فوتو: ۆيتالي نەۆار/ريا نوۆوستي
ونىڭ ايتۋىنشا, اقش اسكەرى مەن ءيزرايلدىڭ يرانعا جانە ونىڭ ينفراقۇرىلىمىنا قارسى ارەكەتتەرى جالعاسىپ جاتقان جاعدايدا, يران ايماقتان مۇناي ەكسپورتتاۋعا ۋاقىتشا شەكتەۋ ەنگىزگەن.
«يران قارۋلى كۇشتەرى ايماقتان جاۋلار مەن ولاردىڭ سەرىكتەستەرىنە ءبىر ليتر دە مۇناي شىعارۋعا جول بەرمەيدى», دەدى ساردار نايني يراندىق Tasnim اگەنتتىگىنە بەرگەن سۇحباتىندا.
ول سونداي-اق يراندىق زىمىراندار مەن درونداردىڭ قاۋپىنە بايلانىستى امەريكالىق اسكەري كەمەلەر مەن ۇشاقتار يراننان 1000 شاقىرىمنان استام قاشىقتىقتا جۇرگەنىن ايتتى. ونىڭ سوزىنشە, وڭىردەگى امەريكالىق جانە يزرايلدىك اسكەري كۇشتەر قاۋىپسىزدىك ماقساتىندا قالالار مەن قوناقۇيلەردە جاسىرىنۋعا ءماجبۇر.
يزرايل اسكەرى تەگەراندا يران اۋە كۇشتەرىنىڭ شتابىنا سوققى جاسادى
يرسك وكىلى يران قارۋلى كۇشتەرى قاقتىعىستىڭ قاشان اياقتالاتىنىن وزدەرى ايقىندايتىنىن جانە قاجەت بولعان جاعدايدا ورمۋز بۇعازىندا اقش-تىڭ Gerald R. Ford اۆيانوسەتسىن قارسى الۋعا دايىن ەكەنىن جەتكىزدى.
ەسكە سالايىق, بۇعان دەيىن اقش پرەزيدەنتى دونالد ترامپ يرانمەن قاقتىعىس جاقىن ارادا اياقتالۋى مۇمكىن ەكەنىن مالىمدەگەن ەدى.
«مەنىڭ ويىمشا, سوعىس ءىس جۇزىندە اياقتالدى. ولاردا فلوت تا, بايلانىس جۇيەسى دە, اۋە كۇشتەرى دە جوق», دەدى ترامپ.
سونىمەن قاتار ول ۆاشينگتوننىڭ ارەكەتتەرى باستاپقى بولجامنان الدەقايدا جىلدام ناتيجە بەرگەنىن, ويتكەنى ساراپشىلار سوعىس 4-5 اپتاعا سوزىلادى دەپ كۇتكەنىن ايتتى. دەگەنمەن, اقش پرەزيدەنتى يراندى تولىق جەڭۋ تۋرالى ايتۋعا ءالى ەرتە ەكەنىن اتاپ ءوتتى.
اقش يرانداعى مەكتەپكە جاسالعان سوققىعا قاتىسى بار ەكەنىن مويىندادى
