بىرىككەن بىتىرەدى, ۇيىمداسقان ۇتادى

ەل تاۋەلسىزدىگىن, ونىڭ ساياسي تۇراقتىلىعىن مەملەكەتىمىزدىڭ باستى قۇندىلىعىنىڭ ءبىرى دەپ ساناۋعا بولادى. ال ەلىمىزدىڭ مۇددەسىن قورعاۋ جانە ونى ساقتاۋ ءاربىر ازاماتتىڭ بورىشى بولىپ تابىلاتىنى انىق. وسى ورايدا ەلباسى نۇرسۇلتان نازارباەۆتىڭ «بۇگىنگى تاڭدا ەل قامىنان باسقا قانداي مۇددە بولۋى مۇمكىن؟ سوندىقتان ەلدىڭ اقىنى دا, اكىمى دە ءبىر ماقساتتى كوزدەۋى كەرەك», دەگەن قاناتتى ءسوزى بار. بۇل ويدىڭ استارىندا قوعامنىڭ بىراۋىزدىلىعى, بىرلىگى, قالا بەردى ەلىمىزدىڭ بەرىكتىگىن ساقتاۋ تۇسىنىگى جاتىر. قازاقستان قازىرگى تاڭدا الەم­دەگى كوپتەگەن مەملەكەت اراسىندا وق بويى العا شىعىپ, دۇنيە­جۇزىنىڭ دامىعان 30 ەلىنىڭ قاتارىنا ەنۋ ءۇشىن نىق قادام باسىپ كەلەدى. الايدا, ءاربىر ەلدىڭ دامۋ ۇدەرىسىنە كەدەرگى كەلتىرەر, ەلدىڭ سەنىمىنە داق تۇسىرەر كەساپاتتاردىڭ ءبىرى – سىبايلاس جەمقورلىق جانە ساپاسىز كورسەتىلەتىن مەملەكەتتىك قىزمەتتەر. بۇل كۇندەردە وسى كەرە­اعار زالالمەن كۇرەستە مەملەكەت­تىك اپپاراتتىڭ تەتىكتەرى وزگەرىپ, ونىڭ تەك سالدارىمەن كۇرەسۋ ەمەس, سونداي-اق, ونىڭ الدىن الۋ جۇمىستارى بەلسەندى جۇرگىزىلىپ كەلە جاتقانى بايقالادى. اتاپ ايتقاندا, بۇعان تەك مەملەكەتتىك مەكەمەلەر عانا ەمەس, ازاماتتىق قوعام, ۇكىمەتتىك ەمەس ۇيىمدار, ءارتۇرلى قوعامدىق قوزعالىستار دا تارتىلۋدا. وسىعان وراي, مەملەكەتتىك قىز­مەت ىستەرى جانە سىبايلاس جەم­قورلىققا قارسى ءىس-قيمىل اگەنت­تىگىنىڭ اتىراۋ وبلىسى بو­يىنشا دەپارتامەنتى جانىن­داعى قوعامدىق كەڭەستىڭ دە ءرولى ارتا تۇسپەك. قوعامدىق كەڭەستىڭ ماق­ساتتارىنىڭ ءبىرى – ەل اراسىنداعى كوكەيكەستى ماسەلەلەردى تالقىلاپ, ازاماتتاردىڭ زاڭدى مۇددەسى مەن قۇقىقتارىن قورعاپ, حالىق پەن بيلىكتىڭ ءوزارا ءىس-قيمىل بويىنشا جۇمىستارىن جانداندىرۋ بولىپ تابىلادى. باسقاشا ايتقاندا, قوعامدىق كەڭەس حالىق پەن بيلىكتىڭ اراسىنداعى التىن كوپىر ىسپەتتەس. جالپى, قوعامدىق كەڭەستىڭ جۇمىسى جوعارىدا اتالعان دەپارتامەنتپەن تىعىز بايلانىستا جۇرگىزىلەدى. قوعامدىق كەڭەسكە تۇسەتىن ازاماتتاردىڭ وتىنىشتەرىن, ونىڭ ىشىندە, ۇسىنىستارى مەن شاعىمدارىن قاراۋ ماسەلەلەرى دەپارتامەنت ارقىلى جۇزەگە اسىرىلۋدا. قازىرگى ۋاقىتتا اتىراۋ قا­لاسىنداعى 2 حالىققا قىزمەت كورسەتۋ ورتالىعىندا قوعامدىق كەڭەسكە جولداناتىن ۇسىنىس-پىكىر جانە ارىز-شاعىمدارعا ارنالعان سەنىم جاشىكتەرى ورنالاستىرىلدى. اعىمداعى جىلى قوعامدىق كەڭەستىڭ كەزەكتى وتىرىسىندا مەملەكەتتىك قىزمەتتەردى كورسەتۋ ماسەلەسى بويىنشا اتىراۋ وبلىسىنىڭ بىرقاتار مەملەكەتتىك ورگاندارى, ونىڭ ىشىندە, مەم­لەكەتتىك ساۋلەت-قۇرىلىس باقى­لاۋ باسقارماسىنىڭ, اتىراۋ قالالىق تۇرعىن ءۇي-كوممۋنالدىق