قايىرىمدىلىقتىڭ قايىرى

جاقسىلىق اللادان قايتادى دەيدى. ال جاقسىلىق جاساساڭ كوڭىلىڭە نۇر بولىپ قۇيىلاتىنى انىق. جاقسىلىق جاساۋ – ءبىزدىڭ اتا-بابامىزدان جالعاسقان ۇلى قاسيەت. مۇنىڭ ءمانى بۇگىن دە وزگەرگەن جوق. وزگەلەرگە ۇنەمى جاقسىلىق جاساپ تۇراتىن ادامدار بار. سولاردىڭ ادامگەرشىلىگى مەن ىزگىلىگى ارقاسىندا ءومىر ءۇمىتى ۇزىلمەيدى. ارماندار ورىندالىپ, بيىك اسۋلار الىنۋدا. مۇنىڭ ناقتى كورىنىسىن استانا قالالىق بالار ءۇيىنىڭ تاربيەلەنۋشىلەرى باستان كەشىپ وتىر. ماسەلەن, جىل باسىنان بەرى استانا قالالىق ءىىد اتالعان بالالار ءۇيىن قامقورلىققا العان بولاتىن. سودان بەرى تاربيەلەنۋشىلەر پوليتسەيلەر ۇيىمداستىرعان بارلىق ءىس-شارالارعا قۋانا دا, قىزىعا دا قاتىسادى. كۇنبە-كۇن ولاردى ەلەڭدەپ كۇتەدى. سەبەبى, ەلوردالىق پوليتسەي­لەر بالالار ۇيىنە بار جاقسىلىقتى اكەلۋدە. مادەني شارالار ۇيىم­داستىرىلۋدا. وتكەندە بالالار ءىىد بولىنىستەرىنىڭ كينولوگيالىق قىزمەت ورتالىعىندا ەكسكۋرسيادا بولىپ, ودان كەيىن پوليتسەيلەر قولداۋىمەن مۇز ايدىنىندا كونكي تەپتى. قۋانىشتارىندا شەك بولمادى. ولاردىڭ كوپشىلىگى پوليتسەيلەردىڭ قالاي جۇمىس ىستەيتىنىن, قىزمەت اتقارۋ بارىسىندا قانداي قيىندىقتار جانە قاۋىپ-قاتەرلەرگە تاپ بولاتىنى تۋرالى حابارسىز ەكەن. ەندى بالالار پوليتسەيلەردىڭ ناقتى قانداي جۇمىستار اتقاراتىنىن ءبىلدى. دەپارتامەنت بولىنىستەرىن ارالاپ, تانىسقان ولاردىڭ كوپشىلىگى, ونىڭ ىشىندە قىزدار دا قۇقىق قورعاۋ ورگاندارىنىڭ جۇمىسىنا قىزىعۋشىلىق تانىتتى. وسىلايشا, ۇزدىكسىز جۇرگىزىلگەن قايىرىمدىلىق شارالارى ناۋ­رىز تويىنداعى مەرەكەلىك ءسان-سالتاناتقا ۇلاستى. ەلوردالىق ىشكى ىستەر دەپارتامەنتىنىڭ ءما­جىلىس زالىندا بالالار ءوز قام­قورشىلارى­مەن بىرگە كونتسەرت قويدى. كورەرمەندەرگە بي توپتارى, ۆوكال دۋەتتەرى ونەر كورسەتىپ, 4-سىنىپ وقۋشىسى زارينا ومارقاسوۆا جانە 3-سىنىپ وقۋشىسى كيريلل ۆيشنەۆسكي دومبىرا­مەن ءتو­گىلتە كۇمبىرلەتىپ كۇي ورىن­دا­دى. مەرەكەلىك قويىلىم قاتىسۋشىلارىنىڭ ءبىرى, بالالار ءۇيىنىڭ تۇلەگى ميلانا سەرىكوۆا كوپتەگەن ءان بايقاۋلارىنا قاتىسقان ەكەن. ەندى, مىنە, استانا قالاسى ءىىد-ءنىڭ قارجىلىق قولداۋى ارقاسىندا ميلانا كوپ ۇزاماي چەح رەسپۋبليكاسىندا وتەتىن حالىقارالىق بايقاۋعا دا قاتىساتىن بولدى. ونىڭ قۋانى­شىندا شەك جوق. ەلوردالىق پوليتسيا باسشىسى امانتاي اۋباكىروۆ الداعى ۋاقىتتا بالالارعا ارنال­عان كوپتەگەن بىرلەسكەن ءىس-شارا­لار وتەتىندىگىن جانە ولارعا ار­ناپ ەلوردالىق پوليتسەيلەر ۇيىم­­داستىراتىن ەكسكۋرسيالار مەن ءتۇرلى قىزىقتى شارالار بار ەكەندىگىن ايتتى. بۇدان كەيىن ءىىد قىزمەتكەرلەرى بالالاردى دەپارتامەنت تەرريتورياسىندا ورنالاسقان مۇراجاي مۇراعاتتارىمەن تانىستىردى. مۇراجاي زالىندا قالانىڭ ىشكى ىستەر ورگاندارىنىڭ تاريحى جايلى سىر شەرتەتىن ەكسپوناتتار, تاريحي قۇجاتتار, قارۋ-جاراقتار, وتكەن جىلدارداعى پوليتسيا قىزمەت­كەرلەرىنىڭ فورمالارى, سپورت تۇرلەرى بويىنشا رەسپۋبليكالىق جانە حالىقارالىق جارىستاردا جەڭىپ العان سپورتتىق ناگرادالار قويىلعان. بۇلاردى كورىپ, بالالار تاڭ-تاماشا قالدى. سوسىن ولار وزدەرىنە ارناپ جايىلعان مەرەكەلىك اق داستارقان باسىنا وتىردى. سول جەردە ولارعا ارنايى دايىندالعان كوپتەگەن سىيلىقتار تابىستالدى. بۇل ساتتە, نە كەرەك, استانا قالالىق بالالار ءۇيى تاربيەلەنۋشىلەرى شاتتىقتان جۇزدەرى بال-بۇل جايناپ, قۋانىشتارىن جاسىرا المادى. ءيا, بالالاردىڭ قۋانعانىنا نە جەتسىن! جالپى, 2015 جىل ەلوردالىق پوليتسەيلەر ءۇشىن «حالىق سەنىمى – پوليتسيا قۋاتى» ۇرانىمەن وتۋدە ەكەندىگىن ەسكە سالامىز. استانا قالالىق ءىىد باستىعى, پوليتسيا گەنەرال-مايورى امانتاي اۋباكىروۆتىڭ ايتۋىنشا, پوليتسيا قىزمەتكەرلەرى جىل بويى قايىرىمدىلىق شارالارىن, جاپپاي-مادەني جانە سپورتتىق ءىس-شارالاردى وتكىزە بەرمەك. ويتكەنى, شىنايى قايىرىمدىلىقتىڭ ەل ءۇشىن يگى قايىرىمى بولاتىنىن ۇمىتپاعان ءجون. الەكساندر تاسبولاتوۆ, «ەگەمەن قازاقستان».