سەمەي قالاسىنداعى قاراعايلى شاعىن اۋدانىندا ورنالاسقان رەسپۋبليكا الاڭىندا وتكەن «سەمەي كوكتەمى» فەستيۆالى – وسى اۋقىمدى باستامانىڭ العاشقى لەگى ەدى. 14 ناۋرىزدان باستالعان ءىس-شارادا الاڭعا ساحنا قۇرىلىپ, كيىز ۇيلەر تىگىلدى. تەاترلاندىرىلعان كورىنىستە كورىسۋ ءداستۇرى, الاستاۋ عۇرپى قازاق دۇنيەتانىمىنىڭ تەرەڭ قاباتى رەتىندە كورىنىس بەردى.
مادەني كۇندەردىڭ اشىلۋىنا ارنايى قاتىسقان وبلىس اكىمى بەرىك ءۋالي «سەمەيدىڭ مادەني ماۋسىمدارى» جوباسىنىڭ ءمانىن تارقاتىپ, ونىڭ جىل بويى جالعاساتىنىن جەتكىزدى.
«بۇل باستاما ءتورت مەزگىلگە نەگىزدەلگەن. «سەمەي كوكتەمى», «سەمەي جازى», «سەمەي كۇزى», «سەمەي قىسى» ارقىلى مادەني ءومىر ۇزدىكسىز جالعاسادى. ابايدىڭ ءتورت مەزگىل تۋرالى جىرلارىمەن ۇندەسەتىن بۇل جوبا – رۋحاني ساباقتاستىقتىڭ بەلگىسى», دەدى ءوڭىر باسشىسى.
راسىندا, مۇندا رامىزدىك استار بار. اباي ءتورت مەزگىلدى جىرلاۋ ارقىلى قازاقتىڭ ۋاقىتپەن بايلانىسىن, تابيعاتپەن ۇندەستىگىن كورسەتسە, بۇگىنگى جوبا سول ىرعاقتى قوعامدىق ومىرگە كوشىرۋگە تالپىنىپ وتىر.
ناۋرىزناما ونكۇندىگى دە مازمۇن جاعىنان بايىتىلعان. ءار كۇننىڭ ءوز اتاۋى مەن يدەياسى بار. ماسەلەن, كورىسۋ كۇنىنەن باستالعان مەرەكە قايىرىمدىلىق كۇنى, مادەنيەت كۇنى, شاڭىراق كۇنى, ۇلتتىق كيىم كۇنى, ۇلتتىق سپورت كۇنى سياقتى تاقىرىپتىق باعىتتارمەن جالعاسادى. سوڭعى كۇنى «تازارۋ كۇنى» رەتىندە ەكولوگيالىق اكتسيامەن قورىتىندىلانادى.
«باعدارلامالار كونتسەرتپەن عانا شەكتەلمەيدى. تەاتر قويىلىمدارى, مۋزەيلىك ەكسكۋرسيالار, قايىرىمدىلىق اكتسيالارى, ايتىس, ۇلتتىق سپورت جارىستارى – بارلىعى ءبىر جۇيەگە بىرىكتىرىلگەن. ماقسات – ۇلتتىق قۇندىلىقتاردى كۇندەلىكتى ومىرگە قايتا ەنگىزۋ», دەدى اباي وبلىسى مادەنيەت, تىلدەردى دامىتۋ جانە ارحيۆ ءىسى باسقارماسىنىڭ باسشىسى جانجىگىت ومارحان.
سەمەي
