىمدار. جاڭا تۋعان بۇزاۋ كۇنىنە ءبىر كەلىدەن ارتىق سالماق قوسا الادى ەكەن. ءبىر جارىم جىلدا اينالاسى ءۇش-اق توننا ازىق جەپ, 300 كەلىگە دەيىن تازا ەت بەرەدى. ءومىر ەسقالي.            دەرەك, سۋرەت: egemen.kz.