جاراپازان ورازا ايىندا ورىندالاتىن جىر. قازىر ۇلتتىق ءداستۇرىمىز بولىپ كەتتى. وندا ادامدى جومارتتىققا, ادامگەرشىلىككە, ىزگىلىككە ۇندەيتىن اسەرلى شۋماقتار بار. بۇل بايقاۋ ءارى قاسيەتتى رامازان ايىنىڭ ادامدارعا بەرەر مول پايداسىن ءبىلدىرۋ ماقساتىندا قولعا الىندى. ورازا ۇستاعان ادام ەڭ باستىسى رۋحاني كەمەلدەنىپ, ىشتەي قايتا تۇلەپ جاڭارادى. ۇيىمداستىرۋشىلار سول ورازا ايىنىڭ باستى نىشانى جاراپازاننىڭ قازاق داستۇرىندە الار ورنى ەرەكشە ەكەنىن ايتادى.
قالالىق ادەت-عۇرىپ جانە سالت-ءداستۇر ورتالىعىنىڭ شىعارماشىلىق جونىندەگى ورىنباسارى رايحان التىباەۆانىڭ مالىمدەۋىنشە كونكۋرس قالا اكىمدىگىنىڭ قولداۋىمەن ءاز ناۋرىز مەرەكەسىنىڭ ونكۇندىگى اياسىندا ۇيىمداستىرىلدى. بايقاۋعا قازاقستاننىڭ ءار وڭىرىنەن 11 توپ كەلىپ قاتىستى. وسىناۋ كونكۋرس اياسىندا شىعارماشىلىق وداقتارمەن كەزدەسۋلەر, قولونەر شەبەرلەرىنىڭ كورمەسى, قول كۇرەس, بەستاس, ارقان تارتۋ سەكىلدى قازاقتىڭ ءداستۇرلى ويىندارى جانە باسقا دا قىزىقتى ءىس-شارالار وتكىزىلدى.
قازاقستاننىڭ مادەنيەت سالاسىنىڭ ۇزدىگى, جىرشى-تەرمەشى, قازىلار القاسىنىڭ توراعاسى ابىلاي ءبورىحانوۆتىڭ ايتۋىنشا بارلىق كوماندا وتە جوعارى دايىندىقپەن كەلگەن. جاراپازان جىرى قۇرىلىمى جاعىنان كۇردەلى ونەر تۇرىنە جاتادى دەيدى تەرمەشى. ونىڭ پىكىرىنشە جىردى قاي ماقامعا سالىپ ايتسا دا بولا بەرەدى. ءار ءوڭىردىڭ ەرەكشەلىگىنە قاراي تۇرلىشە كەلەدى. دەي تۇرعانمەن, بايقاۋدا قاتىسۋشىلاردىڭ ونەرى جاراپازان شۋماقتارىنىڭ ىشكى مازمۇن, ءمان-ماعىناسىمەن بىرگە ماقام-سازىنا قاراي دا باعالاندى. سەبەبى جىردىڭ ماقامى اۋەزدى, ادامدى وزىنە باۋراپ الاتىنداي بولۋ كەرەك.
ءار ءوڭىردىڭ وزىنە ءتان مازمۇنى مەن ماقام-سازدارى بولەك جىرلاردى ءبىر ارناعا توعىستىرىپ, قالىڭ كوپشىلىككە تانىستىرۋ ماقساتى كوزدەلدى. ونەر ۇجىمدارى قازاقتىڭ سالت-ءداستۇرى بويىنشا ۆيكتورينالىق سۇراقتارعا جاۋاپ بەرىپ, ءوزارا جارىستى.
باستاپقىدا جاسى ۇلكەن كىسىلەر قۇرداستارىن سارەسىنە وياتۋ ماقساتىندا نەمەرەلەرىن سول ۇيگە جۇگىرتىپ جىبەرەتىن بولعان. بالالاردىڭ اۋەزدى جىرلارىنا ەرەكشە سۇيسىنگەن ءۇي يەلەرى, ەرتەسىنە تاعى كەلسىن دەگەن نيەتپەن قولدارىنا تاتتىلەر ۇستاتقان.
«جاراپازان ارابتىڭ ء«جاا رامازان» دەگەن سوزىنەن شىققان. ءدىن مەن ءداستۇردى قاتار ناسيحاتتاۋدا قالا اكىمدىگى قازاقستان مۇسىلماندارى ءدىني باسقارماسىمەن تىعىز بايلانىستا جۇمىس جۇرگىزىپ كەلەدى. جاراپازان ورازا ۇستاۋ, كەڭ پەيىلدى جومارت بولۋ سەكىلدى ءدىني قۇندىلىقتار مەن ادامگەرشىلىك قاسيەتتەردى تەرەڭ جىرلايدى. سونىمەن قاتار ەلدى ىنتىماق پەن اۋىزبىرشىلىككە ۇندەيدى» دەيدى شىمكەنت قالاسى باس يمامىنىڭ ورىنباسارى احمەتجان كەرىمبەك.
شىمكەنت