شارۋاشىلىعىنىڭ, ساۋلەت جانە قالا قۇرىلىسىنىڭ, سونداي-اق, ءبىلىم بولىمدەرى باسشىلارى تىڭدالىپ, ناقتى ۇسىنىستار ايتىلدى. سوناۋ 2014 جىلعى 6 تامىز­داعى رەفورمادان كەيىن جاڭا دەپارتامەنتتىڭ اشىقتىعى مەن حالىققا قولجەتىمدىلىگى, تۇرعىن­داردىڭ ەركىن تۇردە ءوز ويلارىن جەتكىزە الۋىنا سەپتىگىن تيگىزدى. جاسىراتىنى جوق, بۇرىنعى تۇسىنىك باسقا بولعاندىقتان, بۇرىنعى «قارجى پوليتسياسىن» حالىق مۇمكىندىگىنشە اينالىپ وتۋگە تىرىساتىن. ال قازىر مۇلدەم وزگەردى. دەپارتامەنت باس­شىسى مارات احمەتجانوۆتىڭ تىڭ باستامالارى مەن كرەاتيۆتى ويلارى, قوعاممەن اشىق تۇردە كەزدەسۋى – مەملەكەتتىك قىزمەتتىڭ اشىقتىعىن كورسەتە ءبىلدى. وعان كەلتىرەر دالەل دە جەتەرلىك. «ادالدىق – اردىڭ ءىسى, اۋىرلىقتى كوتەرۋ ناردىڭ ءىسى, جاقسى ىسكە جان سۇيىنەر» دەگەن ءسوز, وسى باستاماعا ارنالعانداي. «ءبىزدىڭ مىندەت – حالىققا قىزمەت» دەگەندەي, دەپارتامەنتپەن دە حالىققا كورسەتىلەتىن مەملەكەتتىك قىزمەتتەر ساپاسىن باقىلاۋ جانە بۇل سالادا سىبايلاس جەمقورلىقتىڭ الدىن الۋ باعىتىندا بەلسەندى جۇمىستار جۇرگىزىلۋدە. ماسەلەن, دەپارتا­مەنت باسشىسىنىڭ باستاماسىمەن جۋىردا ءاربىر ازاماتتىڭ تۇر­مىستىق ومىرىندە قاجەت بولاتىن پسيحونەۆرولوگيالىق جانە نار­كولوگيالىق ديسپانسەردەن ەسەپتە تۇرمايتىندىعى تۋرالى انىق­تاما الۋ بويىنشا مەملەكەتتىك قىز­مەتىنىڭ تارتىبىنە تالداۋ ءجۇر­گىزىلگەن بولاتىن. تالداۋ ءناتي­جەسىندە وسى انىقتامالاردىڭ قۇنى ەسەلى تۇردە ۇستەمەلەنگەنى جانە ديسپانسەرلەردىڭ جۇمىس كەستەسى مەملەكەتتىك قىزمەت ۇلگىسىنە سايكەس ەمەستىگى انىقتال­دى. دەپارتامەنتتىڭ ىقپالى­مەن پسيحونەۆرولوگيالىق جانە ناركولوگيالىق ديسپانسەردەن ­الىناتىن بارلىق انىقتامالار­دىڭ باعاسى ەكى ەسەگە تومەندەپ, سونداي-اق, بەكىتىلگەن كەستەگە سايكەس ازاماتتاردى تۇسكى ءۇزىلىسسىز قابىلدايتىن بولدى. بۇدان باسقا, وبلىستىق جۇ­مىسپەن قامتۋ جانە الەۋمەتتىك باعدارلامالار باسقارماسىمەن كورسەتىلەتىن جۇمىس بەرۋشىلەرگە اتىراۋ وبلىسى اۋماعىندا ەڭبەك قىزمەتىن جۇزەگە اسىرۋ ءۇشىن شەتەلدىك جۇمىس كۇشىن تارتۋعا رۇقسات بەرۋ جونىندەگى مەملەكەتتىك قىزمەتكە تالداۋ جۇرگىزىلدى. تالداۋ بارىسىندا باسقارمانىڭ جۇمىسىنداعى نورماتيۆتىك قۇقىقتىق اكتىلەر مەن ءتيىستى كوميسسيا ەرەجەسىندە سۋبەكتيۆتى شەشىم قابىلداۋعا جول بەرەتىن سىبايلاس جەمقورلىق تاۋەكەلدەرى انىقتالدى. ناتيجەسىندە دەپار­تامەنتتىڭ تالابى نەگىزىندە اتى­راۋ وبلىسى اكىمدىگىمەن سىبايلاس جەمقورلىق تاۋەكەلدىگىن جويۋ ماقساتىندا ناقتى شارالار قابىلداندى. سايىن قۋانىشەۆ, مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ اتىراۋ وبلىسى بويىنشا دەپارتامەنتىنىڭ جانىنداعى قوعامدىق كەڭەس توراعاسى.