باعدارلاما كەدەيلىكپەن كۇرەسۋدىڭ جاڭا تاسىلدەرىن ويلاپ تاپقانى ءۇشىن نوبەل سىيلىعىن يەلەنگەن ديۋفلو, بانەردجي مەن كرەمەردىڭ زەرتتەۋلەرىنە نەگىزدەلگەن. افريكا, ازيا ەلدەرىندە ولار ءبىلىم بەرۋدى وقۋشىنىڭ شىنايى دەڭگەيىنە قاراي قۇرۋدىڭ ماڭىزدى ەكەنىن كورسەتتى, ال بۇل رەتتە «peer learning» فورماتىنداعى دايىندىق بارىنەن ءتيىمدى سانالادى. ونىڭ اياسىندا ۇلگەرىمى جاقسىراق وقۋشىلار اكادەميالىق دەڭگەيى تومەندەرگە كومەكتەسەدى. ماتەريالدى مۇعالىم مەن وقۋشى اراسىنداعى كەدەرگىسىز, ء«وز تىلىندە» تۇسىندىرگەن كەزدە مىقتى وقۋشىلار ساباقتى وزگەلەرگە ۇعىنىقتى ەتىپ تۇسىندىرە الادى, سونىمەن بىرگە وزدەرى دە ءبىلىمىن كۇشەيتە تۇسەدى. ناتيجەسىندە, توپتىڭ جالپى دەڭگەيى جىلدامىراق وسەدى.
«IQanat» بۇرىننان بەرى جۇرەكپەن سەزىپ كەلگەن تۇجىرىمدى ەندى زەرتتەۋلەر راستادى. بيىل وليمپيادانىڭ ءۇش تۋرىنان دا وتكەن «IQanat»-تىڭ 1000 جوعارى سىنىپ وقۋشىسى 10 000 8-سىنىپ وقۋشىسىنا تالىمگەر مەن مۇعالىم بولدى. جىل بويى ولار ساباقتى ونلاين فورماتتا بىرگە وقىسا, وليمپيادا كەزىندە جۇزبە-ءجۇز كەزدەسىپ, قاتار وتىرىپ وقۋ مۇمكىندىگىنە يە بولدى. «IQanat»-تىڭ نەگىزگى «Giving Back» («جاقسىلىقتى قايتارۋ») يدەياسىنىڭ ءمان-ماڭىزى دا وسى, مەتسەناتتار بالالارعا كومەكتەسەدى, ال ولار وسە كەلە ءوز ءبىلىمى مەن جيناعان قۇندىلىقتارىن «ۇرپاقتان-ۇرپاققا» تاراتادى. وسىلايشا, باعدارلامانىڭ تيىمدىلىگىن كەڭەيتەدى», دەيدى جوبانىڭ وبلىستىق قامقورشىسى, كاسىپكەر, «Atasu Group» حولدينگىنىڭ نەگىزىن قالاۋشى جانە يەسى مارات جۇمان.
جوعارى سىنىپ وقۋشىلارى ساباقتى بار ىقىلاسىمەن ۇيرەتەدى. ولاردىڭ ءبىرى – الماتى وبلىسىنىڭ المالىباق اۋىلىندا تۋعان 11-سىنىپ وقۋشىسى دياس ابدىلحاق. ءبىر جىلدا ول ايقاناتتىق 79 بالاعا فيزيكا بويىنشا كومەكتەسسە, ولاردىڭ 22-ءسى Iqanat مەكتەبىنىڭ گرانتىن جەڭىپ الدى.
«مەن ءۇيدىڭ ۇلكەنىمىن, سوندىقتان بىرەۋگە «اعا» بولۋ ماعان بالا كەزدەن ۇيرەنشىكتى نارسە. مەن وقۋشىلارعا ارقاشان كومەكقولىمدى سوزىپ, بىلمەگەنىن تۇسىندىرەمىن. ۋاقىت وتە كەلە بۇل وزىمە دە كۇش بەرەتىنىن سەزىندىم», دەيدى دياس.
دياس 17 جاستا, بىراق ول ناعىز مۇعالىم قانداي بولۋى كەرەكتىگىن قازىردىڭ وزىندە كورسەتە ءبىلدى. ول وليمپياداعا قاتىسقان كەزدە مەكتەپكە تۇسە الماعان ەدى, بىراق جوبادان كەتكەن جوق. وراسان زور ەڭبەگى ءۇشىن دياسقا العاش رەت جوبانىڭ تيۋتورى رەتىندە گرانت بەرۋ تۋرالى شەشىم قابىلداندى. قازىر دياس ءوزىنىڭ وقۋشىلارىمەن بىرگە «IQanat» مەكتەبىندە ءبىلىم الىپ جاتىر. گرانت ونىڭ بارلىق شىعىنىن وتەيدى. بيىلعى وليمپيادا كەزىندە ول تاعى دا ءوز وڭىرىنە كەلىپ, اۋىلداعى بالالاردى دايىنداۋعا كىرىستى. ەندى ولار ءىى تۋردىڭ ناتيجەلەرىن بىرگە كۇتىپ ءجۇر.
«IQanat» – 240+ كاسىپكەردىڭ جوباسى. ولاردىڭ قاتارىندا دۋلات تاستەكەي, نۇرجان بەكشەنوۆ, مارات جۇمان, اسقار الشىنباەۆ, نۇراسىل جارباسوۆ, ايدىن راحىمباەۆ, تيمۋر تۋرلوۆ, ەرلان يسەكەشەۆ, اسحات وماروۆ, قانات كوپباەۆ, عازيز قۇسايىن, سەرگەي
كان, سەرىك ءتولباسى, ورازحان قارسىبەكوۆ سىندى باسقا دا كاسىپكەرلەر بار. ولاردىڭ قولداۋىنىڭ ارقاسىندا «IQanat» تۇلەكتەرىنىڭ 94%-ى جوو گرانتىن جەڭىپ الىپ, قازىر الەمنىڭ 19 ەلىندە ءبىلىم الىپ جاتىر.
الماتى وبلىسى
