ءتان تازالىعى – جان تازالىعى

وسى كۇندەرى فۋتبولدان رەسپۋبليكالىق ۇلان 0112 اسكەري ءبولىمىنىڭ چەمپيوناتى وتۋدە. وعان اسكەري بولىمشەلەر مەن ۇلت­تىق ۇلان قولباسشىسىنان باستاپ ورتالىق اپپارات قىزمەتكەرلەرى تۇگەل قاتىسۋدا. رەسپۋبليكالىق ۇلان – قازاقستان رەس­پۋب­ليكاسىنىڭ  پرەزيدەنتىنە تىكەلەي باعى­ناتىن جانە ەسەپ بەرەتىن, قاۋىپسىزدىكتى قام­تاماسىز ەتۋشى كۇشتەرگە جاتاتىن, نىسان­داردىڭ قاۋىپسىزدىگىن قامتاماسىز ەتۋ جونىندەگى كۇزەت ءىس- شارالارىن ءوز قۇزىرەتى شەگىندە جۇزەگە اسىراتىن ارناۋلى مەملەكەتتىك ورگان. ونىڭ اسكەري  قىزمەتشىلەرى قۇرىلىمنىڭ جوعارعى مارتەبەسىنە ساي بولۋعا, پرەزيدەنت – جوعارعى باس قولباسشى قويعان ماڭىزدى تاپسىرمالاردى ساپالى ورىنداۋعا مىندەتتى. ولاردىڭ بويلارىنا سىڭگەن جاۋىنگەرلىك قاسيەتتەرى مەن ەرەكشە پاتريوتتىق سەزىمى ەرەكشەلەنىپ تۇرادى. رەسپۋبليكالىق ۇلاننىڭ كومانديرلەرى ەليتارلىق قۇرىلىمنىڭ جوعارعى مارتەبەسىنە ساي بولۋ ءۇشىن بارلىق كۇش-جىگەرىن سالادى. توتەنشە جاعداي رەجىمى كەزىندە قازاقستان رەسپۋبليكاسى زاڭناماسىنا سايكەس ارەكەت ەتۋگە دەگەن جوعارى جاۋىنگەرلىك جانە شۇعىل قىزمەتتىك ازىرلىكتىڭ كەپىلى. وندا اتقىشتار, مەرگەندەر, برونەترانسپورتەر جۇرگىزۋشىلەرى مەن كوزدەۋشىلەر, زەنيتتىك قۇرىلعى توپتارى جانە باسقا دا كوپتەگەن اسكەري ماماندىق يەلەرى بار جانە ولاردىڭ كومانديرلەرى جاۋىنگەرلىك ازىرلىك سالاسىندا جان-جاقتى شىڭدالعاندار. مىنە, وسىلاردىڭ ءبارىن قۋاتتى دا كۇشتى ەتەتىن – سپورت. چەمپيوناتقا قاتىسۋشى اسكەري قىزمەتشىلەر الدىندا ءسوز سويلەگەن  ۇلتتىق ۇلان قولباسشىسى گەنەرال-لەيتەنات اباي تاسبولاتوۆ: “جان تازالىعى – اقىل-ويدىڭ كەپىلى”, دەگەن اباي اتامىزدىڭ سوزدەرىنەن باس­تاپ, جان تازالىعى بولماسا ءتان, ار تازا­لىعى دا بولمايتىندىعىن ايتا كەلە, ناعىز ۇلاندىقتار ءۇشىن سپورت ەڭ ءبىرىنشى قارۋ ەكەندىگىن, سوندىقتان دا اسكەري قىزمەت­شى­لەردىڭ  سالاماتتى ءومىر سالتىن جادىنان شىعارماي ۇنەمى شىڭدالۋ كەرەكتىگىن ايتتى. ءاسيا ورمانوۆا, ل.ن.گۋميلەۆ اتىنداعى ەۇۋ ستۋدەنتى.