سينوپتيكتەردىڭ مالىمەتىنشە, ەلدىڭ باسىم بولىگىندە قار, بوران, تۇمان, كوكتايعاق جانە ەكپىندى جەل كۇتىلەدى. كەي جەرلەردە جەلدىڭ ەكپىنى 23-30 م/س-قا دەيىن جەتۋى مۇمكىن. سونىمەن قاتار بىرقاتار وبلىستا اۋا تەمپەراتۋراسى كۇرت تومەندەيدى.
استانادا 10 ناۋرىزدا مەزگىل-مەزگىل قار جاۋىپ, بوران سوعىپ, تۇمان ءتۇسۋى ىقتيمال. سولتۇستىك-باتىستان سوعاتىن جەلدىڭ جىلدامدىعى 15-20 م/س, كۇندىز ەكپىنى 23 م/س-قا دەيىن جەتەدى.
اقمولا وبلىسىندا قار مەن بوران كۇتىلەدى. تۇندە وبلىستىڭ باتىسىندا, كۇندىز وڭتۇستىك-شىعىسىندا قاتتى قار جاۋادى. كەي وڭىرلەردە تۇمان بولادى. جەلدىڭ ەكپىنى 23-28 م/س-قا دەيىن كۇشەيەدى. سونداي-اق 10 ناۋرىزعا قاراعان ءتۇنى اۋا تەمپەراتۋراسى 15-20 گرادۋسقا دەيىن تومەندەپ, كەي جەرلەردە 25-30 گرادۋس اياز بولادى. 11 ناۋرىزعا قاراعان ءتۇنى سۋىق ودان ءارى كۇشەيىپ, 30 گرادۋسقا دەيىن اياز كۇتىلەدى.
جەتىسۋ وبلىسىندا باتىس, ورتالىق جانە تاۋلى اۋدانداردا تۇمان مەن كوكتايعاق بولادى. جەلدىڭ جىلدامدىعى كەي جەرلەردە 15-20 م/س, الاكول كولدەرى ماڭىندا 23-28 م/س-قا دەيىن كۇشەيەدى.
تۇركىستان وبلىسىنىڭ وڭتۇستىگى مەن تاۋلى اۋداندارىندا قاتتى جاۋىن-شاشىن (جاڭبىر, قار) كۇتىلەدى. كەي جەرلەردە كوكتايعاق, جاياۋ بۇرقاسىن جانە تۇمان بولادى. جەلدىڭ ەكپىنى 23-28 م/س-قا دەيىن جەتەدى.
الماتى وبلىسىندا وڭتۇستىك-باتىستان سوعاتىن جەل سولتۇستىك-باتىسقا اۋىسىپ, كەي اۋدانداردا 23-28 م/س, ال كۇندىز وڭتۇستىك پەن شىعىسىندا 30 م/س-تەن اسادى. تاۋلى جانە وڭتۇستىك وڭىرلەردە قاتتى جاۋىن-شاشىن كۇتىلەدى. وبلىستىڭ بىرقاتار بولىگىندە كوكتايعاق پەن تۇمان بولادى.
پاۆلودار وبلىسىندا قار جاۋىپ, جاياۋ بۇرقاسىن سوعادى, وبلىستىڭ سولتۇستىگىندە قاتتى قار كۇتىلەدى. جەلدىڭ ەكپىنى 23-28 م/س-قا دەيىن جەتەدى. سونىمەن قاتار اۋا تەمپەراتۋراسى كۇرت تومەندەپ, تۇندە 15-20 گرادۋس اياز, 11 ناۋرىزعا قاراعان ءتۇنى 25-30 گرادۋسقا دەيىن اياز بولادى.
اباي وبلىسىندا جاڭبىر مەن قار ارالاس جاۋىن-شاشىن ءتۇسىپ, كوكتايعاق بولادى. كەي اۋدانداردا بوران مەن تۇمان كۇتىلەدى.
قوستاناي وبلىسىندا تۇندە جانە تاڭەرتەڭ قار جاۋىپ, بوران سوعادى. كەي وڭىرلەردە تۇمان تۇسەدى. جەلدىڭ ەكپىنى 23 م/س-قا دەيىن جەتەدى.
قاراعاندى وبلىسىندا قار, جاياۋ بۇرقاسىن جانە كوكتايعاق كۇتىلەدى. كۇندىز بوران سوعىپ, جەلدىڭ جىلدامدىعى 23-28 م/س-قا دەيىن كۇشەيۋى مۇمكىن.
ۇلىتاۋ وبلىسىندا تۇندە قار مەن جاياۋ بۇرقاسىن بولادى. كۇندىز كەي اۋدانداردا قار, بوران جانە كوكتايعاق كۇتىلەدى. جەلدىڭ ەكپىنى 23-28 م/س-قا دەيىن جەتەدى.
اتىراۋ وبلىسىندا سولتۇستىك-باتىستان سوعاتىن جەلدىڭ جىلدامدىعى 15-20 م/س بولادى. سونداي-اق 10 ناۋرىزعا قاراعان ءتۇنى اۋا تەمپەراتۋراسى 15-20 گرادۋسقا دەيىن تومەندەپ, كەي جەرلەردە 23 گرادۋس اياز بولۋى ىقتيمال.
ماڭعىستاۋ وبلىسىنىڭ سولتۇستىك-شىعىسى مەن ورتالىعىندا كوكتايعاق پەن تۇمان كۇتىلەدى.
باتىس قازاقستان وبلىسىندا كۇندىز قار جاۋىپ, جاياۋ بۇرقاسىن سوعادى. جەلدىڭ ەكپىنى 15-20 م/س بولادى.
سولتۇستىك قازاقستان وبلىسىندا تۇندە قار جاۋىپ, جاياۋ بۇرقاسىن كۇتىلەدى. كەي وڭىرلەردە تۇمان بولادى. سونىمەن قاتار اۋا تەمپەراتۋراسى 25-30 گرادۋسقا دەيىن تومەندەپ, كەي اۋدانداردا 33 گرادۋس ايازعا دەيىن جەتۋى مۇمكىن.
اقتوبە وبلىسىندا تۇندە قار مەن جاياۋ بۇرقاسىن بولىپ, كەي جەرلەردە قاتتى قار جاۋادى. جەلدىڭ ەكپىنى 23 م/س-قا دەيىن جەتەدى. تۇندە 23-28 گرادۋس اياز, سولتۇستىگىندە 31 گرادۋسقا دەيىن سۋىق بولۋى مۇمكىن.
قىزىلوردا وبلىسىندا تۇندە جانە تاڭەرتەڭ قار, بوران جانە كوكتايعاق كۇتىلەدى. جەلدىڭ ەكپىنى 25 م/س-قا دەيىن جەتەدى. سونىمەن بىرگە اۋا تەمپەراتۋراسى كۇرت تومەندەپ, تۇندە كەي جەرلەردە 16-21 گرادۋس اياز, ال 11 ناۋرىزعا قاراعان ءتۇنى 23 گرادۋسقا دەيىن اياز بولۋى مۇمكىن.
شىعىس قازاقستان وبلىسىندا جاڭبىر مەن قار جاۋىپ, كوكتايعاق بولادى. كەي اۋدانداردا بوران مەن تۇمان كۇتىلەدى.
ال جامبىل وبلىسىنىڭ وڭتۇستىگى مەن تاۋلى اۋداندارىندا قاتتى جاۋىن-شاشىن (جاڭبىر, قار) بولجانىپ وتىر. تاۋلى جەرلەردە جاياۋ بۇرقاسىن سوعىپ, تۇمان مەن كوكتايعاق بولۋى ىقتيمال.
