قارجى دۇرىس يگەرىلۋى ءتيىس

قازاقستان پرەزيدەنتى جانىنداعى ورتالىق كوممۋنيكاتسيالار قىزمەتىندە ۇكىمەتتىڭ كەڭەيتىلگەن وتىرىسىنا ارنالعان بريفينگ ءوتتى. وعان پارلامەنت ءماجىلىسىنىڭ دەپۋتاتى, قازاقستاننىڭ «اق جول» دەموكراتيالىق پارتياسىنىڭ جەتەكشىسى ازات پەرۋاشەۆ, سونداي-اق, پارلامەنت ءماجىلىسىنىڭ دەپۋتاتتارى ەكاتەرينا نيكيتينسكايا, سۆەتلانا قادىراليەۆا, نۇرلان جازىلبەكوۆ, الماس تۇرتاەۆ قاتىستى. ازات پەرۋاشەۆ مەملەكەت باس­شىسىنىڭ باستاماسىنا وراي قول­عا الىنعان «نۇرلى جول» باع­دار­لاماسىنا قاتىستى ءوز وي-پايىمىمەن ءبولىستى. «كەيدە, وسى باعدارلامانى باعالاۋ كەزىندە كەيبىر ساراپشىلار ءتۇرلى پىكىرلەر ايتىپ جاتادى. ماسەلەن, بىرەۋلەر بۇل باع­دارلامانى ماڭىزدى دەپ سانا­عانى­مەن دە, وعان بەلگىلى ءبىر كەزەڭ­دى عانا قامتيتىن باستاما رە­تىندە قاراسا, ەندى ءبىر ازامات­تار بۇل باعدارلامانى وتە تولىققاندى قۇجات رەتىندە كورەدى. ءبىز «نۇرلى جول» باعدارلاماسىنا ەلباسىنىڭ تاۋەلسىزدىك العان جىلداردان ءبۇ­گىنگى كۇنگە دەيىن جۇرگىزىپ وتىر­عان ساياساتىنىڭ كەڭ اۋقىمدى ششەڭبەرىندە قاراستىرعان ءجون دەپ سانايمىز. ەگەر پرەزيدەنتتىڭ جىل سايىنعى جولداۋىن قالت جىبەرمەي, قاداعالاپ وتىرساڭىز, مەملەكەتتى ماقساتتى تۇردە دامىتۋ جۇيەسى ايقىن كورىنەر ەدى. دەمەك, «نۇرلى جول» – جاڭارعان, وركەندەگەن, ەكونوميكاسى تۇراقتى تۇردە دامىعان مەملەكەتتىڭ كەڭ اۋقىمدى, كەشەندى جۇيەسى كورىنىس تاپقان قۇندى قۇجات. وندا بۇگىنگى تاڭدا الەمدى الاڭداتىپ وتىرعان قارجىلىق داعدارىسقا قارسى تۇرۋ, يا بولماسا, ونىڭ الدىن الۋدىڭ شارالارى قامتىلعان. سوندىقتان, جاڭا ەكونوميكالىق ساياساتتىڭ نەگىزى سانالاتىن ناقتى سالالارعا قاتىستى كۇن تارتىبىندە تۇرعان ماسەلەلەر «ءبىر كۇندىك ماسەلە» رەتىندە قاراستىرىلماۋى ءتيىس. مۇنداي سالالار جاڭا زاماننىڭ تالابىنا ساي, تۇراقتى جانە ساپالى تۇردە دامىپ وتىرۋى قاجەت», – دەدى ا. پەرۋاشەۆ. وسىلاي دەي كەلە, ول رەس­پۋب­ليكالىق بيۋدجەتتى وڭتايلاندىرۋ جولىندا بىرقاتار شىعىنداردى قىسقارتۋعا بايلانىستى پىكىرىن جەتكىزدى. ول ءۇشىن ەكونوميكانىڭ ناقتى سەكتورلارىنا, ونىڭ ىشىندە كاسىپكەرلىكتى دامىتۋعا قولداۋ كورسەتۋدىڭ ماڭىزىن اتاپ ءوتتى. «سە­بەبى, جەكە كاسىپكەرلىكتى دامىتۋ, ەڭ الدىمەن, ۇلتتىق ەكونو­ميكانىڭ يمپورتتىق ونىمدەرگە دە­گەن تاۋەلدىلىگىن ازايتادى, سول ارقىلى ينفلياتسيالىق, دەۆال­ۆا­تسيالىق ۇدەرىستەر قاۋپىنىڭ ءتونۋىن ايتارلىقتاي دەڭگەيدە تومەندەتەدى. ال سىرتقى ساۋدا اينالىمىنداعى تەڭسىزدىك – ينفليا­تسيانىڭ, دەۆالۆاتسيانىڭ تۋىنداۋى­نا اسەر ەتەتىن بىردەن-ءبىر فاكتور. مۇنداي قاۋىپتەردىڭ الدىن الۋدىڭ ەڭ ءبىر ءتيىمدى جولدارىنىڭ ءبىرى – ارتاراپتاندىرىلعان ءوندىرۋ­شى ەكونوميكانىڭ قۇرىلۋى, ەكس­پورتقا باعىتتالعان سالالاردى دامىتۋ, وتاندىق