جازعى جاتتىعۋ

«باتىس» وڭىرلىك قولباسشىلىعىندا زىمىران اسكەرلەرى مەن ارتيللەريا جەكە قۇرامىنىڭ لاگەرلىك جيىندارىندا قايراتتىلىق كور­سەتتى. بۇل شارا بيىلعى جىلدىڭ «باتىس» وڭىرلىك قولباسشىسىنىڭ ورىنباسارى پولكوۆنيك ەسبول امانعوجاەۆتىڭ باسشىلىعىمەن اقتاۋ گارنيزونىنا قاراستى «ويماشا» وقۋ-جاتتىعۋ پوليگونىندا ءوتتى. جيىندى وتكىزۋ ماقساتى – باتارەيا, ۆزۆود, بولىمشە كومانديرلەرىنىڭ ادىستەمەلىك شە­بەرلىگىن شىڭداۋ, كاسىبي بىلىكتىلىگىن ارتتىرۋ, تەحنيكا مەن قارۋ-جاراقتى جانە ونىڭ ەرەك­شەلىكتەرىن مەڭگەرۋ. بەلگىلەنگەن جوسپارداعى № 10, № 16 تاپسىرمالاردى ورىنداۋ بويىنشا قارۋدان وق اتۋ ۇيىمداستىرىلدى. وعان د-30 اسپانداتا اتاتىن اۋىر زەڭبىرەگى, مت-12 زەڭبىرەگى, 1200 مم مينومەتتى باتارەيالار پايدالانىلدى. تاپسىرمانى ورىنداۋ بارىسىندا اسكەري قىزمەتشىلەر جاقسى ناتيجەلەر كورسەتتى. اتاپ ايتقاندا, گۆارديا سەرجانتى ج.داۋلەتباەۆ د-30 اۋىر زەڭبىرەگىنەن ءبىر اتقاننان نىساناعا ءدال تيگىزدى. № 1 ارتيللەريالىق اتۋدا 2-باتارەيا (باتارەيا كومانديرى گۆارديا كاپيتانى ا.كەنجەعاليەۆ) ۇزدىك ناتيجە تانىتا ءبىلدى. «ەگەمەن-اقپارات».