فوتو: اشىق دەرەككوز
قالالىق سوتتىڭ ءباسپاسوز قىزمەتىنىڭ حابارلاۋىنشا, ءىس ماتەريالدارىنا سايكەس, تالاپ قويۋشىعا جالپى اۋماعى 0,1900 گەكتار جەر ۋچاسكەسى تيەسىلى بولعان. شىمكەنت قالاسى اكىمدىگىنىڭ قاۋلىسى نەگىزىندە اتالعان جەر مەملەكەت مۇقتاجى ءۇشىن وتەماقى تولەۋ ارقىلى الىنۋى ءتيىس دەپ بەلگىلەنگەن. الايدا جەرگىلىكتى اتقارۋشى ورگان ۋچاسكەنىڭ قۇنىن 46 ملن تەڭگە دەپ باعالاعان. جەر يەسى بۇل باعامەن كەلىسپەگەن.
رەيسكە كىرگىزبەگەن: Air Astana جولاۋشىعا 500 مىڭ تەڭگە وتەماقى تولەۋگە مىندەتتەلدى
كەيىن اكىمدىك جەردى مەملەكەت مۇقتاجى ءۇشىن ساتىپ الىپ, ماجبۇرلەپ يەلىكتەن شىعارۋ تۋرالى تالاپپەن سوتقا جۇگىنگەنىمەن, تالاپ-ارىزىن كەرى قايتارىپ العان.
سوعان قاراماستان, اكىمدىك قاۋلىسى نەگىزىندە جەر ۋچاسكەسى الىنىپ, ونىڭ ورنىنا اۆتوموبيل جولى سالىنعان, الايدا جەر يەسىنە وتەماقى تولەنبەگەن.
سوت بارىسىندا جۇرگىزىلگەن قۇرىلىس-تاۋارتانۋ ساراپتاماسىنىڭ قورىتىندىسىنا سايكەس, اتالعان جەر ۋچاسكەسىنىڭ نارىقتىق قۇنى 83 ملن تەڭگەدەن اساتىنى انىقتالعان.
قاراشىعاناق داۋى: قازاقستان 4 ملرد دوللارعا دەيىن وتەماقى ءوندىرۋى مۇمكىن
ناتيجەسىندە سوت تالاپتى قاناعاتتاندىرىپ, شىمكەنت قالاسىنىڭ جەر قاتىناستارى باسقارماسىنا تالاپ قويۋشىعا 83 419 500 تەڭگە كولەمىندە وتەماقى تولەۋدى مىندەتتەدى.
ايتا كەتەيىك, سوت شەشىمى اپەللياتسيالىق ساتىدا دا قارالىپ, زاڭدى كۇشىنە ەنگەن.
