شاتتىق شۋاعىنداعى شاھار

تاۋەلسىز ەلىمىزدىڭ ايبارى مەن ايدىنىنا اينالعان استانا تورتكۇل دۇنيە تۇگەل تانىعان بەيبىتشىلىك پەن ىزگىلىك ورداسىنا اينالدى. مىنە, وسى ءسانى مەن سالتاناتى جاراسقان ەلوردا­­­مىزدىڭ 17 جىلدىق مەرەيلى مەرەكەسىن جالپىحالىقتىق دەڭگەي­دە تويلاۋ ءۇردىسى باستالىپ كەتتى. استانا كۇنى مەرەكەسىنە وراي قا­لامىزدى بەزەندىرۋ مەن ارلەندىرۋ شارالارى ءورىس الدى. استانا كۇنىنە وراي قالا كوشە­لەرىنە اشىق ءتۇستى گۇل اركالارى, گۇل­دى شارلار جانە باسقا دا مە­رە­كەلىك كومپوزيتسيالار كوپتەپ ورناتىلۋدا. سونىمەن قاتار, اكىمشىلىك جانە تۇرعىن ءۇي عيماراتتارىنىڭ سىرتى دا بەزەندىرىلدى. اۋدانداردا جارىق ديناميكالىق پاننولار مەن ءتۇرلى-ءتۇستى جارىقشاشقىشتار ورناتىلدى. شاعىن ارحيتەكتۋرالىق مۇسىندەر مەن پىشىندەر ساياباقتار مەن شاعىن باقتاردىڭ كوركىنە كورىك قوستى. «ەسىل» اۋدانىندا «اراي» سايا­باعىن, عاشىقتار ساياباعىن, «استانالىق تسيرك» شاعىن باعىن, «استانا وپەرا» مەملەكەتتىك وپەرا جانە بالەت تەاترى الدىنداعى باقتاردى بەزەندىرۋ جۇمىستارى اياقتالدى. «حان شاتىر» سوو-عا قارا­ما-قارسى جەر استى جولىنا جارىقتار قويىلىپ, «استانا وپەرا» تەاترىنىڭ الدىنداعى كوپىر مەن ورىنبور كوشەسىنىڭ بويى جانە «قازمۇنايگاز» جاياۋ جۇرگىنشىلەر كوپىرى اسەمدەلدى. «I Love Astana» كومپوزيتسيالارى ەسىل وزەنىنىڭ جاعالاۋىندا, استانالىق ساياباقتا جانە استانا حالىقارالىق اۋەجايى اۋماعىندا ورناتىلدى. «جان جۇرەگىم – استانا» شاعىن ارحيتەكتۋرالىق كومپوزيتسيالارى «استانا وپەرا» تەاترىنىڭ الدىندا, تۇران داڭعىلى مەن سىعا­ناق كوشەسىنىڭ قيىلىسىندا جانە «كەرۋەن» ساۋدا, ويىن-ساۋىق ورتالىعىنىڭ قاسىنا ورنالاستىرىلدى. «يا ليۋبليۋ استانۋ» كومپوزيتسيالارى سىعاناق كوشەسى مەن بەيسەكوۆا كوشەسىنىڭ قيىلىسىنا قويىلدى. سونداي-اق, استانا كۇنىنە دايىندىق شەڭبەرىندە اۋدانداردا سانيتار­لىق تازارتۋ, ب ۇلىنگەن اباتتاندىرۋ قۇرىلعىلارىن قالپىنا كەلتىرۋ, ساياباقتار مەن كوشەلەردەگى جانە ساندىك جارىقتاندىرۋلاردى تەكسەرۋ جۇمىستارى قولعا الىندى. «الماتى» اۋدانىندا 20-دان استام جارىق-ديناميكالىق پاننو ورناتىلىپ, ش.قۇدايبەردى ۇلى داڭعىلى, ابىلاي حان داڭعىلى, تاۋەلسىزدىك داڭعىلىنداعى كوپىرلەر مەن قاراوتكەل كوپىرى, باراەۆ كوشەسىندەگى كوپىر بەزەندىرىلدى. 375 پانەلدىك كورىنىستەر ءىلىندى. «سارىارقا» اۋدانىندا رەديس­سون قوناق ۇيىنەن سامال شاعىن اۋدانىنا دەيىن ەسىل جاعا­لاۋى­نىڭ ۇزىنا بويىنا اسەم بانەرلەر ءىلىندى. كونگرەسس-حوللدىڭ الدى­نا «ودۋۆانچيك» مەرەكەلىك كوم­پوزيتسيا­سى, «جاستار» سارايىنىڭ الدىندا «بەسەدكا» ينستاللياتسياسى ورناتىلدى. تەمىرجول ۆوكزالىنىڭ الدىندا, ەسەنبەرلين مەن بەيبىت­شىلىك كوشەلەرى قيىلىسىندا جانە دوڭگەلەك الاڭدا «يا ليۋبليۋ استانۋ» شاعىن ارحيتەكتۋرالىق كومپوزيتسيا­لارى كوز تارتادى. مىنە, وسىلاي اسەم بەزەندىرىلگەن ەلوردادا بيىل استانا كۇنىنە وراي 70-تەن استام مەرەكەلىك شارا, ونىڭ باسىم بولىگى اشىق الاڭداردا وتكىزىلەدى. باس قالامىزدىڭ ءتول مەرەكەسىن مەرەيلى وتكىزەيىك!