الەمدە 5 جانۋار ادامدى ەمدەۋگە قابىلەتتى

عالىمدار ادامداردى ەمدەۋلەرى مۇمكىن حايۋاندار ءتىزىمىن ءتىزىپ, «شيپاگەر-جانۋارلار» بەستىگىن انىقتادى. زەرتتەۋشىلەردىڭ پايىمداۋىنشا, كوشتى مىسىقتار باستاسا, ونان كەيىنگى ورىندارعا يتتەر مەن جىل­قىلار, ارالار مەن جىلاندار جايعاسقان. زەرتتەۋ جۇمىستارىن جۇرگىزۋگە الەمنىڭ تۇكپىر-تۇكپىرىندەگى ەلدەردىڭ عالىمدارى قاتىسقان. ولار سوندا مىسىق تەكتەستەردىڭ نەۆروز جانە دەپرەسسيا سىرقاتتارىن, سونداي-اق, اس قورىتۋ جۇيەلەرىن ەمدەۋگە قابىلەتتى ەكەندەرىنە كوز جەتكىزگەن. تاجىريبە جاساۋشىلار وسى رەتتە مىسىقتىڭ جانىندا 20 مينۋت جاتقان ادامنىڭ قان قىسىمى مەن جۇرەك سوعىسىنىڭ قالىپقا كەلەتىنىن دالەلدەيتىن ايعاقتار كەلتىرەدى. ال زەرتتەۋشى ماماندار ءيتتى «ءتىرى سكانەر» دەپ باعالاپ وتىر. سەبەبى, توبەتتەر ءتىپتى جاڭا باستالىپ كەلە جاقتان قاتەرلى ىسىك اۋرۋلارىنىڭ ءوزىن انىقتاي الادى ەكەن. پسيحيكالىق اۋىتقۋشىلىقتارى بار كى­سىلەردىڭ جىلقىنى كوبىرەك پايدالانعاندارى ابزال. ونىڭ ۇستىنە جالاڭ مىنگەن جاندارعا وسى ءبىراز شيپا كورىنەدى. اتپەن سەرۋەندەۋ اۋتيست-بالالارعا دا پايدالى بولىپ شىقتى. جىلاننىڭ ۋى مەن ارانىڭ بالى مەديتسينادا باياعىدان كەڭىنەن قولدانىلادى. ولار كوپ جاعدايدا ۇمىتشاقتىقپەن جانە نەۆرالگيامەن اۋىراتىن ادامدارعا شيپا بەرەدى. سول سياقتى اياق-قولدارى مەن بۋىندارى سىرقىرايتىندار, جەل-قۇزدارى بارلار پايدالانادى. تالعات رايىمبەك.