اتىراۋدا نوسەر سالدارىنان 500 ادام قاۋىپسىز جەرگە كوشىرىلدى

اتىراۋ. 13 مامىر. اتىراۋدا تولاسسىز جاۋعان نوسەردەن كەيىن جەكە سەكتورداعى تۇرعىن ۇيلەردەن 500 ادام قاۋىپسىز جەرگە كوشىرىلدى. بۇل تۋرالى egemen.kz ءتىلشىسى حابارلادى. 11 مامىردا تۇستەن كەيىن باستالعان تولاسسىز جاۋىننىڭ سالدارىنان اتىراۋدا بىرقاتار كەلەڭسىزدىكتەر بولعانىن حابارلاعان ەدىك. نوسەر جاڭبىردىڭ سالدارى اسىرەسە, اتىراۋ قالاسى مەن وعان ىرگەلەس ورنالاسقان ەلدى مەكەندەردە ايرىقشا بايقالدى. وبلىستىق توتەنشە جاعدايلار دەپارتامەنتى باسشىسىنىڭ ورىنباسارى مارات قۇرمانوۆتىڭ ءمالىم ەتكەنىندەي, اتىراۋ قالاسىنىڭ جەكە سەكتورىندا ورنالاسقان تۇرعىن ۇيلەرگە سۋعا كەتۋ قاۋپى تونگەن. ناقتىلاي ايتقاندا, جاڭبىر سۋى 42 جەكە ءۇي مەن 252 اۋلاعا كىرگەن. جەكە سەكتورداعى تۇرعىن ۇيلەردەن قاۋىپسىز جەرگە كوشىرىلگەن ادامداردىڭ سانى 500-گە جەتكەن. بۇگىن اتىراۋدا جاڭبىر جاۋعان جوق. بىراق اۋا رايى بۇلتتى ءارى ب ۇلىڭعىر بولىپ تۇر. سينوپتيكتەر اپتا سوڭىنا دەيىن تاعى دا جاڭبىر جاۋاتىنىن حابارلاۋدا. جولداسبەك شوپەعۇل. دەرەك:egemen.kz. سۋرەت: راحىم قويلىباەۆ.