«قازاقستان» رترك گەننادي گولوۆكيننىڭ جاقىن ارادا وتەتىن ەكى جەكپە-جەگىن تىكەلەي ەفيردەن كورسەتۋ قۇقىعىنا يە بولدى.
قازاقستاندىق كاسىپقوي بوكسشىنىڭ امەريكالىق كىشى ۆيللي مونرومەن كەزدەسۋىن «قازاقستان» تەلەارناسى تىكەلەي ەفيردەن مامىر ايىنىڭ ورتاسىندا كورسەتەدى. 17 مامىر كۇنى تاڭەرتەڭ اتالعان تەلەارنا بيىلعى جىلعى باستى بوكس ايقاستارىنىڭ ءبىرى – ورتا سالماقتاعى WBA جانە IBO تۇجىرىمى بويىنشا الەم چەمپيونى گەننادي گولوۆكين مەن ورتا سالماقتا «Boxcino-2014» تۋرنيرىنىڭ جەڭىمپازى 28 جاستاعى كىشى ۆيللي مونرومەن جەكپە-جەگىن لوس-اندجەلەس قالاسىنان تىكەلەي ەفيردە ۇسىنادى. 17 مىڭ ادام سياتىن لوس-اندجەلەستىڭ (اقش) جاڭارتىلعان «The Forum» ارەناسىنان ۇلكەن بوكس كەشى 17 مامىردا ساعات 07.00-دە «قازاقستان» تەلەارناسىنان كورسەتىلەدى. ال گولوۆكين مەن كىشى مونرونىڭ كەزدەسۋىن شامامەن تاڭعى 09.00-دە تاماشالاۋعا بولادى. ەسكەرتە كەتەتىن نارسە, تىكەلەي ەفيردەن بەرىلگەن جەكپە-جەكتى جىبەرىپ العان جانكۇيەرلەر ترانسلياتسيالاردىڭ قايتالاۋىن 17 مامىر كۇنى كۇندىزگى جانە 18 مامىر كۇنى كەشكى ۋاقىتتا «كazsport» تەلەارناسىنان كورە الادى. گ.گولوۆكين – قاراعاندى قالاسىنىڭ تۋماسى, قازاقستاندىق بوكسشى, 2003 جىلى اۋەسقويشىلار اراسىندا الەم چەمپيونى جانە 2004 جىلى وليمپيادا ويىندارىنىڭ كۇمىس جۇلدەگەرى. قازاقستان رەسپۋبليكاسىنىڭ ەڭبەك سىڭىرگەن سپورت شەبەرى, ەلىمىزدىڭ 7 دۇركىن چەمپيونى, حالىقارالىق تۋرنيرلەردىڭ جەڭىمپازى. 2013 جىلى 24 ساۋىردە قازاقستان حالقى اسسامبلەياسىنىڭ XX سەسسياسىندا بوكسشى ءوزىنىڭ شىعۋ تەگى تۋرالى: «ۇلتىم تۋرالى سۇراعان كەزدە, مەن بىلاي دەپ جاۋاپ بەرەمىن: اكەم – ورىس, شەشەم – كارىس, ال مەن – قازاقپىن! مەنىڭ بارلىق جەڭىسىم ەلىمە ارنالادى, مەنىڭ حالقىما, پرەزيدەنتىمە ارنالادى!» دەگەن بولاتىن. گولوۆكيننىڭ ەكىنشى جەكپە-جەگى, بولجام بويىنشا, قىركۇيەك ايىنا جوسپارلانىپ وتىر. ناقتى كۇنى, وتكىزىلەتىن ورنى مەن قارسىلاسىنىڭ ەسىمى ءالى بەلگىسىز.
داستان كەنجالين, «ەگەمەن قازاقستان».
