اتاقتى ستيۆەن سيگال

استاناداعى جاس ورەندەردى ايكيدوعا باۋلۋدا اتاقتى كينو اكتەرى, رەجيسسەر ستيۆەن سيگال استاناعا كەلدى. ول ەلوردا كۇنىنە وراي وتەتىن ءى حالىقارالىق جاۋىنگەرلىك ونەر فەستيۆالىنە قۇرمەتتى قوناق رەتىندە قاتىسادى. ساپار اياسىندا گولليۆۋد جۇلدىزى استانالىق جاس ورەندەرگە ايكيدو سپورتىنىڭ قىر-سىرىن ۇيرەتتى. الدىمەن ستيۆەن سيگال استانا اكىمى ادىلبەك جاقسىبەكوۆپەن كەزدەستى. شاھار باسشىسى قوناققا ەلوردامىزدىڭ تاريحى, قالا كۇنى­نىڭ جالپىحالىقتىق سيپاتقا يە بولعان مەرەكەگە جانە بارشا قا­زاقستاندىقتى ءبىر ماقسات پەن مۇددە جولىندا ۇيىستىرىپ وتىرعان رۋحاني كۇشكە اينالعانىن ايتىپ بەردى. كەزدەسۋدەن كەيىن ءا.جاق­سىبە­كوۆ قوناقتى استاناداعى وقۋشىلار سارايىنا باستاپ كەلدى. ول جەردە ستيۆەن سيگال جاۋىنگەرلىك ونەردىڭ ءادىس-تاسىلدەرى بويىنشا شەبەرلىك ساباعىن وتكىزدى. وعان 70-تەن استام جاس سپورتشى قاتىستى. قازاق ۇلاندارىنىڭ سپورتقا دەگەن قىزىعۋشىلىعىنا ريزا بولعان اكتەر: «ءسىزدىڭ ەلدە ايكيدوعا جاس بالالاردىڭ قىزىعۋشىلىق دەڭگەيى وسىنشالىقتى جوعارى دەپ ويلاماپپىن. جالپى, قازاق حالقىنىڭ جەكپە-جەك ونەرىندە وزىندىك ورنى بار ەكەنىن بىلەمىن. دەگەنمەن, ايكيدو كوپ حالىق ءۇشىن جات ەكەنى جاسىرىن ەمەس. سوعان قاراماستان, الدىما كەلگەن جەتكىنشەكتەردىڭ كوپتىگىن كورىپ قۋانىپ تۇرمىن. بالالار – ءبىزدىڭ بولاشاعىمىز. مەنىڭ قازىر ۇيرەتەتىن ادىستەرىم ولاردىڭ ومىردە دۇرىس جول تاڭ­داۋىنا سەپتىگىن تيگىزەدى. سونداي-اق, كەز كەلگەن جاعدايدا ءوز-وزدەرىن قورعاي الاتىن, ءوز كۇشىنە سەنىمدى تۇلعا بولىپ قالىپتاسۋىنا دا ايكيدونىڭ بەرەرى مول», – دەدى. سونىمەن قاتار, داڭقتى اكتەر جەتىستىككە جەتۋ ءۇشىن نە قاجەت ەكەنىن ايتىپ بەردى. «العا قويعان ماقساتقا جەتۋ ءۇشىن ءارتۇرلى جولدان وتۋگە تۋرا كەلەدى. الايدا, بۇل جولدا جال­قاۋلىق پەن سالعىرتتىققا ورىن جوق. تەك ءتارتىپ پەن تاباندىلىقتىڭ ارقاسىندا عانا كوزدەگەنىڭە قول جەتكىزۋگە بولادى. مەن سىزدەرگە بىلگەنىمدى ۇيرەتىپ, ومىردەن ءوز ورىندارىڭىزدى تابۋلارىڭىزعا سەپ بولعىم كەلەدى. ەڭ باستىسى, باتىل بولىڭىزدار. نامىس پەن رۋحتىڭ قاينار كوزى – ۇلت پەن وتاندى شىن سۇيسەڭىزدەر, ءبارى ءسىز ويلاعانداي بولادى. ەندەشە ىسكە ءسات!», – دەگەن ستيۆەن سيگال تاتاميگە شىعىپ, ايكيدو ونەرىنىڭ ادىستەرىن ۇيرەتە باستادى. جاتتىعۋ بارىسىندا سيگال شاكىرتتەرىنە وزدەرىن ەركىن ۇستاۋعا مۇمكىندىك بەردى. جەكپە-جەك كەزىن­دەگى باستى قاعيدا جونىندە ول: «كىلەمدەگى جاعدايدى ءوز باقى­لاۋىڭ­نان شىعارماۋعا تىرىسۋ كەرەك. ودان بولەك, قارسىلاستى وزىڭە تىم جاقىن جىبەرۋگە جانە ونىڭ تۋ سىرتىڭنان شابۋىلداۋىنا مۇمكىندىك بەرۋگە بولمايدى. دەگەنمەن, مۇنداي تىعىرىقتان دا شىعار جول بار. سەبەبى, كەز كەلگەن شابۋىلعا قارسى قولداناتىن قارىمتا ادىستەر بولادى», – دەپ بىرنەشەۋىن كورسەتتى. شارا سوڭىندا اكتەر قازاقستان, استانا تۋرالى پىكىرىن ءبىلدىرىپ: «ماعان استانا ۇنايدى. اسەم, سۇلۋ قالا. الداعى ۋاقىتتا مىندەتتى تۇردە قايتىپ ورالامىن», – دەدى. وسى رەتتە, بۇل ونىڭ استاناعا ەكىن­شى رەت كەلۋى ەكەنىن ايتا كە­تەيىك. بۇعان دەيىن سيگال 2011 جى­­لى ءداستۇرلى ەكشن-فيلمدەر كينو­فەستيۆالىنە كەلگەن ەدى. ايگىلى ماماننان ءدارىس ال­عان جاس ايكيدوشى دانيەل اۋباكىروۆ: «جاسى 60-تان اسقا­نىنا قاراماستان, وتە شيراق قي­مىلدايدى. بىزگە بۇرىن-سوڭدى بىلمەيتىن ادىستەردى ۇيرەتتى», – دەپ, قوناقتىڭ شەبەرلىگىنە ءتانتى بولعانىن ايتتى. بۇگىندە 63 جاسقا كەلگەن ستيۆەن سيگال 50-گە جۋىق گولليۆۋد فيل­مىنە تۇسكەن. جەتى جاسىنان بەرى ايكيدومەن اينالىساتىن ول بۇل جەكپە-جەك تۇرىنەن VII دان يەگەرى. اتالعان سپورتتىڭ قىر-سىرىن تولىق مەڭگەرۋ ءۇشىن 20 جىل جاپو­نيادا تۇرعان. ءسوز سوڭىندا استانادا وتەتىن ءى حالىقارالىق جاۋىنگەرلىك ونەر فەستيۆالىنە توقتالىپ وتەيىك. ەلوردا كۇنىنە وراي العاش رەت ۇيىمداستىرىلىپ وتىرعان شاراعا 12 جەكپە-جەك ءتۇرى بويىنشا جو­عارى دارەجەلى بەلبەۋ مەن دان يەگەرلەرى قاتىسادى. ولاردىڭ اراسىندا قازاقستاننان بولەك, اقش, قىتاي, رەسەي, چەحيا, وڭتۇستىك كورەيا جانە جاپونيادان كەلگەن شەبەرلەر بار. ەلامان قوڭىر, «ەگەمەن قازاقستان».