فوتو: اشىق دەرەككوز
اتالعان وبلىس پروكۋراتۋراسىنىڭ مالىمەتىنشە, ءىستى سەمەي قالاسىنىڭ قىلمىستىق ىستەر جونىندەگى اۋدانارالىق سوتى قاراعان. تەرگەۋ بارىسىندا ايىپتالۋشى ەلەكتروندىق تۇتىنۋ جۇيەلەرىن (ۆەيپتەردى) زاڭسىز وتكىزۋ ارناسىن ۇيىمداستىرعانى انىقتالعان.
ەسكە سالايىق, 2024 جىلعى 20 ماۋسىمنان باستاپ قازاقستاندا ۆەيپتەردى جانە ولارعا ارنالعان سۇيىقتىقتاردى ساتۋعا, تاراتۋعا, اكەلۋگە جانە وندىرۋگە تولىق تىيىم سالىنعان.
سوعان قاراماستان, سوتتالعان ازامات 3700-دەن استام جازىلۋشىسى بار «Telegram» ارناسى ارقىلى نيكوتين قۇرامدى ونىمدەردى ساتۋدى جولعا قويعان. زاڭسىز ساۋداعا تاعى 2 ادام تارتىلعان.
پەتروپاۆلدا ستالكينگ تۋرالى جاڭا باپ نەگىزىندە العاشقى سوت ۇكىمى شىقتى
جەدەل ءىس-شارالار بارىسىندا قۇقىق قورعاۋ ورگاندارى 784 ەلەكتروندىق قۇرىلعى مەن ولارعا ارنالعان سۇيىقتىقتاردى زاڭسىز اينالىمنان تاركىلەگەن.
سوت ۇكىمىمەن ۇيىمداستىرۋشى قىلمىستىق كودەكستىڭ 301-1-بابى بويىنشا كىنالى دەپ تانىلىپ, 2 جىلعا باس بوستاندىعىن شەكتەۋ جازاسىنا كەسىلدى. ونىڭ 2 سىبايلاسى ارقايسىسى 1 جىل 6 ايعا باس بوستاندىعىن شەكتەۋ جازاسىن الدى.
سونداي-اق قىلمىسقا پايدالانىلعان اۆتوكولىكتەر مەن ۇيالى تەلەفوندار مەملەكەت پايداسىنا تاركىلەندى, ال زاڭسىز ونىمدەر جويىلادى.
سوت ۇكىمى زاڭدى كۇشىنە ەنگەن جوق.
