اقتاۋدا ءبىر سىنىپتا 15 ۇلتتىڭ وكىلى وقيدى

اقتاۋ. 13 مامىر. ماڭعىستاۋ وبلىسىنىڭ ورتالىعى – اقتاۋدا ءبىر سىنىپتا 15 ۇلتتىڭ وكىلى ءبىلىم الىپ ءجۇر. بۇل تۋرالى 24.kz تەلەارناسىنا سىلتەمە جاساپ, egemen.kz ءتىلشىسى حابارلادى. اقتاۋداعى ناسىپقالي ماراباەۆ اتىنداعى مەكتەپتىڭ ءبىرىنشى سىنىبىندا قازاق, كورەي, ارميان, ينگۋش, تاتار, ورىس سياقتى 15 ۇلتتىڭ وكىلى ءبىلىم الۋدا. ولار قازاقستان حالقى اسسامبلەياسى جىلىنا وراي اپتا سايىن «دوستىق» ساباعىن وتكىزۋدى قولعا الدى. ءار وقۋشى ءوز ۇلتىنىڭ كيىمىن كيىپ, انا تىلىندە ونەر كورسەتەدى. بىرلىك كۇنىنە وراي وتكەن تاربيە ساعاتىندا 15 ۇلتتىڭ ءانى شىرقالدى. ازەربايجان قىزى نازيليا ءوز تىلىندە دوستىق تۋرالى ولەڭ وقىسا, اسقار مەن ابدۋاليم نوگاەۆتار لەزگين ءبيىن بيلەدى. بيىل ءوز ۇلتىنىڭ ونەرى مەن سالت-ءداستۇرىن مەڭگەرگەن كوپۇلتتى سىنىپتىڭ وقۋشىلارى كەلەر جىلدان باستاپ وزگە حالىقتاردىڭ دا مادەنيەتىن زەرتتەۋگە كىرىسپەك. باسقا تىلدە ءان ايتىپ, ءتۇرلى ۇلتتىڭ تاعامىن ازىرلەۋدى ۇيرەنۋدى جوسپارلاپ وتىر. گۇلايىم شىنتەمىرقىزى. سۋرەت, دەرەك: egemen.kz.