ەاەو ەلدەرىنەن جۇمىرتقانى يمپورتتاۋعا تىيىم سالىنادى

كارتوپتى ەكسپورتتاۋعا تىيىم سالىنبايدى

كوميسسيا وتىرىسىندا ىشكى نارىقتاعى باعانىڭ ايتارلىقتاي تۇراقتانۋىن جانە جەتكىلىكتى قور بار ەكەنىن ەسكەرە وتىرىپ, كارتوپ ەكسپورتىنا شەكتەۋ الىنىپ تاستالدى.

سيىر ەتىن ەكسپورتتاۋشىلارعا كۆوتا بەرۋ تالابى جەڭىلدەتىلەدى

كۆوتا ءبولۋدىڭ قولدانىستاعى تەتىگى بويىنشا كەمىندە 5 مىڭ باسقا ارنالعان جەكە بورداقىلاۋ الاڭى مەن ءوزىنىڭ ەت كومبيناتىنىڭ بولۋى سەكىلدى بىرقاتار تالاپ ەسكەرىلۋى كەرەك. ۇكىمەتتىڭ ءباسپاسوز قىزمەتىنىڭ مالىمەتىنشە, شەشىم قابىلداۋ كەزىندە ۆاك-قا قاتىسۋشىلار ۇكىمەت بەكىتكەن مال شارۋاشىلىعىن دامىتۋدىڭ كەشەندى جوسپارىن دا نازارعا العان. قۇجات ءىرى قارا مال سانىن 7,9 ملن-نان 12 ملن باسقا ارتتىرۋدى, سونداي-اق ەكسپورتتىق الەۋەتتى نىعايتۋدى جانە قازاقستاندىق سيىر ەتىن وتكىزۋدىڭ جاڭا نارىعىن اشۋدى كوزدەيدى. اۋىل شارۋاشىلىعى مينيسترلىگى كۆوتا ءبولۋدىڭ قولدانىستاعى ەرەجەسىنە ءتيىستى وزگەرىستەردى ەنگىزەدى.

استانادا زاڭسىز ەت ونىمدەرىن ساتىپ كەلگەن جاسىرىن تسەح انىقتالدى

سونىمەن قاتار انالىق مال باسىن ساقتاۋ جانە وتاندىق قايتا وڭدەۋ كاسىپورىندارىن شيكىزاتپەن قامتاماسىز ەتۋ ماقساتىندا قازاقستاننان ءىرى قارا مەن ۇساق مالدىڭ انالىق باسىن, سونداي-اق ءىرى قارا مالدىڭ بۇقاشىقتارىن, ونىڭ ىشىندە ەۋرازيالىق ەكونوميكالىق وداققا (ەاەو) مۇشە مەملەكەتتەرگە اكەتۋگە تىيىم سالۋدى ۇزارتۋ تۋرالى شەشىم قابىلداندى.

التى ايعا دەيىن تاۋىق جۇمىرتقاسىن ەاەو ەلدەرىنەن يمپورتتاۋعا تىيىم سالىنادى

قازىر قازاقستاندا 70 قۇس فابريكاسى جۇمىس ىستەيدى. ونىڭ 34-ءى جۇمىرتقا, 29-ى ەت, 7-ەۋى اسىل تۇقىم وندىرەدى. 2025 جىلدىڭ قورىتىندىسى بويىنشا تاۋىق جۇمىرتقاسىنىڭ ءوندىرىسى – 2,4%-عا, 4 568,5 ملن داناعا ارتقان. ىشكى نارىقتاعى وتاندىق ءوندىرىس 98%-دى قۇراپ وتىر. ءتيىستى بۇيرىقتى اۋىل شارۋاشىلىعى مينيسترلىگى قابىلدايدى.

8 ناۋرىز قارساڭىندا ارزان باعادا ازىق-ت ۇلىكتى قايدان ساتىپ الۋعا بولادى؟

سونداي-اق جيىندا تەمىر جول جىلجىمالى قۇرامى مەن تەمىر جول توسەمىنىڭ ەلەمەنتتەرى ءۇشىن قۇرامداس بولىكتەردى ءۇشىنشى ەلدەردەن يمپورتتاۋعا تىيىم سالۋدى ەنگىزۋدىڭ ورىندىلىعى تۋرالى ماسەلە قارالدى. تالقىلاۋ بارىسىندا وتاندىق جيىنتىقتاۋشى وندىرۋشىلەردىڭ, لوكوموتيۆ وندىرۋشىلەر مەن تۇتىنۋشىلاردىڭ, ونىڭ ىشىندە «قتج» اق-نىڭ ۇستانىمدارى تىڭدالدى.

ازىق-ت ۇلىك نەگە قىمباتتاپ جاتىر؟ سەرىك جۇمانعارين باعا ءوسىمىنىڭ سەبەپتەرىن اتادى

تالقىلاۋ قورىتىندىسى بويىنشا يمپورتقا شەكتەۋلەر ەنگىزۋدىڭ ورىنسىز ەكەنى تۋرالى شەشىم قابىلداندى. سونىمەن قاتار «قازاقستان تەمىر جولى» اق-عا تەمىرجول جىلجىمالى قۇرامىنا ارنالعان قوسالقى بولشەكتەر مەن تەمىرجول توسەمى ەلەمەنتتەرىن ساتىپ الۋ كەزىندە وتاندىق وندىرۋشىلەرگە باسىمدىق بەرۋدى قامتاماسىز ەتۋ تاپسىرىلدى.