الماتىدا باتىرحان شوكەنوۆتى ەسكە الۋ كەشى وتەدى

استانا. 13 مامىر. الماتى قالاسىنداعى رەسپۋبليكا سارايىنىڭ الدىندا باتىرحان شوكەنوۆتى ەسكە الۋ كەشى وتەدى. بۇل تۋرالى قالالىق مادەنيەت باسقارماسىنا سىلتەمە جاساپ, tengrinews.kz حابارلادى. قازاقستاننىڭ ەڭبەك سىڭىرگەن قايراتكەرى, ءانشى, مۋزىكانت ءارى كومپوزيتور باتىرحان شوكەنوۆتىڭ قۇرمەتىنە ارنالعان كەش 18 مامىر – ونەر جۇلدىزىنىڭ تۋعان كۇنى ساعات 20:00-دە باستالادى. العاش بولىپ ساحناعا قازاقستاندىق Chick Flick توبى شىعادى دەپ جوسپارلانۋدا. توپ مۋزىكانتتىڭ بىرنەشە شىعارمالارىن ورىنداعاننان كەيىن رەسپۋبليكا سارايىنىڭ الدىندا «باتىر: Live» فيلم-كونتسەرتى كورسەتىلمەك. بۇل فيلمگە ءانشىنىڭ ساحناداعى ساتتەرى, دوستارى مەن جاقىندارىنىڭ قىسقا سۇحباتتارى, ساحنا سىرتىنداعى تۇسىرىلىمدەر, سونداي-اق, ءوزىنىڭ پىكىرلەرى ەنگەن. «بۇل كۇنى اباي داڭعىلىنا كەلەتىن حالىقتان جەكە اۆتوكولىكتەرىن تاستاپ, كەش وتەتىن جەرگە قوعامدىق, مۋنيتسيپالدىق كولىكتەرمەن كەلۋلەرىن ءوتىنىپ سۇرايمىز. جۇرتقا قولايلى بولۋى ءۇشىن «ارمان» كينوتەاترىنىڭ جانىندا ايالداما, رەسپۋبليكا سارايىندا جەراستى تۇراعى جۇمىس ىستەيدى», – دەپ حابارلايدى قالالىق مادەنيەت باسقارامىسى. سول كۇنى ءانشىنى ەسكە الۋ كەشتەرى ماسكەۋ قالاسى مەن قىتايدا دا وتەتىنىن ايتا كەتەيىك. باتىرحان شوكەنوۆ 29 ساۋىردە 53 جاسىنا قاراعان شاعىندا جۇرەك تالماسىنان قايتىس بولدى. ەلامان قوڭىر. دەرەك, سۋرەت: tengrinews.kz.