ەلىمىزدە 8 ناۋرىز – حالىقارالىق ايەلدەر كۇنى مەن ناۋرىز مەيرامى مەملەكەتتىك مەرەكە بولىپ سانالادى. «قازاقستان رەسپۋبليكاسىنداعى مەرەكەلەر تۋرالى زاڭ» تالاپتارىنا سايكەس, مەملەكەتتىك مەرەكە كۇندەرى دەمالىس بولىپ ەسەپتەلەدى.
2026 جىلى 8 ناۋرىز جەكسەنبىگە سايكەس كەلگەندىكتەن, بۇل دەمالىس كۇنى 9 ناۋرىزعا اۋىستىرىلادى.
ناۋرىز مەيرامى 21-23 ناۋرىز ارالىعىندا تويلانادى. 21 جانە 22 ناۋرىز دەمالىس كۇندەرىنە (سەنبى – جەكسەنبى) سايكەس كەلگەندىكتەن, قوسىمشا دەمالىس كۇندەرى كەيىنگى جۇمىس كۇندەرىنە اۋىسىپ, قازاقستاندىقتار 21-25 ناۋرىز ارالىعىندا ۇزاق دەمالىسقا شىعادى.
بەسكۇندىك جۇمىس اپتاسىندا ناۋرىز ايىندا 13 دەمالىس جانە 18 جۇمىس كۇنى بولسا, ال التىكۇندىك جۇمىس اپتاسىندا 9 دەمالىس جانە 22 جۇمىس كۇنى بولادى.
ايتا كەتۋ كەرەك, ناۋرىز ايىندا باسقا دا كاسىبي مەرەكەلەر بار. جۇمىس كۇندەرىنە قاراماستان, بۇل مەرەكەلەر ءتيىستى سالا ماماندارىنا قۇتتىقتاۋ ءبىلدىرۋ ارقىلى اتاپ وتىلەدى.
كاسىبي مەرەكەلەر ءتىزىمى قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ مينيسترلىگى بەكىتكەن №480 بۇيرىقتىڭ (17.11.2023 ج.) رەداكتسياسىنا سايكەس جاريالانادى.