وندىرۋشىلەردىڭ تاۋار­لارىمەن ىشكى تۇتىنۋشى نارىق­تى جانداندىرۋ», – دەدى ءماجى­لىس دەپۋتاتى. بريفينگ بارىسىندا ازات پە­رۋاشەۆ ەلباسىنىڭ قاتىسۋىمەن وتكەن ۇكىمەتتىڭ كەڭەيتىلگەن وتىرىسىندا وتاندىق وندىرۋشىلەردى قولداۋعا بايلانىستى بىرنەشە ماڭىزدى مىندەتتى جۇزەگە اسىرۋ جۇكتەلگەنىن, ولار: وتاندىق تاۋارلار مەن قىزمەت كورسەتۋ تۇرلەرىن ساتىپ الۋ, قازاقستاندا جاسالعان ونىمدەردى قولداۋ, «قازاقستاندا جاسالعان» اكتسياسى تەتىگىن ىسكە قوسۋ ەكەنىنە توقتالدى. «ارينە, بۇل مىندەتتەردىڭ بارلىعى بيزنەس ءۇشىن وتە وزەكتى. كەڭەيتىلگەن وتىرىستان كەيىن «اق جول» پارتياسىنىڭ پارلامەنتتىك فراكتسياسى بۇل مىندەتتەردى زاڭ تۇرىندە بەكىتۋگە قاتىستى دەپۋتاتتىق ساۋال جولدادى», دەدى ول بۇل رەتتە. قازاقستاننىڭ «اق جول» دە­مو­كراتيالىق پارتياسىنىڭ جەتەكشىسى ازات پەرۋاشەۆ سونداي-اق, سپورت سالاسىنا بولiنەتiن بيۋدجەتتiك قا­راجاتتىڭ تيiمدi, ماقساتتى تۇردە جۇمسالۋى قاجەتتىگىنە دە نا­زار اۋداردى. «دۇنيەجۇزىندە كاسiپقوي فۋتبول كلۋبتارى ءوز كۇندەرiن وزدەرi كورەدى. ياعني, مەكتەپتەر مەن سەكتسيالارعا ءبولىنۋى تيiس قاراجاتتى الىپ قويمايدى, قايتا بالالار سپورتىنىڭ دامۋىنا قولداۋ تانىتادى. سەبەبى, ولار ءوز كاسiبiنiڭ ناعىز ماماندارى. بiزدە دە ونداي سپورتشىلار بار. ماسەلەن, گەننادي گولوۆكين – مىقتى بوكس­شى. بيۋدجەتتەن ءبىر تيىن دا اقشا المايدى, ۇلتتىق كومپانيالاردان قارجى سۇرامايدى. بiراق, بۇل ازاماتتى الەم بiلەدi, ونىڭ ارقاسىندا قازاقستان تۋى تالاي رەت كوككە كوتەرىلدى. مىنە, بiز وسىنداي ادامداردى ماقتان تۇتامىز. سول سياقتى قانات يسلام دا ءوز iسiنiڭ شەبەرى. ەشكiمنەن ەشتەڭە سۇرامايدى, شارشى الاڭعا قازاقستان تۋىمەن شىعادى», دەدى ول. ونىڭ ايتۋىنشا, جاقىندا جەرگىلىكتى بيۋدجەتتەردىڭ يگەرىلۋىنە قاتىستى مالىمەتتەرگە تالداۋلار مەن ساراپتامالار جۇرگىزىلگەن. «سوندا ءبىزدىڭ ءبىر بايقاعانىمىز, ماسەلەن, كۇرەس سەكتسياسىنا بارلىق وڭىرلەر جەرگىلىكتى بيۋدجەتتەن 2015 جى­لى 3,1 ملرد. تەڭگە, بوكسقا – 1,5 ملرد., اۋىر اتلەتيكاعا – 487 ملن. تەڭگە ءبولىپ وتىر. بىراق, قوماق­تى قاراجات, ياعني, 14,6 ملرد. تەڭگە رەسپۋبليكالىق بيۋدجەتكە وڭتايلاندىرۋ جۇرگىزىلگەننەن كەيىن دە فۋتبول كلۋبتارىنا باعىت­تالماق. بۇل نەنى كورسەتەدى؟ بۇل – ەۋروپا چەمپيوناتىنىڭ ىرىك­تەۋ توبىندا سوڭعى قاتاردا تۇر­عان فۋتبولعا جەرگىلىكتى سپورت باس­قار­ماسىنىڭ بوكسقا قارا­عاندا, 10 ەسە كوپ مەملەكەت قارجات جۇمسايتىنىن كورسەتەدى. سون­دىقتان, سپورت سالاسىنا بولىنەتىن قارجىنىڭ ءوز جونىمەن جۇمسالۋىن قاداعالاۋ قاجەت», – دەدى ا.پەرۋا­شەۆ. بريفينگ بارىسىندا دەپۋتاتتار داعدارىستىڭ الدىن الۋعا قاتىستى ءاربىر ءىس-شاراعا ايرىقشا ءمان بەرىلۋ قاجەتتىگىنە توقتالدى. ءلايلا ەدىلقىزى, «ەگەمەن قازاقستان».