«ەلدىڭ بولاشاعى ءۇشىن ءار ازامات رەفەرەندۋمدا ءوز داۋىسىن بەرۋگە مىندەتتى. بۇگىنگىدەي ەل ەڭسەسىن تىكتەگەن شاقتا اۋىزبىرلىگىمىز مىقتى بولۋى ءتيىس», دەيدى قاريا.
سونداي-اق, سوعىس ارداگەرى رەفەرەندۋمعا كەلۋشىلەرگە, كوميسسيا مۇشەلەرى مەن بايقاۋشىلارعا بۇگىنگىدەي ماڭىزدى ساياسي ناۋقاننىڭ ءساتتى وتۋىنە تىلەكتەستىگىن ءبىلدىرىپ, اق باتاسىن بەردى. جالپى, سايرامدىقتاردىڭ رەفەرەندۋمعا دەگەن بەلسەندىلىگى جوعارى دەڭگەيدە بايقالىپ وتىر.
مايدانگەر اقساقال 1926 جىلعى 10 قاراشادا وڭتۇستىك قازاقستان وبلىسىنىڭ سايرام اۋدانىنداعى قارابۇلاق اۋىلىندا دۇنيەگە كەلگەن. اسكەرگە شاقىرىلعانعا دەيىن «جۇمىسشى» ۇجىمشارىندا ەڭبەك ەتكەن. 1944 جىلى 5 مامىردا سايرام اۋداندىق اسكەري كوميسسارياتىنان اسكەرگە شاقىرىلىپ, 64-ءشى اتقىشتار پولكىندە قىزمەت اتقارعان. قاتارداعى جاۋىنگەر رەتىندە پولشانى ازات ەتۋ جولىنداعى شايقاستارعا, گەرمانياداعى ۇرىستارعا قاتىسقان. ەلگە 1949 جىلعى 10 ساۋىردە ورالعان. ءىى دارەجەلى «وتان سوعىسى» وردەنىمەن, «گەرمانيانى جەڭگەنى ءۇشىن» مەدالىمەن جانە مەرەيتويلىق سەگىز مەدالمەن ماراپاتتالعان. اسكەردەن كەلگەننەن كەيىن زەينەتكەرلىككە شىققانعا دەيىن ءا. ناۋاي اتىنداعى ۇجىمشاردا جۇرگىزۋشى بولىپ ەڭبەك ەتتى. قارابۇلاق اۋىلىندا تۇراتىن قاريانىڭ 9 بالاسى, 28 نەمەرەسى, 5 شوبەرەسى بار.
ايتا كەتەيىك, وبلىس بويىنشا بارلىعى 947 رەفەرەندۋم ۋچاسكەسى ءوز جۇمىسىن باستادى. وڭىردە 1 187 257 ازاماتتىڭ داۋىس بەرۋ قۇقىعى بار. بۇل وبلىس حالقىنىڭ 55,4 پايىزىن قۇرايدى.
