ول زاڭعا ەنگىزىلەتىن جاڭا نورماعا سايكەس, پەداگوگتەر بالالاردىڭ ءومىرى مەن دەنساۋلىعىنا تەك وقۋ پروتسەسى كەزىندە جانە ءوز قىزمەتتىك مىندەتتەرى شەڭبەرىندە عانا جاۋاپتى بولاتىنىن اتاپ ءوتتى.
ءبىلىم سالاسىنداعى وزگەرىس: مۇعالىمدەر ءۇشىن اۆتورلىق باعدارلاما جازۋ تالابى جويىلادى
«العاشقىسى − جاۋاپكەرشىلىك ماسەلەسى. مەملەكەت باسشىسى تامىز كەڭەسىندە مۇعالىمدەر وقۋشىلاردىڭ قاۋىپسىزدىگىنە تەك وقۋ-تاربيە ۇدەرىسى بارىسىندا جانە ءوز لاۋازىمدىق مىندەتتەرىن ورىنداۋ كەزىندە عانا جاۋاپ بەرۋى ءتيىس ەكەنىن اتاپ ءوتىپ, بۇل نورمانى زاڭ جۇزىندە بەكىتۋدى تاپسىرعان بولاتىن. وتكەن جىلى ەلدە بىرقاتار رەزونانس تۋدىرعان جاعدايلار تىركەلگەن. جاز مەزگىلىندە, كەشكى ۋاقىتتا نەمەسە دەمالىس كۇندەرى وقۋشىلار قۇقىقبۇزۋشىلىق جاساپ نەمەسە ءتۇرلى كەلەڭسىز وقيعالارعا تاپ بولعان. مۇنداي ساتتەردە مۇعالىمدەر ولاردىڭ جانىندا بولمايدى. سوعان قاراماستان, مەكتەپ ديرەكتورلارى مەن ۇستازدار تارتىپتىك جازاعا تارتىلىپ, ءتىپتى جۇمىستان بوساتىلعان جاعدايلار دا كەزدەسكەن. ارينە, بۇل − ادىلەتسىزدىك», دەدى اسحات ايماعامبەتوۆ.
اتتەستاتسيا جۇيەسىندەگى وزگەرىستەر: تەست تاپسىرىپ ۇلگەرمەگەندەردىڭ ساناتى ساقتالا ما؟
دەپۋتات جازعى دەمالىس پەن تۇنگى ۋاقىتتا دا جاۋاپكەرشىلىك اتا-اناعا جۇكتەلەتىنىن, ەندى بۇل ماسەلەدە ەكىۇشتى تۇسىنىك بولمايتىنىن جەتكىزدى. ايتا كەتەيىك, جاڭا تۇزەتۋلەرگە سايكەس پەداگوگتەر قاعاز جانە ەلەكتروندىق ەسەپتى قاتار جۇرگىزۋ مىندەتىنەن بوساتىلادى.
